10.11.25
Ötən ay 1:6, dünən 0:7. U-21 millimiz təkcə Almaniya ilə 2 oyunda 13 qol buraxıb (4 oyuna 19 qol), 1 xalı belə yoxdu. Bizimlə eyni qrupda yarışan, dünən-srağagün FİFA və UEFA-ya üzv seçilən, Bakının yarısı boyda olan cırtdan Kosovonun isə 6 xal var.
Futbola külli-miqdarda (ümumilkdə 2 milyard dollara yaxın) pulun xərcləndiyi son 14 il üçün faciəvi mənzərədi bu. U-21 millisi hələ də qapısından 6-7 top buraxır, A milli isə yenə qrupunda 5-ci yeri tutur.
Tarixində ilk dəfə millinin 10 xal yığması kimi mənasız bir təsəllini bir kənara qoyub cavab verin görək, bizim futbol hara gedir, Rövnəq Abdullayev?
Bəlkə siz deyəsiniz, Elxan müəllim?
***
Gənc və yeniyetmə komandaların timsalındakı 0:7 və digər ağır məğlubiyyətlər adi bir futbol nəticəsi deyil. Dünənki rəzillik ölkədə ciddi futbolçu böhranının olmasının növbəti təsdiqidir. Kiçik istisnalarla U-21-dən əsas milliyə cəlb oluna biləcək bir futbolçu belə yoxdu. Çünki uşaq və gənclər futbolunun inkişafı üçün dövlətin AFFA-ya son 10 ildə ayırdığı milyonlarla pul normal və ağılla xərclənməyib. Xərlənsəydi bu gün neçə-neçə istedadlı azərbaycanlı futbolçu yetişərdi millilər üçün. Amma...
AFFA-da aşağı yaş qrupları üzrə milli komandalara nəzarət edən bir nəfər var. Almaniya futbolunun Azərbaycandakı uğursuz və pulsoran çetesinin, gərək ki, sonuncu təmsilçisidir. Nuh əyyamından burda çalışır. AFFA-dan, yəni SOCAR-ın ayırdığı puldan ayda 20-30 min maaş alır, Bakının ən bərkgedən yerlərindən birində yaşayır. Neftimizin sayəsində böyük bir sərvət əldə edib deyə bilərik. Onun birbaşa vəzifə borcu həm də aşağı yaş qrupu üzrə milli komandalara futbolçu tapmaqdır. Bernhard Lippert adlı bu adamı Azərbaycanın bölgələrində istedadlı uşaq axtararkən kimsə görübmü? Əlbəttə, yox.
Amma əvəzində o, AFFA rəhbərliyinin xeyir-duası ilə Azərbaycan milli komandalarına əcnəbi futbolçuları cəlb edir. Dağıstanlılar və əsasən Almaniyada yaşayan türkləri. Onlardan ikisi (Mustafa Özhitay və Serkan Baloğlu) dünən əsas heyətdə meydana çıxıb. Necə oynamalarına ən yaxşı cavabı hesab özü verir. Sözüm bunda deyil. Deməli, həmin legioner futbolçular Azərbaycana canları yandıqları üçün bura gəlmirlər, təbii ki. Onlara yaxşı pul xərclənir, həm də yəqin ki, buna görə yaxşı da pul yeyilir. İşin ən tragikomik tərəfi odu ki, bu oyunçuların nəinki bizə bir faydası dəymir, həm də Türkiyə millsində oynamağa bir balaca ümid yarananda “benim Azerbaycanda ne işim var, abi...” deyib qapını AFFA-nın və Lippert kimilərinin sifətinə çırpıb gedirlər.
Elə bu yaxınlarda Ozancan Kökçü adlı birisi belə etdi. Pullar da sovruldu havaya.
Tovuzda, Şəmkirdə, Mingəçevirdə və Azərbaycanın neçə-neçə şəhər və kəndlərində isə elə istedadlı uşaqlar var, top, forma almağa 3-5 manat pul tapmırlar, möhtərəm futbol çinovnikləri.
Və Lippertlər milli komandalarımıza nəzarət etdikcə, işlərə burunlarını soxduqca da ölkənin uşaq və gənclər futbolu zərbə almaqda davam edəcək, 0:7-lər hələ çox olacaq.
... Nə isə. Milliyə tez gəlib, futbolumuzdakı bu zərərli virusları təmizləyin Qurban müəllim!
Aydın BAĞIROV
[email protected]
"Beşiktaşı"ın futbolçusu klubdan ağlayaraq ayrıldı - Video
"Neftçi"nin məşqçilər heyətinə yeni təyinatlar oldu - Rəsmi
Yamal, Haaland, Mbappe...
Ronaldonun iddialı arzusu: klubu satın almaq istəyir
"Trabzonspor" nigeriyalı futbolçu ilə anlaşdı
"Mançester Yunayted"dən "Ayaks"a keçə bilər
ÇL-nin oyunları bu topla oynanılacaq
Güləş üzrə Azərbaycan çempionatına start verildi
"Neftçi"də oynamağı çox arzulayırdım"
Millinin oyun günü ölkədə rəsmi tətil olacaq
"İmişli" hücumçusu ilə yollarını ayırdı - Rəsmi
“Qəbələ” nigeriyalı hücumçunu transfer etdi - Rəsmi
Klubların lisenziyalaşdırılması üzrə təlimlər başa çatdı
İspaniya kubokunda 1/8 finalın püşkü atıldı
"Milan"da yeni müqavilə
Ter Ştegen "Barselona"nın düşərgəsini tərk etdi
"Turan Tovuz"dan ayrılan futbolçu "Kəpəz"də - Rəsmi
Qari Onil Fransa klubunun baş məşqçisi oldu
"Araz-Naxçıvan"ın oyununun vaxtı dəyişdirildi
Mini-futbolçu faciəvi şəkildə vəfat etdi
Azərbaycanın U-21 millisi 2 yoxlama oyunu keçirəcək
Braziliyalı legioner Azərbaycana qayıtmaqdan imtina etdi
Ukrayna klubunun futbolçusu “Neftçi”nin diqqət mərkəzində
Müvəqqəti baş məşqçi Sülşer ola bilər
"Barselona" Reşfordla bağlı qərarını verdi
Misli Premyer Liqasında 12 oyunun vaxtı açıqlandı
"Fənərbaxça" ulduz futbolçunun transferinə yaxındır
Rüfət Abdullazadə: "Avropada qalmaq çətindir"
Qasperini də İtaliya futbolunun tarixinə düşdü
Mahir öz durumundan danışdı
Millimiz Danimarka yığması ilə qarşılaşacaq
"Qarabağ" pakistanlı futbolçu üçün danışıq aparır
Fransa millisinin sabiq üzvü Mərakeş klubunda
"Yuventus"un böyükhesablı qələbəsi - Video
"Mançester Siti"nin futbolçusu "Köln"ə keçdi
Afrika Millətlər Kubokunda 1/4 final cütləri
Neymarla müqavilə uzadıldı - Rəsmi
"Fənərbaxça"nı finala yüksəldən qələbə - Video
Erik ten Haqın yeni iş yeri açıqlandı
"Fənərbaxça" "Qalatasaray"a rəqib oldu
Superkubok matçı azarkeşlərsiz keçiriləcək
"Bu, onun son matçı ola bilər"
ÇL-də "Qarabağ"a iki qol vuran futbolçu klubunu dəyişdi
"Bornmut"un hücumçusu uzunmüddətlik sıradan çıxdı
"İmişli"nin futbolçusu milliyə dəvət aldı
"Bavariya" Avstriya klubuna böyük hesabla qalib gəldi
