18.09.25
Bu yazıda “Neftçi”yə iradlar az olmayacaq, amma əvvəlcə bu kluba Azərbaycan futboluna Araz Abdullayev kimi bir istedad bəxş etdiyinə görə təşəkkür düşür. “Sağ olsun, “Neftçi” deyib keçək əsas mətləbə: Araz Abdullayev niyə intizam qaydalarına əməl etmir?
Niyə 22 yaşlı bu futbolçu öz oyunu ilə yox, daha çox futboldankənar davranışları ilə diqqət mərkəzinə düşür? Bir gün yol qəzası törədir, o biri gün məşqçiləri ilə mübahisə edir, bir gün məşqə gecikir və daha nələr, nələr...
Deyə bilərsiniz ki, Azərbaycanın bir çox futbolçusu kimi pul, erkən yaşdakı şan-şöhrət Arazı da havalandırıb. Müəyyən mənada haqlı ola da bilərsiniz. Amma axı hamımız fərqindəyik ki, Araz Abdullayev “Neftçi”də intizam qaydalarını təkcə dünən – “Xəzər Lənkəran”la mühüm oyunöncəsi məşqə geçikməklə pozmağa başlamayıb. Bu adam neçə ildir öz klubunda az qala istədiyi hər şeyi edib. Ona görə edib ki, üzərində “dəmir əl” görməyib. Cəzasızlıq mühitində böyüyüb. “Neftçi”də səlahiyyət sahibi olan hər kəs – klubun prezidenti Sadıq Sadıqovdan tutmuş Arazın məşqçiləri Arif Əsədov, Böyükağa Hacıyev və sonra yenə də Arif Əsədov bu futbolçuya sərt üzlərini göstərməyiblər, ya da göstəriblərsə də, bunu istənilən səviyyədə etməyiblər. Bir gün cəza veriblər, üç gün keçməmiş bağışlayıblar.
Yoldaşlar, futbolçular bu zehniyyətlə idarə olunmur. Futbolçuya qarşı münasibətdə klub rəhbəri də, məşqçi də yeri gələndə diktator kimi olmalıdır. “Neftçi”də isə nə klubun rəhbərliyi, nə də məşqçiləri Araza belə münasibət göstəriblər. Futbol belə şeyləri sevmir, bağışlamır. Futbolçuya bu cür yumşaq davranış əslində onu yüksəlişə yox, enişə, bəzən hətta faciəyə də aparır... Yadınıza salın o məlum qəzanı. Və buna görə Arazı günahlandırmağa tələsməyin. Onun etdiyi sadəcə, yazılmamış və proqnozlaşdırılmayan bir prosesin nəticəsi idi, səbəbi deyildi. Səbəbi yol qəzasında yox, cəzasızlıqda axtarmaq lazımdır.
“Neftçi” nə vaxt Araza cəza verdi? Heç vaxt!
Cəza verilməyəndə, futbolçu məşqçinin üzünə də qayıda, məşqə istədiyi vaxt da gələ bilər. Yenə də günahlandırmayın, Arazı. O vaxtında lazımi cəza görməyib, bəlkə də futbol aləmində normal mühitə də düşməyib. Bu da onun həm insani keyfiyyətlərinə, həm də oyununa təsir edib.
“Neftçi”dəki yoldaşlar isə uzun illik fasilədən sonra, nəhayət, hələ indi ayıblar ki, demə, Araz intizamsızlıq edirmiş. Sonra xəbərdarlıq da edirlər ki, futbolçunu komandadan göndərə də bilərlər.
Gec də olsa, çox gözəl. “Neftçi”nin Araza verə biləcəyi ən ciddi cəza və eyni zamanda ən böyük yaxşılığı, yəqin elə bu olar.
Artıq getməlidir. “Neftçi”nin ona uyğun bir komanda olmadığını Araz Abdullayev dərk etməlidir. Gələcəkdə Azərbaycanın çox böyük, tarixə düşəcək bir futbolçusu olmaq üçün bu qədər istedadının olduğunun fərqinə varmalıdır. Və bu istedadını öz xarakterindəki qüsurlara qurban verməmək üçün indiyədək Azərbaycan futbolunda şəxsən özünün görmədiyi, rastlaşmadığı “dəmir əl”in - Qurban Qurbanovun yanına getməlidir.
22 yaşda çox gənc futbolçu intizamsızlıqlar edib. Amma hər şeyi düzəldə bilən məşqçilər də var. Qurban Qurbanov elə məşqçilərdəndir: “dəmir intizam” onun qızıl qaydalarındandır. Araz “Qarabağ”ın və Qurban Qurbanovun oyun taktikasına uyğun futbolçudur: sürəti, texnikası, güclü zərbələri, fiziki göstəricələri...
Xarakterində qüsurlar varsa, onlar da düzələr: Qurban Qurbanov bu işin də ustasıdır.
İndi qalır yalnız “Neftçi”dən ayrılmaq və “Qarabağ”la razılaşmaq.
... Araz Abdullayev Azərbaycan futbolunun son illərdəki ən böyük istedad sahiblərindəndir. Amma o, elə yerə düşüb ki, orda onun istedadı boğulur, havası çatmır.
Deməli, dəyişməlidir, havasını dəyişməlidir, Araz. Təzə ab-havaya düşməlidir. Onda o, mütləq xilas olacaq: futbolda təzədən doğulacaq, böyüyəcək və bəlkə də özü nə zamansa xilaskara çevriləcək.
Aydın BAĞIROV
Azərbaycan klubları ÇL-in növbəti mərhələsinə yüksəldilər
Millimizin və "Sumqayıt"ın futbolçusu əməliyyat olundu
Ramil Şeydayev yenidən "Qarabağ"da - Rəsmi
"Səbail" və "Bakı Sportinq"dən qələbə, "Şəfa"dan darmadağın
Millimizdən Moldovada ardıcıl ikinci qələbə
Mourinyo rəsmən “Benfika”da
“Barselona” düşərgəsindən milliyə narazılıq
U-15 millimiz Monteneqro yığmasına qalib gəldi
Luis Enrike birinci hissəni niyə tribunadan izləyib?
Yılmaz Vural bu klubun baş məşqçisi oldu
"Çelsi"də yeni müqavilə
"Benfika" Mourinyo təyinatını nə vaxt açıqlayacaq?
"Bavariya"dan Çempionlar Liqasında uğurlu göstərici
“Qurban Qurbanov Azərbaycan futbolunda inqilab edib”
İtaliya Superkubokunun məkanı açıqlandı
"İnter Mayami"dən Messi qərarı
"Qarabağ"ın o 6 futbolçusu...
"Neftçi", "Şamaxı" və "Sumqayıt" cərimələndi
"İmişli" klubuna texniki məğlubiyyət verildi
Noyerdən "Bavariya" tarixinin rekordu
Azərbaycan millisi FİFA reytinqində gerilədi
Salahdan Çempionlar Liqasında unikal göstərici
Nihat Kahveci: "İnsan "Qarabağ"a həsəd aparır" - Video
ÇL-in oyunlarını yayımlayacaq kanallar
"Liverpul" - "Atletiko" oyunundakı 5 qol - Video
Bu gün hansı güləşçilərimiz yarışacaq?
"Liverpul"dan dramatik qələbə, PSJ-dən darmadağın
“Fənərbaxça”dan xal itkisi - Video
"Real"ın şikayəti rədd edildi
"Mingəçevir" "Cəbrayıl"a belə qalib gəldi - Video
“Qarabağ” UEFA reytinqində irəlilədi
4 qol vuruldu, "Mingəçevir" qalib gəldi
"Benfika" Mourinyo ilə danışıqlarda irəlilədi
“Mançester Siti" mənim yeganə seçimim idi”
2-ci liqada oyunların vaxtı açıqlandı
"Qalatasaray"da ciddi itki
AFFA-dan "Neftçi"yə rədd cavabı
Elxan Səmədovdan "Qarabağ"a təbrik
Azərbaycan kubokunun püşkü atıldı
Azərbaycan kubokunun finalı bu stadionda
Aleksander-Arnoldun durumu açıqlandı
