13.03.25
Millimizin “Avro-2020”ni sonuncu yerdə başa vuracağı dəqiqləşdi. Bu, komandamızın dünən səfərdə Macarıstana 0:1 hesablı məğlubiyyətindən və Uelsin rəqib meydanında Xorvatiya ilə heç-heçə etməsindən sonra bilindi.
6 turdan sonra milimiz 5 komandalı qrupda 1 xalla axırıncı yeri tutur və 5-ci pillədən yuxarı qalxa bilməyəcəyik. Çünki 4-cü pilləni tutan Uelsin hazırda 8 xalı var ki, millimiz sonrakı 2 matçda 6 xal toplasa belə, bir pillə yüksəlməsi mümkün olmayacaq. Beləliklə, millimizin bu seçmə mərhələdəki çıxışını da tamamilə uğursuz, futbola təkcə son iki ildə dövlətin verdiyi on milyonlarla manat maddi dəstəyin müqabilində fiasko hesab etmək olar.
Gələn il Avropa çempionatının final mərhələsinin 4 oyunu (üç qrup və 1/4 final matçı) Azərbaycanda keçiriləcək. Bundan həvəslənən AFFA rəhbərliyi hələ ötən il bəyan etmişdi ki, millinin qarşısına qoyulan vəzifə “Avro-2020”nin final mərhələsinə vəsiqə qazanmaqdır. İnsafən, bunun üçün yaxşı imkan da yaranmışdı. Bu mənada, federasiya rəhbərliyinin tələbi də haqlı və əsaslı idi. Ona görə ki, “Avro-2020”nin seçmə mərhələsindən daha əvvəl ilk dəfə keçirilən Millətlər Liqası turniri vasitəsi ilə gələn ilki yarışda oynamaq üçün yaxşı bir imkan vardı. Bundan başqa milli “Qarabağ”la Çempionlar Liqasında uğurlu nəticə göstərən Qurban Qurbanova tapşırılmışdı ki, bu faktın özü də futbol ictimaiyyətinin ümidlərini daha da artırmışdı. Amma Qurbanovun millidə məşqçi kimi birinci və hələlik sonuncu işi uğursuz oldu. Olmamalıydı. Kosovo, Malta və Farer adalarının yer aldığı qrupu komandamız gözlənilənlərin əksinə olaraq, birinci deyil, ikinci yerdə başa vurdu. Bununla da “Avro-2020”yə Millətlər Liqası yolu ilə getmək ümidlərimiz puç oldu.
Səbəb hər nə olursa olsun, nəticə acınacaqlı idi və buna görə məsuliyyət birbaşa o vaxtkı baş məşqçi Q.Qurbanovun üzərinə düşür. Hər şeydən əvvəl ona görə ki, AFFA-nın indiki rəhbərliyi dövründə millinin baş məşqçisi olan 3 əcnəbidən fərqli olaraq, Q.Qurbanov bir təcrübəli yerli mütəxəssis kimi bizim futbol mentalitetini, futbolçuların dili və psixologiyasını daha yaxşı bilirdi. Üstəlik digər məşqçilərin zamanında olduğu kimi, onun dövründə də “Qarabağ”lı futbolçular millidə çoxluq təşkil edirdilər. Bu isə uğurlu nəticələr üçün əlavə imkanlar yaradırdı. Amma görünür, iki işdə (“Qarabağ” və milli) eyni vaxtda işləməsinin yaratdığı zehni və fiziki yükləmə millimizin Millətlər Liqasının final mərhələsinə çıxmasına əngəl oldu. Qurban Qurbanov bu faktı indiyədək yaxınına buraxmasa belə.
Əlbəttə, millinin ötən ilin sentyabrından – Millətlər Liqasından başlayaraq ta “Avro-2020”nin seçmə mərhələsindəki 6 oyunundakı bu nəticələrə görə AFFA-nın rəhbərliyi də yaxasını kənara çəkə bilməz. Əgər deyək ki, Millətlər Liqasındakı uğursuzluq hətta bir nəfər – Q.Qurbanovla bağlıdırsa, bəs, “Avro-2020” biabırçılığını kimin adına yazaq? Bu seçmə mərhələdə ki məşqçi Qurbanov deyil, AFFA-nın özünün gətirdiyi mütəxəssis olub. Final mərhələsinə çıxmağı bir kənara qoyaq, 6 oyundan cəmi 1 xal toplanılıb. Hətta AFFA-nın hazırkı rəhbərliyinin özlərinin dönəmində belə 6 matçda bu qədər az xal qazandığımız mərhələ olmamışdı. Hər il futbolun inkişafı üçün AFFA-ya ayrılan pul artır, xal isə artmaq əvəzinə azalır. Yəni, tam bir anormallıq.
Bəs, yaxşı nə baş verir?
Son vaxtlar AFFA-ya yaxınlığı ilə tanınan və yemlənən bir qrup marionet 1 xala görə məsuliyyəti ancaq baş məşqçi Nikola Yurçeviç və futbolçuların üzərinə atır. “Komandanın oyunu yoxdur”, “Məşqçi işi görünmür” deyə fikirlər formalaşdıraraq diqqəti əsas problemlərdən yayındırmağa mənasız cəhdlər göstərilir. Düzdür, məşqçi və futbolçunun səhvi yoxdur demək ən azı naşılıq olardı. Amma AFFA mələk deyil. Saysaq, işlərində tonlarla səhv, qeyri-şəffaflıq üzə çıxacaq.
O səhvlərdən birinə diqqət edin. Azərbaycan futbolundan bixəbər, hətta ölkəsi Xorvatiyada belə baş məşqçi kimi fəaliyyətinə ehtiyac duyulmayan (üç ay işlədikdən sonra qovulan) Nikola Yurçeviçi millimizə gətirdilər. Kim gətirdi? Əlbəttə, mütəşəkkil menecer çetesi. Hansı ki, federasiya ilə əlbir olub pul yumaqla məşğuldurlar. Bəs, AFFA prezidenti Rövnəq Abdullayev bunun səbəbini soruşubmu? Elxan Məmmədovun bu dəstəylə bağlılığı varmı, varsa nə qədərdir? Əlbəttə, baş məşqçi təcrübəsi olmayan birinə millimizi tapşırandan sonra belə uğursuzluğun olması təbii idi. Deyilmişdi də.
Amma məsələ təkcə bu da deyil. İstənilən halda futbolumuzda təpədən dırnağa qədər böyük problem var. Məlum faktdır ki, bütün yaş qruplarında nəticə pisdir. Daha pisi isə odur ki, ölkə futbolunda kadr - futbolçu böhranı günbəbəgün dərinləşir. Bölgələrdə klubların olmaması, bunun da vurduğu ağır zərbə belə görünür ki, futbol idarə edən AFFA-nı qətiyyən narahat etməyib, etmir və etməyəcək də. Uşaq futbol məktəbləri acınacaqlı vəziyyətdədir. Bu bir-iki cümləlik gerçəkliklər isə özünü əsas millinin acınacaqlı nəticələrində göstərir. Bir sözlə, futbolumuz ya ölüb, ya da can üstədir, öləcək.
Və onu diriltmək heç də Bəhlul Mustafazadənin sayılmayan haqlı qoluna görə tipik azərbaycansayağı isterika yaratmaqla olmur.
Aydın BAĞIROV
[email protected]
"Qəbələ"nin 4 qollu qələbəsindən - Video
"Cavidin əvəzinə danışa bilmərəm" - Elvin Məmmədov
"Narahat olmayın, heç kimdən küsməmişəm" - Qurban Qurbanov
Bayılda vurulan 5 qol - Video
"Qarabağ" böyük hesabla "Səbail"ə qalib gəldi
Güləşçimiz ermənistanlı rəqibini məğlub edərək finala çıxdı
"Qəbələ"dən darmadağın, Yevlaxda heç-heçə
AFFA-nın Hesabat Konfransı keçirilib - Yenilənib
Flik "Barselona" ilə yeni müqaviləsi haqda danışdı
“Səbail” - “Qarabağ” oyununun heyətləri
AFFA klub prezidenti ilə bağlı şikayəti təmin etmədi
Akif Quluzadənin növbəti döyüşü
ÇL-də həftənin ən yaxşı oyunçusu seçildi
Baş məşqçi vəzifəsinə əsas namizəd Fabreqasdır
FİFA Türkiyə klublarına transfer qadağası qoydu
AFFA-dan 2-ci liqa klublarına cəza və cərimələr
Salah: "İnanmasaydım, müqavilə imzalamazdım"
“Nə Əliyar Ağayevi görmüşəm, nə də başqalarını…”
Qurban Qurbanov AFFA-dan inciyib? - Rövşən Nəcəfdən açıqlama
AFFA idman qurğularına 2 milyon manatdan çox vəsait ayırıb
"İnter"dən müflis olmaq riski ilə bağlı xəbərlərə reaksiya
Vitali Borisov: “Bu, bizim üçün nüfuz oyunudur”
“Limitin ləğvi futbolumuz üçün yaxşıdır” - Maqsud Adıgözəlov
Bir mövsümdə futbol klublarımıza nə qədər pul xərclənib?
Yunan-Roma güləşçilərimiz mübarizəyə başlayırlar
Salah "Liverpul"da qalır - Rəsmi
UEFA-nın Azərbaycan klublarına ödədiyi vəsait məlum oldu
Qurban Qurbanov Hesabat Konfransına qatılmadı
SOCAR ötən il AFFA-ya nə qədər vəsait ayırıb?
"Fernandu Santuşa narazılığımızı bildirdik" - Rövşən Nəcəf
"Real"ın sabiq baş məşqçisi vəfat etdi
"Çelsi"dən böyükhesablı qələbə
ÇL-də həftənin rəmzi komandası
Mbappe hələ də PSJ-dən borcunu tələb edir
"Qaradağ Lökbatan" - "Mingəçevir" matçından - Video
Ronaldodan yeni müqavilə
1-ci Liqa matçında 7 qol və 1 "qırmızı" - Video
İtaliya klublarının hədəfindədir
MOİK-dən baxımlı qol və qələbə - Video
"Raysın cərimə zərbələrinin təsirli olduğunu düşünmürəm"
MOİK və "Zaqatala"dan qələbə, Lökbatanda qol vurulmadı
