Ronaldinyo sıradan bir futbolçu deyil. Sıradan futbolçular, məsələn, bizdə olur - milli komandamızdan tutmuş, klublarımıza qədər.
Ronaldinyo heç yaxşı futbolçu da deyil.
Yaxşı futbolçu, deyək ki, Madrid “Real”ında yetərincədir: Kasilyas, Pepe, Alonso... Amma orda bir böyük futbolçu da var: Ronaldo. Düzdü, çox vaxt Messinin kölgəsində qalır. Bu da təbiidir: axı, böyük oyunçuyla dahi oyunçu arasında bir fərq olmalıdır, ya yox?
Nə isə, son illərin “Ronaldo, yoxsa Messi” dartışmasını qoyaq bir kənara, qayıdaq Ronaldinyoya.
Dediyim kimi, Ronaldinyo yaxşı futbolçu da deyil. Ronaldinyo da Ronaldo kimi böyük futbolçudur, əvvəliki formasından nə qədər uzaqda olsa belə, müasir futbolun canlı əfsanələrindən, sayılıb-seçilən azsaylı simalarındandır.
Və təbii ki, belə insanların həm işgüzar, həm də şəxsi həyatı daim medianın, azarkeşlərin diqqət mərkəzində olub və olacaq da. Bu mənada, Ronaldinyo ilə bağlı yayılan ən son xəbər şok effekti yaratdı.
“Ronaldinyo ölüb!”
“Ronaldinyo yol qəzasında həlak oldu!”
Çox üzücü xəbərdir. Hələ internet portallarında, günbəgün artan xəbər saytlarında bu başlıqlı yazıların qarşısındakı “Fotolar” sözünü oxuyanda xəbərin içinə girib şəkillərə baxmağa adamın ürəyi də gəlmir. Qəzada “ölən” Ronaldinyonu qanlı, parçalanmış halda görmək... Dəhşətlidir. Birtəhər özümü ələ alıram, girib xəbəri oxuyuram. Tüklərim biz-biz olur. Belə olmamalıydı, Ronaldinyo gənc yaşında və belə ucuz ölümlə aramızdan getməməliydi. Özümü toparlayıb birtəhər həmin şəkillərə baxıram. Və... Nə görsəm yaxşıdır? Ronaldinyo sevgilisiylə qol-boyun dənizdə gəzir, dodaq-dodağa öpüşür, rəqs eləyir, çalıb-oynayır... Bu yerdə, mən də sizin kimi özlüyümdə sual verirəm: bəs, cəsəd hanı?
Yoxdur!
Təsadüfən təzə yaranan bir başqa xəbər saytına daxil oluram. Yenə də qarşıma Ronaldinyonun sevgilisiylə qucaqlaşdığı şəkil çıxır. Şəklin üstünə də yazılıb: “Ronaldinyo yol qəzasında həlak oldu (FOTOLAR)”. Görünür, «yeni media»nın yeniliyidir bu: mütləq ölən insanın yanında da gərək bir qızın açıq-saçıq şəklini verəsən ki, çoxlu tiraj və ya müasir internet texnologiyasının diliylə desək, İP yığasan. Nə isə... Girib fotolara baxıram, bu dəfə cəsəd əvəzinə qarşıma bahalı maşın şəkli çıxır. Ronaldinyo da içində - özü də ölmüş halda yox, dip-diri. Hələ ordan şəkli çəkən fotoqraflara dişini ağardıb bir əl də sallayır.
Başqa sayta girirəm, yenə həmin şey.
“Yox, bu qədər yalan ola bilməz” düşüncəsiylə təzə yaranan başqa sayta girirəm. Yənə eyni başlıq, bu dəfə bir qədər fərqli, dala cəlbedici görkəmdə: “Şok: Ronaldinyo öldü!” Məşhur bir insanın “ölümü”ndən özlərini necə itiriblərsə, “Şok” sözünü tünd qırmızı rəngdə veriblər, yenə yaxşı ki, sonra insani hissləri baş qaldırıb, “Ronaldinyo öldü!”nü qara olmasa da, boz rəngdə veriblər.
"Yeni media"mızda, bu xəbəri yayan internet saytlarında xəbərin mətni də eynidir. Hərf, redaktə səhvi də doludur... O dəqiqə anlaşılır ki, bir-birindən “Copy paste” ediblər. Özləri bilərlər. Mənə lazım olan xəbərin özəyidir. Araşdırıram, məlum olur ki, Ronaldinyonun ölümü xəbərini ağlı yerində olmayan bir sosial şəbəkə istifadəçisi öz səhifəsində paylaşıb. «Yeni media»mızın nümayəndələri də bu “şok” xəbəri görüncə dərhal manşetə qoyublar. Yazının altında da, artıq qeyd etdiyim kimi, hər çür şəkil var.
Bu şəkil məsələsi məndə artıq şübhə yaradır. Ronaldinyo doğrudanmı ölüb? Girirəm, dünyanın ən nəhəng media orqanlarının saytına: “Reuters”, BBC, CNN... Ronaldinyodan bir cümlə də yoxdur. İdman KİV-lərinin saytlarına baxıram, ən birinci də Ronaldinyonun vətəni olan Braziliyanın xəbər portallarına. Futbolçunun şəkli çıxır qarşıma: top çiləyir, məşq edir. Açıqlama da verib ki, “mən yenidən özümü sübut edəcəyəm”.
Sonra başlayıram Rusiya saytlarına baxmağa, Ronaldinyonun ölüm xəbərindən başqa onunla bağlı hər şey var. Nəhayət, Türkiyənin “Hürriyyət” qəzetindəki bir yazı bütün şübhələrə nöqtə qoyur. Bizimkilərdən fərqli olaraq, türklər bu xəbəri araşdırır və məlum olur ki, Ronaldinyo doğrudan da ölməyib, sağ-salamatdır!
Demə, peşəkar jurnalist, reportyor olmaq həvəsinə düşən bizim yeni medianın bəzi nümayəndələri Ronaldinyonu “öldürüb” axirətə göndərəndə, bu cavan oğlan öz sevgilisiylə Braziliyada, Atlantik okeanının sahillərində, sadəcə olaraq, kef çəkirmiş!
Təəssüf ki, Azərbaycanın "yeni media"sında bu və buna bənzər dəqiqləşdirilməyən xəbərlərə artıq tez-tez rast gəlirik.
"Yeni media"nın formalaşması yaxşı haldır. Amma orada Ronaldinyonun ölümü haqda şayiəni sosial şəbəkədə yayan ağlında olan insanlar da cəmləşəndə məşhur atalar misalı yada düşür: Bir dəli quyuya bir daş atdı, qırx ağıllı yığılıb o daşı çıxara bilmədi.
Aydın BAĞIROV
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu