29.08.25
Zamanında istənilən yaxşı bir hücumçu alınsaydı və komanda irəlidə bir tək İnnosent Emeqaranın ümidinə qalmasaydı, “Qarabağ” bəlkə də bu gün Çempionlar Liqasının pley-off mərhələsindəydi. Amma alınmadı. Ya transfer siyasətində səhvlər buraxıldı, ya gecikmə oldu, ya da Qurban Qurbanovun istədiyi həmin o oyunçu Azərbaycana gəlmək istəmədi.
BATE keçilməliydimi? Keçilməliydi! Bəs, keçilməyibsə, kimdi günahkar? Təbii ki, başda Qurban Qurbanov, sonra da oyunçular. Rəşad Sadıqov? O da günahkardı, əlbəttə. Hər iki oyunda iki kobud səhvindən qollar buraxılıb. Elə qollar ki, komandanın daha da irəli getməsinin üstündən xətt çəkib. Amma bu, heç kimə onun üzərinə bu qədər mərhəmətsizcəsinə, ədalətsizcəsinə getməyə əsas vermir. Rəşad bu gün, ən azı mövsümün sonuna kimi futboldan getməməlidir. Özü istəyirsə belə, getməməlidi. Çünki bu zəiflik, qorxaqlıq kimi görünər. Futboldan getmək yox, futboldan qaçmaq olar!
“Qarabağ”a yönələn tənqidlərin çoxunda tutarlı əsaslar var, təbii ki. Hərlənib yenə gəlirik transferlərin üzərinə. Təkcə ötən mövsüm Çempionlar Liqasının qrupunda iştiraka görə UEFA-dan 16 milyon avro gəlir əldə olunub. Klubun ötənilki büdcəsindən düz iki dəfə çox. Bəs bu 16 milyondan transferlər üçün nə qədər pul ayrılıb? Ayrılan pula istənilən futbolçular alınıbmı? Alınmayıbsa niyə? Gecikmə olubsa, niyə? Ümid edək, Qurban müəllim yaxınlarda bu suallara cavab verəcək.
Amma bu yerdə onunla həm də son görüşümü xatırlamalı oluram. Demişdi ki, istədiyim bəzi üst səviyyəli legionerlər “Qarabağ”da, daha da dəqiqi Azərbaycan çempionatında oynamaq istəmirlər. Bu gün aldıqlarından hər nə qədər artıq pul təklif olunsa belə. Niyə gəlmək istəməmələrinin səbəbi də aydındı. Bir cümləylə kobud ifadə etsək, bu ölkənin çempionatı sadəcə, çempionat deyil. Böyük ehtimalla şişirilən, istənilən halda isə yenə də rəsmi protokollarda əksini tapan rəqəmlər belə Premyer Liqa adlı bu yarışın nə qədər bərbad vəziyyətdə olduğunu növbəti dəfə təsdiqləyir.
Bu da acınacaqlı fakt. Ötən həftə liqanın birinci turundakı üç oyununu stadionlarda cəmi 1700 azarkeş izləyib! 1700 azarkeş “Qarabağ”ın ev oyunlarını keçirdiyi “Azərsun Arena”nın stadionunun kiçik bir tribunasına sığa, ya sığmaya. Amma 1700 azarkeşi son olaraq Azərbaycan çempionatında “Qarabağ”ın hansı ev oyununda görmüsünüz? Hələ söhbət ölkənin son 4-5 ilinin TOP komandasından gedir. Görün, indi o birilər nə gündədi. Amma BATE-yə uduzanda, söhbət futbolda öyüd-nəsihət vermək mərhələsinə gələndə “Qarabağ”ın təkcə Feysbukdakı azarkeşlərinin sayı azı on dəfə artır. Bunu da elə-belə, sözgəlişi dedim.
Qayıdaq daha ciddi problemə. Tribunalar niyə boşdu? Bölgələrdə futbol deyə bir idman növü qalmayıb, ona görə. Bir tək “Xəzər Lənkəran”ın yaxşı vaxtlarını yada salın. Və maraq üçün elə bu klubla “Qarabağ” arasındakı (hələ böyük oyun adlanan “Xəzər Lənkəran”la “Neftçi”nin matçlarına toxunmuram) oyunlara gələn azarkeş sayına fikir verin. Onda Azərbaycan futbolunun cənublu azarkeşlərə hələ çox ehtiyacı olacağı fikri ilə bir daha barışacağıq. Və cənub da, digər bölgələr də futbolsuz qaldığı müddətdə stadionlar bom-boş olacaq.
“Qarabağ”dan legionerlər – Almeyda, Şehiç niyə getdi? Təkcə pula görəmi? Futbol azarkeş üçün oynanılır. Futbolçu azarkeşin alqışından, ona dəstək verməsindən ruh, stimul alır, həvəslənir, daha yaxşı oynamağa çalışır. Onu meydanda təkcə pul yox, həm də azarkeş oynadır. Amma Azərbaycanda futbolçular, məşqçilər azarkeş nəfəsini hiss etmirlər. Deməli, azarkeşi stadiona gəlməyən ölkənin çempionatında rəqabət də olmayacaq. Bunun üstə bir çox klubun yarıtmaz idarəçiliyini də gələndə “Qarabağ” ölkədə faktiki olaraq, rəqibsiz duruma düşür. Yalnız ildə bir dəfə, yaydan-payıza olan bir neçə ayda avrokuboklarda bu komanda rəqabət hiss edir, rəqib görür (ona görə də "Qarabağ"ın ÇL-lə üçüncü mərhələdə vidalaşmasında qeyri-adi, faciəvi nəsə axtarmaq yersizdi).
Bəs, stadionlarımızın boş qalması, bölgədə futbolsuzluq, çempionatdakı bu rəqabətsizlik futbolumuzun yiyələri olan AFFA ilə PFL-i ciddi şəkildə maraqlandırırmı? Həqiqətən maraqlandırırsa, problemin həlli üçün iş görülübmü? Görülübsə, nə vaxt, harada və nəticə nə olub?
Əlbəttə, bu ritorik sualların cavabları da, əsl həqiqətlər də hamıya bəllidi.
... Və bəlli bir həqiqət daha var. “Qarabağ” Çempionlar Liqasında məhz həmin çempionatı, rəqabəti, azarkeşi olmayan ölkənin təmsilçisi idi. Uduzan “Qarabağ”dı. Günah da “Qarabağ”dadı. Amma uduzan, zərbə alan həm də Azərbaycan futboludu. Üç oyununa cəmi 1700 azarkeş gələn Azərbaycan futbolu...
Bunun da günahkarı “Qarabağ”dı?
Aydın BAĞIROV
[email protected]
Rafinya "Disneyland Paris"i irqçilikdə günahlandırdı
"Arsenal"ın oyunçusu "Beşiktaş"a keçməyəcək
"Şamaxı" yoxlama oyunu keçirdi
"Trabzonspor" "Mançester Yunayted"lə razılaşdı
"Barselona" onunla yeni müqavilə imzalamaq niyyətində deyil
"Azərbaycanlılar antifutbol göstərirdilər"
2-ci Liqaya start verildi, 3 oyun keçirildi
Harri Maquayra Səudiyyə Ərəbistanından təklif
Alkantara "Barselona"ya qayıdır
"Kəpəz"də yeni təyinat
Villianın yeni klubu rəsmən açıqlandı
Azərbaycan millisi Farer adalarına qalib gəldi
Mbappe Arda Güleri qabaqladı
"Mançester Yunayted"də ayın ən yaxşısı seçildi
"Barselona" onunla yeni müqavilə imzalayır
Enrikenin başına hadisə gəldi
Emin Mahmudov azarkeşlərdən üzr istədi
Azərbaycan boksçusu dünya çempionatına qələbə ilə başladı
Qurban Qurbanov: “Özlərini qeyri-peşəkar apardılar - Video
Ronaldo Ermənistanda azarkeşi itələdi - Video
DÇ-2026-da 6 oyun
Azərbaycan millisinin qapısındakı 5 qol - Video
DÇ-2026-ya vəsiqə qazandılar
“Zirə”nin yarımmüdafiəçisi üçün 56 dəqiqə
“Nəticəyə görə çox utanırıq” - Emin Mahmudov
Marko Yankoviç Çexiyaya qarşı oynadı
“Axı nəyə görə istefa verməliyəm?” - Fernandu Santuş
Ukrayna millisi Bakıya məğlub gəlir
İslandiyadan millimizə 5 cavabsız qol
U-21 millimiz Portuqaliyaya böyük hesabla məğlub oldu
Azərbaycan klublarının yay transferləri - Yenilənir
"Qarabağ" yeni əməkdaşlığa başladı
"Kayrat" ÇL-ə sifariş etdiyi oyunçu ilə yollarını ayırdı
Türkiyə nəhəngləri "Real"ın oyunçularını hədəflədilər
"Barselona" yetirməsi ilə yollarını ayırdı
İslandiya - Azərbaycan matçı üçün - Heyətlər
"İmişli" yoxlama oyununda qalib gəldi
Millimizin Gürcüstanla oyunları üçün heyəti müəyyənləşdi
“Liverpul” Salahı onunla əvəz etmək istəyir
“Messi Fransada çox aqressiv ab-hava ilə üzləşdi”
Boksçumuz növbəti mərhələyə yüksəldi - Dünya çempionatı
Fransa klubundan baş məşqçi ilə bağlı qərar
"Qarabağ" niyə hücumçu almadı? - Tahir Gözeldən cavab
Millimizin üzvü əvəzedici komandaya göndərildi
"Qarabağ" prezidentindən BOS açıqlaması
"Benfika"da ayrılıq
