18.09.25
2019-un ilk yazısı
***
Uşaq futbolumuzdakı problemlər haqda danışılanda yadıma hər dəfə Bakıdakı futbol məktəblərindən birində baş verən bu kədərli hadisə düşür. Məktəbin məşqçisinin olarmış 35-40, hazırladığı uşaqlarınsa 9-10 yaşı. Özünün növbəti məşqinin sonunda 35-40 yaşlı məşqçi ilk dəfə futbol məktəbinə ayaq basan 10 yaşlı uşağa faşistsayağı həyvərəliklə "səndən futbolçu olmayacaq" - deyərək ona məktəbə gəlməyi qadağan edir. Uşağın elə ilk məşqindən sonraca.
Axşam hadisəni evdə atasına danışan 10 yaşlı o uşaqsa deyir: “Məni birdə ora aparma. Orda mühit çox pisdi...” 10 yaşlı uşağın sözlərinə diqqət edin: “Orda mühit çox pisdi...”
İşin tragikomik tərəfi isə odur ki, 10 yaşlı uşaq hələ yenicə inkişafa başlayan tük qədər zehniyyəti ilə futbol məktəblərimizdəki xaosu görür və hiss edir, amma futbol federasiyası və klublar (çoxusu) dərk etmir ki, uşaqla yaşı olan yox, başı olan işləməlidi. Və ümumiyyətlə, tək uşaq futboluna da deyil, bütövlükdə futbolumuza, idarəçiliyə futbol başı olan adamlar lazımdı. Yoxsa onsuz da yaxşı olmayan vəziyyət, nəticələr yaxın 5 ildə daha da pisləşəcək.
Futbol adamlarımızın çoxu da şəxsi söhbətlərdə bununla bağlı narahatlıqlarını dilə gətirir. Amma qeyd etdiyim kimi, yalnız şəxsi söhbətlərdə. Mediada bu faktları deyənlər yox dərəcəsindədi. Hərçənd demək də lazımdı. Məsələn, İsgəndər Cavadov necə ki, hansısa sirli səbəbdən qəfil coşub millidə Qurban Qurbanovdan nəticə tələb edirdisə (haqlı olaraq da tələb edirdi), narazılığını büruzə verirdisə, mediada olmasa da, üzvü olduğu AFFA İcraiyyə Komitəsində bölgələrdə futbolsuzluğun aradan qaldırılması məsələsini qaldırmalıdı. Çünki İsgəndər Cavadov həm də Regional Futbol Federasiyası adlı qurumun prezidenti kimi rəsmi məsuliyyəti olan biridir. Amma əlbəttə, bunun baş vermə ehtimalı AFFA İcraiyyə Komitəsinin hazırkı 11 üzvündən çoxunun futbolu öyrənməsi ehtimalı qədər azdı, ya da, ümumiyyətlə, heç yoxdu.
İcraiyyə Komitəsini niyə xüsusi qeyd edirəm? Çünki futbolumuza dair bütün önəmli qərarlar orda qəbul olunur və federasiyasının komitələri tərəfindən icra edilir. Verilən qərarlara uyğun olaraq AFFA işləri o səviyyədə icra edib və edir ki, indiki kimi 3-4 il sonra da milli komandada oynamaq bacarığında cəmi 1-2 futbolçu olacaq. A milli komanda gözümüzün önündədi. TV-lər, saytlar, qəzetlər onlardan yazır deyə problemləri görür və işıqlandırırıq. U-21-dən başlayaraq isə digər aşağı yaş qruplarında ciddi kadr böhranı var. Hesablasan gələcəkdə A millidə oynayacaq potensiala malik 5-6 futbolçu yoxdur. Bunun səbəbi təkcə 10 yaşlı uşaqla tərbiyəsizcəsinə davranan 35-40 yaşlı o məşqçi deyil. Onun kimi futbol savadı olmayan onlarla o tip lisenziyası olmayan dırnaqarası “mütəxəssis” tanışlıq və qohumluq əlaqələri sayəsində uşaq futbol məktəblərinə doluşub. Və bu adamların birinci məqsədi uşaqdan nəticə tələb etmək yox, onlara futbolu sevdirmək olmalıdı. Sonra ona normal təhsil verməli, gələcəyin şəxsiyyəti kimi formalaşdırmağı bacarmalıdı. Bizdə isə futbolçuya dərs keçənlər sırasında özlərinin intellektə və insani səviyyəyə ehtiyacı olanlar az deyil. O “müəllimlərin” sayəsində də xaraktersiz futbolçularımızın sayı günbəgün artmaqdadı. Millidə artıq təsdiqini tapan həqiqət budur ki, Rəşad Sadıqovun gedişindən sonra lider, bütün komandaya nüfuz etmək, söz keçirmək gücü olan futbolçu qalmayıb. Komanda oyunu bəzi hallarda meydanda deyil, meydana çıxmadan, elə paltardəyişmə otağında uduzur. Bir çoxu da xaraktercə çox zəifdi. Kosovo ilə matç yadınızda? Digərləri bir yana, təkcə “Qarabağ”ın millidəki oyunçuları – hansı ki, onlardan düz 5 nəfəri əsas heyətdə yer almışdı – həm də Qurban Qurbanova görə canlarını ortaya qoyub iradə göstərməli idilər. Amma elə bil tir-tir əsirdilər. Ona görə də qatar da getdi, Qurban Qurbanov da.
İndi qaranlıq yoldayıq. Və o yolda işıq görünmür. Çünki işıq 10 yaşlı o uşaq, uşaqlardı, bu işığı söndürən 35-40 yaşlı həmin məşqçilər yox.
Aydın BAĞIROV
[email protected]
İslamiadada Azərbaycanı onlar təmsil edəcək
“Liverpul”un müdafiəçisi sıradan çıxdı
Lennart Karl Musialanı geridə qoydu
Lionel Messi “İnter Mayami”də qalacaq - Rəsmi
Merih Demiral “Fənərbaxça”ya qayıda bilər
NBA çempionu həbs edildi
Çempionlar Liqasında həftənin ən yaxşısı o seçildi
Arda Güler: “Bellinqemlə birgə oynamaq böyük zövqdür”
Güləşçimiz bürünc medal görüşünə vəsiqə qazandı
“Barselona”da “El-Klasiko” öncəsi iki itki
Keyn Droqbanı geridə qoydu
1-ci liqa: Liderlərin oyununda 4 qol
Hamşikin oğlu "Kopenhagen"də
Azərbaycandan ayrılıb Gürcüstan klubuna keçdi
Daha 3 boksçumuz yarımfinalda - Avropa çempionatı
Ayın ən yaxşı qolunun müəllifi mükafatlandırıldı
Qurban Qurbanov əsəbiləşdi - Video
"Qarabağ"la oyunda əziyyət çəkdik" - Robert Navarro
Hakim Ziyeşin yeni klubu bilindi
Türkiyə klublarının oyunlarını yayımlayacaq kanallar
"Real" - "Yuventus" matçından - Video
“Araz-Naxçıvan”ın ÇL-dəki ilk 2 oyununun hakimləri
Arda Güler "Yuventus"la oyunun ən yaxşısı seçildi
“Qalatasaray” “Budo-Qlimt”i belə məğlub etdi - Video
Leandro Andradenin "San Mames"də vurduğu qol - Video
Güləşçimiz dünya çempionu oldu, milli rekorda imza atdı
"Qarabağ" Çempionlar Liqasında neçəncidir?
"Real" "Yuventus"a, "Qalatasaray" "Budo-Qlimt"ə qalib gəldi
"Qarabağ”ın Liqa mərhələsində ilk məğlubiyyəti
İlkay Gündoğandan böyük jest
Flikə verilən cəza qüvvədə qaldı - “El-Klasiko”da olmayacaq
Afrikada ilin futbolçusu adına namizədlər açıqlandı
Tahir Gözel oyundan əvvəl komandasına dəstək oldu
“Qarabağ”ın “Atletik”lə oyun üçün - Heyəti
Antuan Semenyo İngiltərə nəhənginin transfer hədəfində
Mark Quehi “Real”a keçə bilər
Elliot Andersona Premyer Liqanın 3 nəhəngi “elçi düşüb”
Levandovski “Mançester Yunayted”lə razılığa gəlib?
Yamal daha bir ilkə imza atdı
Birinci liqada 6-cı tura start verildi
