17.07.26
DÇ-2018 başa çatandan sonra prezident Vladimir Putin Rusiya millisinin iki futbolçusu – İqor Akinfeyev və Sergey İqnaşeviçi ölkənin ən yüksək dövlət mükafatlarından biri – “Şərəf” ordeni ilə təltif etdi.
Çünki qapıçı Akinfeyevlə mərkəz müdafiəçisi İqnaşeviçin milli komandalarının mundialın 1/4 finala çıxmasında böyük əməyi olmuşdu. Xüsusilə çempionatın başlamasına cəmi 1 ay qalmış qəfildən - həmkarı Ruslan Kambolovun zədələnməsi səbəbindən yenidən milliyə çağırılan İqnaşeviç bir çox proqnozu alt-üst edərək dünyanın ən böyük futbol yarışında yüksək oyunu və idmançı iradəsi, əzmi ilə çoxlarına örnək oldu. Mundial başa çatdıqdan sonra isə İqnaşeviç millini və ümumiyyətlə, futbolçu karyerasını başa vurduğunu elan etdi.
Bu zaman onun 38 yaşı vardı. Yəni artıq getmək vaxtı idi.
Bizim Rəşad Sadıqovsa indi təmiz 36 yaşındadı. “Təmiz 36 yaş” nə deməkdi? Yaşı, Azərbaycanın 90-95 faiz futbolçusundan fərqli olaraq, uşaq futbolunda olarkən süni şəkildə azaldılaraq “lipa” edilməyib deməkdi. Yaşını əsas gətirərək ölkədə onun futboldan gedişini istəyənlər az deyil. Özü də bu fikirlər iki gün əvvəl “Qarabağ” Bakıda BATE-yə uduzandan, daha doğrusu, Rəşadın bir səhvi ucbatından yeganə qolu buraxandan sonra yaranmayıb (BATE ilə oyunda Rəşadın ən dəqiq statistik göstəriciləri ilə ilk dəfə bu yazıda tanış ola biləcəksiz). Bu fikirlər iki il əvvəl də vardı, ötən il də. Yəni 2017-də də. Və bunu yayanlar arasında futboldan kənar mövsümi azarkeşlər daha çoxluq təşkil edir (o azarkeşlər ki, məsələn, “Qarabağ”ın yerli çempionatdakı oyununa bir dəfə də olsun gəlib nəinki stadionda, heç televizorda da baxmırlar, yalnız avrokubok oyunlarında görünürlər və onlara görə R.Sadıqovun da, “Qarabağ”ın da oyunu ancaq xaricilərlə matçlardan ibarətdi). Adətən, belələrinə bizdə küyə gedənlər deyirlər.
Bəs, elə həmin 2017-də nə olmuşdu?
Bütün zamanlarda Azərbaycanda ən obyektiv sorğularından hesab edilən idman jurnalistlərinin seçimində (İdman Araşdırmalar Mərkəzi və “Futbol+” qəzetinin sorğusu) Rəşad Sadıqov ilin futbolçusu (karyerasında neçənci dəfəsə) olmuşdu. Yəni cəmi doqquz ay əvvəl. Sadıqov 35-dən 36-cı yaşına keçəndən beşcə ay sonra.
Əlbəttə, Rəşadın futboldan getməsini təkidlə istəyənlərin bir çoxunun bu faktdan xəbəri olmaya bilər. Amma məsələ bu deyil. Odur ki, Rəşad niyə bu gün futboldan getməlidi? O getsə biz nə qazanacağıq, getməsə, nə itirəcəyik?
Bu sualların cavabları qalsın yazının sonuna. İndi isə fərziyələrə deyil, faktlara müraciət edək. Komandaların və futbolçuların bütün oyun boyu fiziki, texniki və taktiki göstəricilərini hesablayan “İn Stat” adlı şirkətinin hesabatına əsasən, “Qarabağ” – BATE oyununda Ağdam klubunun meydandakı ən yaxşı futbolçularından biri... məhz “futboldan getməli olan 36 yaşlı” Rəşad Sadıqov olub!
O, 94 dəqiqə ərzində təkbətək mübarizələrin çoxunu udub, “Qarabağ”ın qapısına gedən bir çox təhlükəli zərbənin, yaxud yarana biləcək təhlükənin qarşısını alıb, bütün matç boyu 93 faiz dəqiq ötürmə edib (92-dən 86-sı). Ümumilikdə, bütün növ ötürmələr (irəliyə, arxaya, yana), fərdi mübarizələr, topu ələ keçirmə, rəqibdən topu alma, rəqib qapısına zərbə, öz qapısına gələn zərbənin qarşısını alma – bütün bunlarda 91 faiz dəqiqlik qeydə alınıb ki, bu da yaxşı göstərici sayılır.
Amma əlbəttə, kimsə futbola diqqətlə deyil, hay-küylə, söhbət edə-edə, yaxud pivə ya vodka içib beyni dumanlana-dumanlana baxanda bu incəlikləri qaçıra bilər.
İndi gələk o məsələyə ki, Rəşad indi getsə, bizim futbol hələ nə itirəcək də deməyək, nə qazanacaq? Bu sualın cavabını əslində “Qarabağ”la oynayan BATE-nin heyətində axtarmaq lazımdı. Çempionlar Liqası kimi bu mötəbər yarışda komandanın start heyətindəki 11 futbolçudan düz 9-u belaruslu idi. “Qarabağ”da isə milliləşdirilmiş dağıstanlı Bədavi Hüseynov da daxil 4 nəfər. Niyə? Çünki ölkədə FUTBOLÇU yetişmir, ikinci Rəşad da yetişmir, onları yetişirə bilən məşqçilər, futbol sistemi isə yox səviyyəsindədi.
Və bunun da günahkarı, səbəbkarı 36 yaşında belə meydana çıxıb can qoyan, qeyrətlə oynayan Rəşad Sadıqov deyil.
Aydın BAĞIROV
[email protected]
Azərbaycan təmsilçilərinin ilk rəqibləri məlum oldu
Toral Bayramov oynadı, komandası “Şaxtyor”la heç-heçə etdi
Dzeko qalır
Messi komanda yoldaşlarına xüsusi hədiyyə verib
"Sumqayıt" "Kəpəz"lə heç-heçə etdi
"Şamaxı" Qətər klubuna böyük hesabla qalib gəldi
"Real" onunla razılaşdı
"Napoli" yetirməsi ilə yeni müqavilə bağladı
“Sabah” Finlandiyadadır
Türkiyə millisi Millətlər Liqasının qalibi oldu
"Qəbələ"dən ayrılan futbolçu Cənubi Koreya klubunda
Pirlo ilə bağlı araşdırma tələb olundu
PSJ-nin ulduzu yeni müqavilədən imtina etdi
Ərəblər onun üçün 132 milyon avro ödəməyə hazırdır
De Brüyne bu yay “Napoli”ni tərk edə bilər
Osimhen "Qalatasaray" rəhbərliyini sərt tənqid etdi
“Sabah”a KuPS-dan mesaj - Hələ hər şey bitməyib
Ferran Torresin hansı şərtlə satılacağı açıqlandı
Nəriman ehtiyatda qaldı
Messi “MLS ulduzlar matçı”nın heyətindən çıxarıldı
"Bayer"dən yeni transfer
"Bəzi yeni oyunçuların yolunu gözləyirik" - Kaxaber Sxadadze
"KuPS" "Sabah"la oyundan əvvəl qələbə qazandı
Mourinyo Vinisiusun gedişinə qarşı çıxdı
"Neftçi"nin qadınlardan ibarət komandası PAOK-a uduzdu
"Kəpəz"də zambiyalı futbolçu - Rəsmi
"Qəbələ" "Şəfa" ilə heç-heçə etdi
Azərbaycan klubu kamerunlu yarımmüdafiəçi aldı
"Əl-Hilal"dan 64 milyon avroluq transfer
Lukaş Fabianski karyerasını başa vurdu
Kamilo Duran "Milan"a da qol vurdu
Tanınmış hücumçu bu kluba keçdi
"Real"ın 100 milyonluq təklifi rədd edildi
Rəqibi təpiklədi, 5 illik cəza aldı
"Mançester Siti" Xusanovla müqaviləni uzatdı
Rodri "Real"la razılaşdı
"Everton" Qeyeni yola saldı
PSJ-dən "Atletiko"ya
Bakıdakı oyun avrokuboklarda TOP-5-ə düşdü
DÇ-2026-nın qəhrəmanının yeni klubu müəyyənləşdi
Urfan Abbasov "Kəpəz"də
“Qarabağ” azarkeşləri üçün biletlər satışa çıxarılır
Donnarumma uşaqlıq sevgilisi ilə evləndi - Şəkillər
Azərbaycanı dünya çempionatında təmsil edəcək hakimlər
Messinin Braziliya kökləri üzə çıxdı
