13.03.25
Azərbaycan mediasının iqtisadi durumunun nə qədər acınacaqlı durumda olması, jurnalistlərin cəmiyyətin ən kasıb təbəqələrindən biri sırasında yer alması Avropa çempionatının keçirildiyi bu günlərdə bir daha sübut olundu. Fikir verin, iki ölkədə futbol və idman tarixinin ən önəmli yarışlarından biri keçirilir, Azərbaycan isə orada vur-tut bir jurnalistlə təmsil olunur. Təsəvvür edirsiniz, cəmi bir jurnalistlə! Mən daha təfsilata varıb «Avro-2012»nin iştirakçısı olmayan, bizdən kasıb ölkələrin Polşa və Ukraynaya neçə jurnalist göndərməsinin dərinliyinə varmaq istəmirəm.
Yenə də sağ olsun, azerisport.com saytının rəhbəri Vüqar Zeynalov, bir çətinliklə də olsa Litvada yaşayan əməkdaşı Rüstəm Mikayıllını yarışı birbaşa işıqlandırmağa göndərə bildi.
Heç olmasa, UEFA-da bu turnirdə qeydiyyatdan keçmiş yüzlərlə jurnalist sırasında bir azərbaycanlının adına rast gəlmək olur. Yoxsa, doğrudan da, çox gülünc mənzərə yaranardı. Amma hardan bilim, bəlkə artıq yaranıb da.
Acı bir gerçəklikdir bu. Bəli, ölkədə bu qədər işlər həyata keçiririk, iddiamızı ortaya qoyub «Avro-2020»yə ev sahibliyi etmək istəyirik, çox əla, Azərbaycan futbolunun başını yerə soxmaqdan başqa ayrı bir işə yaramayan, dəyəri bir qəpiyə dəyməyən futbolçularla yüzminlik, milyon dollarlarla ölçülən müqavilələr bağlayırıq, amma bir kasıb jurnalisti Polşa bir kənara, bizə yaxın olan Ukraynaya ezamiyyətə göndərməyə cəmi 1500 dollar tapa bilmirik!
Bir azərbaycanlı jurnalistin Ukraynaya təyyarə ilə səfər edib orada bir həftə normal səviyyədə qalması, yemək xərcləri də daxil bu qədər xərc tələb edir. Bu, Azərbaycan milli komandasının bizi biabır etdiyi oyunlarda, yəni guya şərəflə uduzduqları üçün futbolçuya verilən mükafatdan (Allah, sən saxla!) iki dəfə azdır. Yox, elə fikirləşməyin ki, federasiyanın və ya hansısa bir klubun jurnalisti «Avro-2012»yə göndərməyə borcu var. Tam səmimi deyirəm, qətiyyən belə deyil. Sadəcə, hər gün, hər saat demək lazımdır ki, idman jurnalistinin də bir parçası olduğu Azərbaycan futbolunda da dəyərlər günbəgün itməkdədir. Futbolumuzda sözün hər bir mənasında dəyərsiz insanlar çoxaldıqca, təbii ki, bu ölkənin bir dəyəri olan sözün, mətbuatın qiyməti də günbəgün azalacaq.
Bəli, Azərbaycan jurnalistlərinin taleyinə yazılan budur: özü birbaşa stadiondan oturub bura ən operativ xəbəri ötürmək, yeri gələndə, Avropada ulduzu parlayan futbolçulardan elə bizim ölkə haqda onun fikrini öyrənmək əvəzinə, hər gün rusun, ukraynalının, ingilisin və s. saytına girib «Avro-2012»ylə bağlı xəbərləri, müsahibələri tərcümə eləməklə məşğuldur. Yox, əziz oxucu, xəbər, müsahibə tərcümə etmək ayıb deyil. Ən böyük ayıb illik büdcəsi yüz milyon dolları aşan Azərbaycanın futbolunu gecəsinə-gündüzünə, soyuğuna-çovğununa baxmadan təbliğ edən jurnalistin milyonlarla dolların qarşısında toz qədər dəyəri olmayan məbləği tapmayıb «Avro-2012»dən kənarda qalmasıdır.
Ukraynalı həmkarım soruşur ki, nə üçün Azərbaycandan nə qəzet, nə sayt, nə də televiziya jurnalisti bura gəlməyib, axı, ölkənizdə, futbolunuzda bu qədər pul var?
Cavab verə bilmədim, ilk baxışda adi, amma dərinliyə gedəndə, çox çətin sual idi… Doğrudan da, axı, bu qədər pulumuz ola-ola biz jurnalistlər Avropa çempionatına niyə gedə bilmirik?
Aydın BAĞIROV
"Sabah"ın "Neftçi" üzərində qələbəsindən - Video
“Müdafiəmiz fərdi olaraq çox bərbaddır” - Samir Abasov
Kubokda yarımfinalın ilk oyununda sevinən onlar oldular
"Araz-Naxçıvan" "Qarabağ"a belə qalib gəldi - Video
Elmar Baxşıyev: “Bunun açıqlamasını vermək fikrində deyiləm”
Qurban Qurbanov planşeti niyə qırdı? - Özü danışdı
Adnan Əhmədzadədən Messiyə bahalı hədiyyə - Video
2-ci liqada 19-cu tura yekun vuruldu
"Neftçi" - "Sabah": Heyətlər
Rüdiger Ardanın vacib qol ötürməsi haqda
"Araz-Naxçıvan" - "Qarabağ": Heyətlər
Misli Premyer Liqasında ayın ən gözəl 5 qolu - Video
Slot: "Bizi 9 final oyunu gözləyir"
Türkiyə klubundan Avropa rekordu
Don Karlo məhkəmə qarşısında
"Tottenhem"də yeni müqavilə
Amorim: "Qalib gəlməli olduğumuz oyunda 3 xal itirdik"
“Bayer”in sensasiyalı məğlubiyyətinə Xabi Alonsonun şərhi
Premyer Liqanın ən sürətli futbolçuları - Siyahı
Bellinqem son nöqtəni qoydu
“Qarabağ”ın daha bir nümayəndəsi Avropa Klublar Birliyində
1 qolla tarixə düşdü
ETOPAZ-da 167 min manatlıq rekord uduş!
115-ci dəqiqə qolu, 4:4 hesabı və "Real" finalda - Video
Fransa millisinin sabiq üzvü İran klubunda - Rəsmi
"Arsenal" qalib gəldi, "Mançester Yunayted" uduzdu
Terimin komandası mübarizəni dayandırdı
"Barselona" onun yerinə 4 futbolçunu nəzərdən keçirir
"Brayton"da yeni transfer
"Şahdağ Qusar" son dəqiqə qolu ilə qələbə qazandı - Video
"Pedri və Yamalın səviyyəsi tamamilə fərqlidir"
3 qol vuruldu, "Şəmkir" qalib gəldi - Video
Səudiyyə Ərəbistanında Salahın transferinə inanırlar
İngiltərəyə mümkün qayıdışından danışdı
2-ci Liqada 19-cu tura start verildi
Millimizin rəqibindən danışdı: “Nəticə dəhşətlidir”
"Növbəti 10-15 il ərzində "Real"da oynayacağam"
AFFA-nın baş katibi "Barselona"nın nümayəndələri ilə görüşdü
Azərbaycanın klubunda yeni baş məşqçi
Zədələnən Haalandın durumu açıqlandı
