23.04.26
Əvvəlcə bu adlara diqqətlə fikir verək. Coel Veltman 27 yaş, Deyli Blind 29 yaş, Nussair Mazraui 21 yaş, Donni van de Bek 22 yaş və nəhayət, Matteys de Liqt - cəmi 19 yaş və kapitan!
2014-18-ci illərdə “Mançester Yunayted”dəki çıxışı ilə tanınan Deyli Blindi çıxmaqla digərləri günü bu gün də dünya futbolunda populyar deyillər. Amma bu 5 oyunçu başqa komanda yoldaşları ilə birgə 2018/19 mövsümü Çempionlar Liqasında hamını təəccübləndirərək gedirlər. Dünən hollandlar futbolun tiranlarını – “Real”dan sonra “Yuventus”u da məğlub etməklə bu nəhəng yarışdan kənarlaşdırdılar.
“Ayaks”ın “Yuventus”la son oyununda əsas heyətdə meydana çıxan futbolçulardan yarıdan çoxunun – düz 6 nəfərinin yaşlarına da diqqət edin – 19-dan başlayır, 21 (3 nəfər) və 22 yaşla davam etməklə 23-də bitir! Qeyri-adi göstəricidi. Avropada ikinci belə gənc komandanı tapmaq çətin ki, mümkün olsun. Amma təcrübəli oyunçularla gənclərin sintezindən qurulan Amsterdam klubu indi Çempionlar Liqasının yarımfinalındadı! Hərçənd mən yenə də diqqəti o 5 futbolçuya, daha doğrusu, onların futbol məktəbinə, “Ayaks”ın bu uğurlarının qaynağına – “Ayaks” futbol akademiyasına yönəltmək istəyirəm.
Bugünlərdə akademiya barədə film izləyərkən onlarla maraqlı detal arasında biri xüsusən diqqətimi çəkdi. Demə, 7-12 yaşlı uşaq futbolçulara həftənin bəzi günlərində cüdo və gimnastika məşqləri də keçirlər. Məşqçilərin söylədiyinə görə, uşaq bu yaşda psixoloji və fiziki inkişafa daha meyilli olur. Qeyri-futbol məşqləri də ona görə keçirilir ki, uşağın bədəni atletik və fiziki baxımdan qüvvətlənsin ki, gələcəkdə rəqibləri ilə fiziki mübarizədə uduzmasınlar. Biz həmin doğru işin nəticəsini ən son elə dünənki “Yuventus” – “Ayaks” oyununda gördük. Akademiyanın yetirməsi olan hollandların 19 yaşlı kapitanı Matteys de Liqtin turinlilərin iki təcrübəli müdafiəçisi ilə hava mübarizəsini udub, başla əla qol vurması həm də bir zamanlar akademiyada keçdiyi cüdo və gimnatiska məşqlərinin nəticəsi idi.
Təəssüf doğuran hal odur ki, bizdə futbolu idarə edənlərə yanlış olaraq elə gəlir ki, 2-3 meydança salmaqla (özü də süni meydança. Hansı ki, Avropada uşaqların belə meydançada oynamasına qadağa var) uşaq futbolundakı köklü və ciddi problemlər o dəqiqə həllini tapacaq. Dəfələrlə deyilib, bir daha qeyd edək ki, uşaq futbol məktəblərimizdə metodiki və məşqçi problemi var. Problemləri həll etmək isə AFFA, klublarla yanaşı Təhsil və Gənclər və İdman nazirliklərinin də işidir. Amma problem həll edilməyib, bu istiqamətdə necə illərdi ciddi və davamlı heç bir təşəbbüs olmayıb. Əksər futbol məktəblərində uşaqlara psixoloji, fiziki və taktiki baxımdan doğru dərs keçirilmir. Bunun acı nəticəsini isə Azərbaycan böyük futbolda neçə illərdi yaşamaqdadı.
Əlbəttə, hətta bu gün real işə keçib, problemin həllinə başlanılsa belə, Azərbaycanın bərbad futbol məktəbləri “Ayaks”ın akademiyasının heç 10 faizi səviyyəsinə də çata bilməz. Amma heç olmasa axır ki, işlərə başlanılmalıdı, lisenziyası, savadı olmayan, müasir futboldan bixəbər insanlar tədricən məşq prosesindən uzaqlaşdırılmalı və xaricilər olsa belə, yerlərinə normal futbol biliyi olan kadrlar gətirilməlidir.
Biz Azərbaycandan “Ayaks”ın akademiyasına qayıdanda isə yenə də heyrətamiz faktlarla rastlaşırıq. Bu akademiyanın müasir futbolda fabrik rolu oynadığı məlumdu. “Nyu York Tayms” qəzetinin əməkdaşı 15 gün müddətində akademiyada olub araşdırma apararkən müyyənləşdirib ki, Amsterdam klubu 21-ci əsrdə yetirməsi olan futbolçularının satışından düz 500 milyon avro gəlir əldə edib. Və həmin araşdırma müddətində bir ilginc hadisə qeydə alınıb. Mənə elə gəlir ki, bu fakta bizim uşaq məşqçiləri ilə yanaşı, elə böyüklərin məşqçiləri də ciddi fikir verməlidi. Jurnalistin akademiyanın yetirməsi olan 15 yaşlı uşaqla müsahibə etməsindən xəbər tutan akademiyanın rəhbərliyi onun məşqçisini işdən qovub! Səbəb də odur ki, futbolda heç nə etməyən bir uşağın indi sadəcə olaraq, müsahibə vermək vaxtı deyil. O, fikrini ancaq futbola yönəltməlidi. Bu olmayıbsa, deməli, problem məşqçidədi. O, gedəcək, yerinə başqası gələcək. Çünki “Ayaks”da işləmək istəyənlərin sayı çoxdu. Elə oynamaq istəyənlərin də. Amma akademiyaya düşmək elə də asan deyil. Əvvəlcə uşaqların oyunlarını müxtəlif yerlədə klubun ştatdankənar fərqli 90 skautu izləyir, sonra onlar akademiyanın səkkiz rəsmi skautuna tövsiyə olunur. Bundan sonra isə akademiyanın özündə yekun sınaq olur. Yekun sınaqdan keçənlər isə...
... Hə, bu gün Çempionlar Liqasında möcüzə yaradır!
Aydın BAĞIROV
[email protected]
PSJ-nin 2 futbolçusu arasında gərginlik yaşanır - Video
Məhsuldar ötürmələri ilə rekorda imza atdı
"Barselona" müdafiə xəttini onunla gücləndirə bilər
14 ildən sonra Premyer Liqanı tərk etdilər
Azarkeşlərdən Qvardiolaya vida pankartı - Şəkil
"Arsenal"ın futbolçusu yenidən yaşıl meydanlarda
Türkiyə millisinin futbolçusu zədələndi
Azərbaycan güləşçiləri Avropa çempionatında 6 medal qazandı
"Şamaxı"nın legioneri milliyə çağrıldı
"Gələcək haqda heç nə deyə bilmərəm" - Jorj Kaşkilya
"Qarabağ"dan növbəti transfer - Rəsmi
Misli Premyer Liqasında mövsümə yekun vuruldu
"Ayaks" Konfrans Liqasına vəsiqəni təmin etdi
Dünya çempionatı öncəsi yoldaşlıq oyunlarını buraxa bilər
"Aşağı liqaya düşmək problem deyil"
Azərbaycan çempionatında 21 ildən sonra 500 qol
Felipe Santos “Araz Naxçıvan”dan ayrılır - Video
"İmişli" - "Karvan-Yevlax": Heyətlər açıqlandı
“Qəbələ” pley-off oyununda nominal meydan sahibi olacaq
"Sabah"ın Çempionlar Liqasındakı potensial rəqibləri
“Millinin futbolçusu meydanda həlak olmalıdır” - Video
"Zirə"nin Premyer Liqada 400-cü qolunu vurdu
Məşhur futbolçuya coşqulu vida - Video
İngiltərədə mövsümün ən yaxşı gənc futbolçusu
Kökçünün komandası Erediviziyanı tərk etdi
Azərbaycanlı futbolçunun komandasından növbəti qələbə
DÇ-2026 öncəsi Aktürkoğlunu ağladan zədə - Video
FİFA İranın tələbini qəbul etdi
La Liqanı tərk etdilər
Onlar da “Şamaxı”dan ayrıldılar
“Qarabağ”ın bütün mümkün rəqibləri müəyyənləşdi
"Bavariya" Almaniya kubokunun qalibi oldu
Azərbaycan güsləşçisi qızıl medal qazandı
Mədinə Sadıqovanın tarixi Avropa çempionluğu
"Araz-Naxçıvan" - "Zirə" matçında vurulan 5 qol - Video
"Gələn il bizim üçün daha rahat olacaq" - Rəşad Sadıqov
"Bu gün hardasa bəxtimiz də gətirdi" - Andrey Demçenko
La Liqada hakim qərarları süni intellektə həvalə edilir
Milliyə kimlər çağrıldı?
"Qarabağ"ın U-19 komandası çempion oldu
"Neftçi" "Kəpəz"ə, "Araz-Naxçıvan" "Zirə"yə qalib gəldi
Acun Ilıcalının komandası Premyer Liqaya yüksəldi
