30.11.23
Elə ki, hakim oyunun bitdiyini elan etdi, o, oturduğu texniki zonadan qalxaraq hamı kimi meydana - komanda yoldaşlarının üzərinə yürüyüb "Qarabağ"ın Avroliqanın qrupuna düşməsinin sevincini qeyd etmək istədi.
Amma gücü çatmadı. Zədəli, əməliyyat olunmuş ayağı ona sürətli addım atmağa, özünü bu coşqunun içinə salmağa imkan vermədi. Və bir anlıq gözdən kənarda qalanda sanki sarılıb sevincini bölüşdüyü yeganə şey onu bugünlərdə ayaqda saxlayan əsalar idi.
Dani Kintana "Qarabağ"ın uğurlarında fədakarlığı olan futbolçulardandı. Kaş ki, Azərbaycanda süni meydançalarla futbolçulara işgəncə edənlərdə də futbol yanğısı, bu fədakarlıqdan bir balaca olaydı. Onda Dani kimilər zamanında “AZAL Arena”da ciddi zədələr almaz, bu günə qədər də tez-tez onun fəsadlarını hiss etməz və builki Çempionlar Liqasının BATE ilə vacib oyunlarında liderlərdən biri kimi “Qarabağ”a kömək edərdi. “Qarabağ” o zaman harda ola bilərdi? Bu sual artıq həqiqəti dəyişmir.
Zədə əlbəttə, təkcə ayaqda olmur, insanın ruhunda, düşüncəsində də olur. Bir halda futboldan danışırıq, onda deməliyik ki, bizdə futbol düşüncəsində zədəsi olan bir xeyli insan var. O səbəbdəndir ki, ölkədə neçə illərdi futbol zədəli də yox, elə şikəst kimidi və bu gün hamı qalıb bir tək sağlam olan "Qarabağ"ın ümidinə. Amma niyə və nə vaxta qədər belə davam etməlidi?
BATE uğursuzluğundan, "Şerif"lə ilk oyundakı məğlubiyyətdən sonra “Qarabağ”ın ünvanına bir xeyli tənqid oldu. Belə də olmalıydı, bundan sonra da əgər uğursuz çıxışlar olarsa, tənqidlər qaçılmazdı və normal da qəbul edilməlidi. Ona görə ki, bir tək daşıdığı ada görə bütün ölkənin gözü “Qarabağ”ın üzərindədi. İşin sırf peşəkar tərəfinə gələndə isə bu gün onlardan başqa futbol oynaya biləcək komandamız, Avropadakı ikinci təmsilçimiz yoxdu. Klubun büdcəsi də qaydasında, futbolçuları da normal.
Deməli, dünənə qədərki uğursuzluqlara görə başda Qurban Qurbanov tənqid edilməli idi və edildi də. BATE məğlubiyyətində etdiyi səhvlər səbəbindən başlıca günahkarlardan olan Rəşad Sadıqov da həmçinin. Amma tənqidlərin də əsası, ədəb-ərkanı, həddi-hüdudu olmalıdı. Bir ildə “Qarabağ”ın oyununu nəinki stadionda, heç televizorda izləməyən futbolda naşı adamların isə komanda tənqid etməyə, yumşaq desək, mənəvi haqqı çatmır.
Yeri gəlmişkən, bununla bağlı “Şerif”lə cavab oyunundan sonra Qurban Qurbanova mətbuat konfransında belə bir sual ünvanladım: “Artıq Avroliqanın qrupuna vəsiqə qazanan komandanın baş məşqçisi kimi bu bir ayda sosial şəbəkələrdə, mediada sizin və komandanız barədəki tənqid səsləndirənlərə mesajınız nə olardı?”
Qurban müəllimin cavabı: “Mənim Feysbukda və İnstagramda səhifəm yoxdu. Ona görə də azarkeşlərin yazdığı tənqiddən xəbərsizəm. Amma başda Qol.az saytı olmaqla bir neçə saytdakı tənqidləri oxumuşam. Həmişə bu fikirlərə normal yanaşmışam. Tənqidsiz necə işləmək, yaşamaq olar?”
Ölkənin bu gün üçün ən böyük klubunun və milli komandanın baş məşqçisinin ağır iş qrafikinə baxmayaraq, medianı izləməyə də vaxt tapması, barələrindəki tənqidləri şəxsən oxuması və ona peşəkar, soyuqqanlı münasibəti müsbət haldı. Və bunu o adam deyir ki, işində ən az tənqid edilənlərdən biridi.
Bəs, futbolumuzda ən çox tənqid edilənlər? Onların çoxunun əlbəttə bunlardan xəbəri olur. Amma öz sahələrini ya düzəltmirlər, ya da istəsələr belə düzəldə bilmirlər, səriştələri çatmır. Ona görə də axır illər “Qarabağ”da bir uğursuzluq olan kimi hamı hirsini elə onun üstünə tökür. Bir növ həm də uman yerdən küsmək məsəli yaranır. Çünki daha başqa ünvan qalmayıb.
Ona görə də bəzən futbola insanların deyil, adi bir əşyanın, məsələn, elə Daninin o əsalarının faydası daha çox dəyir. Heç olmasa bu ağır vaxtında onu ayaqda saxlayır, gəzdirir, sonra müalicəylə birgə sağaldıb “Qarabağ”a qaytarır. Dani gec-tez düzələcək, əlbəttə. Amma futbolun nə vaxt düzəlməsi artıq əsanın deyil, iş görə bilməyib pərdə dalında gizlənənlərin məsələsidi.
Aydın BAĞIROV
[email protected]
_22.01.19.jpg)
UEFA-nın saytı "Qarabağ"dan yazdı
"Fənərbaxça"ya 3 qol vuran futbolçu həftənin ən yaxşısı oldu
Cəlal Hüseynovun komandasından məğlubiyyət
Misli Premyer Liqasında 15-ci turun hakimləri bilindi
Avroliqada hamını qabaqladı
“Sumqayıt”ın Müşahidə Şurasında yeni sədr
ÇL-də həftənin ən yaxşısı açıqlandı
"Everton" Premyer Liqaya etiraz etdi
"Bayer" 29 ildən sonra rekordunu təkrarladı
Azərbaycan güləşçilərindən 1 qızıl, 1 bürünc medal
Eriksen "Qarabağ"la oyun haqda - "Məhv olmuşam"
Renat bugünkü oyunu buraxacaq
"Qarabağ"ın qapıçısı Avroliqanın ən yaxşıları sırasında
Türk futbolçu Fransa klubunun tarixinə düşdü
Həftənin ən yaxşı futbolçusu kim olacaq?
Di Maria keçmiş klubuna qayıdacaq
"Fənərbaxça"ya 6 qolu necə vurdular? - Video
Niderland - Azərbaycan oyununun hakimləri bəlli oldu
Azərbaycanın UEFA reytinqindəki mövqeyi necədir?
Məşhur futbolçu sabah son oyununa çıxır
"Molde" - "Qarabağ" oyunundan - Video
"Beşiktaş" və "Fənərbaxça" darmadağın oldu
Erlinq Moe: "Bu gün "Qarabağ"dan daha yaxşı idik"
"Çox uğurlu bir nəticə qazandıq" - Qurban Qurbanov
Bəhlul Mustafazadənin 90+5-ci dəqiqədə vurduğu qol - Video
"Qarabağ" "Molde" ilə heç-heçə etdi
Juninyonun qolu - Video
"Molde" - "Qarabağ": Heyətlər
"Nant" yeni baş məşqçisini açıqladı
Mahirin komandası səfərdə "Astana"nı məğlub etdi
Benatiaya yetirməsi olduğu klubda vəzifə verildi
Azərbaycanın daha 2 güləşçisi dünya çempionu oldu
"İmişli"ni 1/8 finala çıxaran qələbə - Video
"Lion" Qrosso ilə yolları ayırdı
"Sumqayıt"ın futbolçusu ən az 3 ay oynamayacaq
Azərbaycan - Rumıniya oyununun hakimləri açıqlandı
"Zaqatala" - "Şamaxı" oyunundakı 1 qol - Video
Azərbaycan kubokunda 1/8 finalın cütlükləri bilindi
Azərbaycan kubokunda son 1/8 finalçılar müəyyənləşdi
