01:16
"Səbail"in baş məşqçisi Elvin Məmmədov Misli Premyer Liqasının 30-cu turunda "Qarabağ"a 1:4 hesabı ilə uduzduqları oyunu şərh edib.
QOL.az xəbər verir ki, o, matçdan sonra keçirilən mətbuat konfransında jurnalistlərin suallarını cavablandırıb:
- Futbolçu olanda demişdiniz ki, karyera baxımından Birinci Liqada oynamaram. Məşqçi karyeranız Birinci Liqaya doğru gedir. Orada işləyərsiniz?
- Əvvəlcə rəhbərliyə təşəkkür edirəm ki, bu yaşda məsuliyyəti mənə verdilər. Sağ olsunlar. Mənim üçün təcrübədir. Sonranı bu dəqiqə fikirləşmək istəmirəm. Amma nə xeyirlidirsə, o da olsun. İndidən o barədə danışmaq tezdir. Məşqçiliyə yeni başlayıramsa, niyə də olmasın? Bu gün ambisiyalı danışmağın yeri də yoxdur. Məşqçilik karyerama yeni başlamışam.
- Matçın əvvəlində qapınıza vurulan 2 ardıcıl qol oyunun gedişatına təsir oldu?
- "Qarabağ"ın gücü bəllidir, onlara qarşı maksimum hazırlaşmışdıq. Oyunun əvvəllərində yaxşı mübarizə aparırdıq, top bizdə qalırdı. Uşaqlara demişdik ki, "Qarabağ" səhvi bağışlamır. Onlar keçidlər üzərində illərdir işləyirlər, bu da mükəmməl idi bu gün. Amma yenə də ani bir səhvdən sonra qol buraxdıq. Futbolda səhv qaçılmazdır. Demirəm, "Qarabağ"ı udacaqdıq, amma o qollara qədər yaxşı mübarizə gedirdi. Qollar oyunu sındırdı.
- Dediniz ki, bu yaşda rəhbərlik sizə şans verib. Niyə belə düşünürsüz ki, yaşınız gəncdir?
- Bəlkə, bu da mənim təcrübəsizliyimdən irəli gəlir ki, fikrimi çatdıra bilmədim. İş təcrübəsi və kateqoriya baxımından deyirəm. Amma məndən yaxşı bilirsiniz ki, Avropa futbolunda nə qədər gənc məşqçilər var.
- Şahin Diniyevdən sonra komandaya siz dəvət olundunuz. Rəhbərlik sizi həmin vaxt saxlasaydı, vəziyyət müsbət olardı?
- Bu barədə böyük-böyük danışmaq istəmirəm. Bəlkə, bundan betər, ya daha yaxşı ola bilərdik. Keçmişi geri qaytara bilmərik. Gələcəyə baxmaq, bunun da altından çıxmaq lazımdır.
- Belə çətin vaxtda özünüzə necə motivasiya verirsiniz?
- Futbolçu olmuşam, bu çətinlikləri futbolçu kimi də yaşamışam. Ən sevdiyim işdir. Əlbəttə, çətindir. Klub rəhbərliyi tərəfindən də dəstək var. Niyə də olmasın motivasiya? Ümid sonda ölür. Qarşıda oyunlar var. Hər şey dəyişə bilər. Bunun üçün zaman lazımdır.
- "Kəpəz"lə aranızda olan xal fərqini aradan qaldırmağı real sayırsınız?
- Futbolda hər şey mümkündür. Təki Allah bizlə olsun, hər şey dəyişə bilər.
- Cavid Hüseynov istefaya göndərildiyi gün demişdi ki, rəhbərlik komandanın yanında deyil. İndi rəhbərlik komandanın yanındadır?
- Hər kəsin fikrinə hörmətlə yanaşıram. Cavid o sözləri deyibsə, öz arqumenti var. Bu gün onun əvəzinə danışa bilmərəm. Bəlkə də, öz yanaşması və öz sualları var ki, ona cavab tapmaram. Mənim üçün birinci dövrdə də, indi də rəhbərlik yanımdadır. Onların dəstəyini hiss edirik. Hiss etdiriblər ki, mən buradayam.
Azərbaycan təmsilçilərinin ilk rəqibləri məlum oldu
Toral Bayramov oynadı, komandası “Şaxtyor”la heç-heçə etdi
Dzeko qalır
Messi komanda yoldaşlarına xüsusi hədiyyə verib
"Sumqayıt" "Kəpəz"lə heç-heçə etdi
"Şamaxı" Qətər klubuna böyük hesabla qalib gəldi
"Real" onunla razılaşdı
"Napoli" yetirməsi ilə yeni müqavilə bağladı
“Sabah” Finlandiyadadır
Türkiyə millisi Millətlər Liqasının qalibi oldu
"Qəbələ"dən ayrılan futbolçu Cənubi Koreya klubunda
Pirlo ilə bağlı araşdırma tələb olundu
PSJ-nin ulduzu yeni müqavilədən imtina etdi
Ərəblər onun üçün 132 milyon avro ödəməyə hazırdır
De Brüyne bu yay “Napoli”ni tərk edə bilər
Osimhen "Qalatasaray" rəhbərliyini sərt tənqid etdi
“Sabah”a KuPS-dan mesaj - Hələ hər şey bitməyib
Ferran Torresin hansı şərtlə satılacağı açıqlandı
Nəriman ehtiyatda qaldı
Messi “MLS ulduzlar matçı”nın heyətindən çıxarıldı
"Bayer"dən yeni transfer
"Bəzi yeni oyunçuların yolunu gözləyirik" - Kaxaber Sxadadze
"KuPS" "Sabah"la oyundan əvvəl qələbə qazandı
Mourinyo Vinisiusun gedişinə qarşı çıxdı
"Neftçi"nin qadınlardan ibarət komandası PAOK-a uduzdu
"Kəpəz"də zambiyalı futbolçu - Rəsmi
"Qəbələ" "Şəfa" ilə heç-heçə etdi
Azərbaycan klubu kamerunlu yarımmüdafiəçi aldı
"Əl-Hilal"dan 64 milyon avroluq transfer
Lukaş Fabianski karyerasını başa vurdu
Kamilo Duran "Milan"a da qol vurdu
Tanınmış hücumçu bu kluba keçdi
"Real"ın 100 milyonluq təklifi rədd edildi
Rəqibi təpiklədi, 5 illik cəza aldı
"Mançester Siti" Xusanovla müqaviləni uzatdı
Rodri "Real"la razılaşdı
"Everton" Qeyeni yola saldı
PSJ-dən "Atletiko"ya
Bakıdakı oyun avrokuboklarda TOP-5-ə düşdü
DÇ-2026-nın qəhrəmanının yeni klubu müəyyənləşdi
Urfan Abbasov "Kəpəz"də
“Qarabağ” azarkeşləri üçün biletlər satışa çıxarılır
Donnarumma uşaqlıq sevgilisi ilə evləndi - Şəkillər
