12:52
Uğursuzluğa düçar olan komandanın mühakimə edilməsi təbiidir. Söz yox, 2014-cü ildə “qara zolaq”dan heç cürə çıxa bilməyən “Qəbələ” komandasının məşqçiləri və futbolçuları, klubun rəsmilərinə yönələn tənqidləri də başa düşmək və bəzilərini haqlı saymaq olar.
Axı, bu qədər büdcəsi və keyfiyyətli futbolçusu, Rusiya və Ukrayna kimi ölkələrdə bir məşqçi kimi möhürünü vurmuş Yuri Syomin kimi çalışdırıcısı olan komanda turnir cədvəlinin beşinci pilləsində qərarlaşmamalıydı. Axı, hər kəs başa düşür ki, çempionata uğurla başlayan “Qəbələ” bu gün uzun illərdi arzusunda olduğu Avroliqaya vəsiqəni ən azı 90 faiz təmin etməliydi. Amma etməyib, hələlik edə bilməyib və deməli, komanda daxilində yetərincə problem var. Bu problemə görə də hər kəs məsuliyyət daşıyır: futbolçu da, məşqçi də, klubun rəhbərliyi də.
Belə durumda, qərəzsiz və komandanın hazırkı vəziyətinə ürəkdən yanan jurnalistlərin tənqidlərindən əlbəttə ki, klub nəticə çıxarmalıdır və yəqin gec-tez çıxaracaq da.
Amma “Qəbələ”nin uğursuz çıxışılarına toxunmağı bu günlük bir kənara qoyub gələk mediada bu kluba qarşı dayanmadan artan qərəzli münasibətə. Bəli, “Qəbələ”nin düşdüşü indiki durum şantaj makinaları, kompüter arxasında klaviatura tıqqıldatmaqla yazı yazdığını sanan həqiqi jurnalistikadan bixəbər istedadsız bir yığın üçün əla fürsət olub. Kluba qarşı bu hücumlar yeni də deyil. Hələ mövsümün əvvəlində komanda qələbələri sıralayanda belə, ara-sıra bu cür hallara rast gəlinirdi. İndi isə, dediyimiz kimi, komandanın uğursuz çıxışı mediamızın qara siması olan reket tayfasının daxilində uzun müddətdir yığılıb qalan kinin vulkan kimi püşkürməsi üçün şərait yaradıb.
Doğrusu, “Qəbələ” klubu istəsə, günü bu gün də həmin həmin qara kampaniyanın qarşısını ala bilər: çox yox, onların hər birini cəmi 200-300 manatın qarşılığında özlərindən asılı edər, o zaman, əmin ola bilərsiniz, həmin adamların səsi də çıxmaz. Necə ki, “Xəzər Lənkəran”a münasibətdə biz belə şeyləri görürük. O komanda bu mövsüm “Qəbələ”dən daha acınacaqlı çıxış edib. Amma araşdırsaq, bu klubla “Qəbələ”nin əleyhinə yönələn yazılar arasındakı fərq heç müqayisəyə gəlməz.
Görünən budur ki, başda Tale Heydərov olmaqla “Qəbələ”nin idarəçiləri özlərini bu cür süni yollarla müdafiə etməyə, saytlara gizli rüşvət– reklam verib özlərini tənqidi yazılardan sığortalamağa ehtiyac duymayıblar. Bu günə qədər də soyuqqanlılıq nümayiş etdirərək belə şeylərə əhəmiyyət vermirlər. Bəzi klub rəhbərləri kimi əleyhinə yazı yazanları döyməklə, öldürməklə də hədələmirlər. Və şübhəsiz ki, bu da Tale Heydərovun, klubun vitse-prezidenti Fariz Nəcəfovun aldıqları tərbiyə, yüksək mədəniyyət və alicənablıqlarından irəli gəlir.
“Qəbələ” klubu uğursuz çıxış edir, düzdü. Komandanın bundan sonrakı aqibəti necə olacaq bilinmir. Amma Tale Heydərovun bircə tapşırığı bəsdi ki, “Qəbələ” cari mövsüm Avroliqaya vəsiqəni bundan da bərbad oyunla təmin etsin – özü də kiməsə xahiş-minnətlə yox, pula görə çox hoqqalardan çıxmış bəzi hakimləri və rəqib klubun müəyyən oyunçularını gizli yolla satın almaq və ya hədə-qorxu gəlməklə! Yeri gəlmişkən, bu mənzərə “Qəbələ”yə qarşı hücuma keçənlər üçün də yaxşı tanışdır. Amma bu boyda biabırçılıqlara bilərəkdən, kimlərdənsə maddi tərəfdən asılı olduğu üçün göz yumanlar kifayət qədərdir.
“Qəbələ” isə həmin qanunsuzluqları və özbaşınalıqları etməyib: etsəydi, komanda bu gün nəinki Avroliqaya vəsiqə qazanmışdı, həm də layiq olduğu birinci yerdə gedən “Qarabağ”la birgə çempionluq uğrunda yarışırdı.
Amma o klubun idarəçiləri peşəkar olmaqdan daha əvvəl, haqla nahaqqı, halalla haramı ayıra bilən adamlardır. Nə yazıq ki, bizdə işini ədalətlə, təmiz yolla görəndə çox vaxt hədəfinə çata bilmirsən. “Qəbələ”nin də bu gün düşdüyü uğursuzluğun bir əsas səbəbi bu olub: əyri əməllərdən uzaq durmaları. Əyri əmələ əl atmayanda isə işin güz getmir.
Və onda hər şey tərsinə olur: xirtdəyədək çirkaba bulaşanlar pak adamları... təmizliyə çağırır.
Aydın BAĞIROV
_22.01.19.jpg)
"Yunayted" də onunla maraqlanır
"Onlar mənə satqın deyirdilər"
"Tottenhem" ona görə apellyasiya şikayəti verdi
Yamal UNİCEF-in səfiri oldu
Kosovo millisinə texniki məğlubiyyət verildi
"Yaxşı işləyirsənsə, nəticəsi olacaq” - "Kəpəz"in legioneri
"Real" Diası satmaq fikrində deyil
Xavi "İnter Mayami"ni çalışdırmayacaq
Cüdoçularımız Avropa Kubokunda iştirak edəcəklər
Tayson - Pol döyüşü ən çox izlənilən idman hadisəsi oldu
"Real"ın futbolçusu əməliyyat olundu
"Şamaxı" məşqçisi ilə yolları ayırdı
Acun Ilıcalı haqqında araşdırma başladıldı
Patrik Vieyranın təyinatı açıqlandı
"Arif Əsədov Santuşdan qat-qat yaxşı işləyirdi”
Xavi Messinin baş məşqçisi ola bilər
"Qarabağ" - "Lion" oyununa 1 gündə nə qədər bilet satılıb?
"Türkiyə D liqası səviyyəsində futbol oynadı" - Video
Arda Güler üzr istədi
"Barselona" Salahdan imtina etdi
Rəqibləri Azərbaycan millisidir - Rusiya açıqladı
Milli Məclisdə millimizin uğursuzluğundan danışıldı
Misli Premyer Liqasında 14-cü turun hakimləri
