14.02.20
Millimizlə 1:1-lik heç-heçədən sonra Malta millisinin baş məşqçisi Rey Farruciya mətbuat konfransına sevinclə elə daxil oldu ki, sanki onlar bizim timsalımızda zəif komandadan deyil, az əvvəl son dünya çempionu Fransadan xal alıblar. Nəticədən xeyli məmnun göründüyünü bir neçə dəfə qeyd etdi. Bəli, Maltanın düşərgəsində bayram idi. Bizdə isə matəm fason bir şey.
Diqqətimi ilk çəkən oyundan sonra stadionda Qara Qarayev oldu. Yaxınlaşıb görüşsə də, danışmaq halında deyildi. Gözünün də içi qıpqırmızı. Mənə elə gəldi ki, o, bu xal itkisinə görə ağlayıb. Bəlkə də yanılıram. Amma yüz faiz bildiyim odu ki, dünən axşam Maltada havada gözə təsir edə biləcək hər hansı virus yox idi. Sonra aeroportda acı bir etirafda bulundu mənə:
- Kənardan baxan elə bilər ki, qəsdən oynamamışıq. Adama möhkəm təsir edir.
Gücüm ona yalançı təsəlli verməyə çatır:
- Keçib gedər, futbolda olur belə şeylər.
Çarəsizcəsinə, “bilmirəm” deyib gözləmə zalına üz tutur.
***
Əslində hamı pis durumda idi. Bütün futbolçular, eləcə də AFFA-nın baş katibi Elxan Məmmədov. Qurban Qurbanova isə gələcəyəm. Bir sözlə, bıçaq vursan, heç birindən qan çıxmazdı. Yadıma Berti Foqtsun dönəmində milli komandamızın Portuqaliyaya səfər oyunundan sonrası düşdü. O zaman da aeroportdaydıq. Amma onda futbolçuların hamısı olmasa da, əksəriyyəti elə şən ab-havada idilər, elə deyib gülürdülər ki, sanki 2-3 saat əvvəl 0:3 uduzan biz yox, elə Ronaldonun komandası olub.
Amma Malta əlbəttə ki, Portuqaliya deyil. Bu komanda ilə matçdakı xal itkisi bizimçün faciə olmasa da, hər halda ciddi bir siqnaldı. Bəli, Qurban Qurbanov millini qəbul etməklə ağır yükün altına girib, nəticəyə, oyuna görə birbaşa cavabdeh də odur. Kosovo, ardınca Maltayla 6 xal deyil, 2 xal qazanmağımızın, daha dəqiqi 4 xal itirməyimizin birbaşa məsuliyyəti Qurban müəllimin üzərindədi. Amma bugün elliklə onun üzərinə necə gediriksə, başqa problemlərə də toxunmalıyıq. Millinin əksər futbolçuları oyun təcrübəsi baxımından pis vəziyyətdədir. Səbəb onsuz da hamıya bəllidi: ölkədə futbol batıb gedir, çempionatda rəqabət demək olar qalmayıb. Bu gün bu ölkənin futbolunun simasını qoruyan, az da olsa ayaqüstə saxlayan “Qarabağ”dı, yəni həm də Qurban Qurbanovdu. Millinin matçlarında da çox yox, müəyyən dərəcədə “Qarabağ”ın oyunçuları fərqlənir. Çünki Avroliqada mübarizəni davam etdirirlər, səviyyəli rəqiblərlə oyun təcrübələri var. Amma onların da son iki qarşılaşmada milliyə ciddi köməkləri dəymədi. Çünki problem fərdlərdə yox, ümumi komandadadı. Qurban Qurbanov, əlbəttə ki, bunu qısa zamanda həll etməlidi. Hələ heç nə itirilməyib. Qrup lideri Kosovo ilə aramızda cəmi 2 xal fərq var. Lakin vaxtımız çox azdı. Tariximizdə ilk dəfə Avropa çempionatının final mərhələsinə düşmək kimi möcüzəvi bir şans əldə etmişik. Ondan mütləq yararlanmalıyıq.
Bəli, Qurban Qurbanov aparmalıdı millini irəli. Amma təkbaşına deyil. Hamının, ən çox da klubların köməyi ilə. Necə? Sadəcə, əsas komandaya hazır futbolçu göndərməklə. Qurban Qurbanov millidəki 5-10 günlük məşqlərlə “ölmüş” futbolçunu “dirildəcək” qədər sehrbaz biri deyil.
***
Gecə Bakı vaxtıyla saat 4, ya 5-di. Təyyarədə çoxusu yuxuya gedib. Amma o, əlində noutbuk 1-2 əsas futbolçusunu yanına çağırır. Malta ilə oyunu təhlil edəcəklər. Gecənin bu saatında...
Berti Foqtsla Robert Prosineçki isə belə vəziyyətlərdə adətən yeddinci yuxuda olardılar.
... Deməli, çox yox, bir balaca ədalətli olmaq lazımdı.
Bir balaca...
Aydın BAĞIROV
[email protected]
_22.01.19.jpg)
"Real"dan xal itkisi
"Yurçeviç deyirdi ki, hazır bombasan" - Vüsal İsgəndərli
"Top düz başıma gəlir, mən də qol vururam" - Mamadu Mbodj
"Neftçi"dən "Keşlə"yə 3 qol - Video
"Bu, komandamın tam potensialı deyil" - Füzuli Məmmədov
"Neftçi" və "Səbail"dən qələbə
"Qarabağ"ın 1200-cü qolunu vurdu
“Səbail” - “Qəbələ” oyununda 4 qol - Video
Rafael Ağayevdən qızıl medal
"Niasse gedəndən sonra çətinlik çəkirik" - Elmar Baxşıyev
"Onu Premyer Liqada kəşf etdik" - Aftandil Hacıyev
Nazarovdan Almaniyada növbəti qol
"Neftçi" - "Keşlə": Heyətlər
Koçuk 100-ü yarıladı
"Qarabağ" rekordunu təkrarladı
Çempionlar Liqasında 2 oyunun hakimləri açıqlandı
Rüfət ABŞ-da növbəti oyuna çıxdı
“Səbail” – “Qəbələ” - Heyətlər
4 ay işlədi, istefaya göndərildi
Derbidə oynamayacaq
“Mançester Siti”nin çempionluğu alına bilər
Elvin Bosniyada ilk oyuna çıxdı - Şəkil
Alba da zədələndi
“Bizi tənqid edirlər, “Arsenal”ı yox” – Lyuk Şou
Qvardiolanın yeni mövsümdə harada çalışacağı bilindi
“Sadəcə, vau...” - Klopp şokdadır
Ronaldo sifariş ərizəsinə salınmadı
"Fənərbaxça" autsayderə uduzdu - Video
"Liverpul"dan çətin qələbə - Video
Sərbəst güləşçilərimizdən 1 gümüş, 2 bürünc medal
"Fənərbaxça" səfərdən xalsız qayıdır
PSJ-nin oyununda 8 qol
