27.02.26
Əvvəlcə ondan başlayım ki, Braziliyada keçirilən dünya çempionatının bu qızğın vaxtında uğursuz Azərbaycan futbolu və futbolçusundan yazmaq çox gülməlidir. Amma bir az təəccüblü görünsə də, Kosta-Rika millisinin oyunçuları bizə başqa seçim imkanı buraxmadı. Mətləbi çox uzatmadan bir-iki mühüm faktın üzərinə gələcəyəm, qoy bilməyənlər heyrətlənsin, Azərbaycanın sözün hər mənasında bir çox havalı futbolçusu isə əgər utanacaqsa, başlarını lap yerin dibinə soxsun.
Deməli, sürprizlər dolu bu dünya çempionatının başqa bir özəlliyi də budur ki, adı FİFA-ya sifariş edilən 32 milli komandanın 736 futbolçusundan bir çoxu bizimkilər üçün əsl örnək oldu. Kimisi futbol dərsi keçdi, kimisi əsl mübarizlik nümayiş etdirdi, kimisi də ölkəsi və komandası üçün hansı fədakarlıqları etdiyini göstərdi. Dediyimiz bu keyfiyyətlərin hər birini həmin Kosta-Rika millisinin timsalında görə bildik. Amma işin ən maraqlı tərəfi heç bunda da deyil. Ondadır ki, Kosta-Rika millisinin oyunçularının mütləq əksəriyyəti azərbaycanlı futbolçulardan daha az qazanır.
Buna baxmayaraq, həmin Kosta-Rika mundiala vəsiqə qazanması azmış kimi İtaliya, Uruqvay və İngiltərə kimi dünya çempionu olmuş komandaların yer aldığı qrupun birincisi kimi pley-offa çıxdı, 1/8 final mərhələsini də adladı, 1/4 finalda isə yalnız penaltilər seriyasında Hollandiyaya uduzmaqla mübarizəni dayandırdı. Kosta-Rika nəhəng bir yarışda bu qədər uzun məsafə qət edib dünyanın səkkiz ən güclü komandasından biri oldu. Yəni bildiyiniz ucuz, amma keyfiyyətli futbolçularla.
Bəs, bizim bahalı, amma keyfiyyəti nəinki Avropa, heç Azərbaycanın ən ucqar kəndinin futbol standartlarına cavab verməyən xarab oyunçularından danışmağa ehtiyac varmı? Onsuz da Azərbaycan millisi AFFA-nın yerləşdiyi Nobel prospektindəki neftayırma zavodundan o tərəfə gedə bilməyib. O da ona görə ki, fikri-zikri həmişə neftdən gələn pulda qalıb. Bir tək Rəşad Sadıqovu və xarakterində nə qədər problem olsa da, Kamran Ağayevi çıxmaqla Azərbaycan millisinin heç bir üzvü aldığı pulun on faizinə layiq oyun göstərməyib.
Amma rəqəmlərə fikir verin: bizim millinin əsas heyət üzvlərinin müqaviləsinin qiyməti orta hesabla 350-400 min dollardır. Bir ildə millidəki və klubdakı çıxışlarına görə aldıqları mükafatı da bura əlavə edəndə, rəqəm 500 minə çatır, bəlkə hələ artıq da edir. Kosta-Rika millisinin bu mundiala aparılan 23 oyunçusunun mütləq əksəriyyətinin bir illik transfer dəyəri isə (Keylor Navas və Brayan Ruiz kimi oyunçular xaric) bu dünya çempionatına qədər 250-400 min təşkil edirdi.
Təbii ki, mundialdan sonra onların qiymətinin artacağı şübhə doğurmur.
Təkcə elə bu fakt kifayət edir ki, Azərbaycan futbolçusu artıq maşın, pul psixologiyasını bir kənara atıb öz peşəsi ilə yatıb-dursun. Çünki Kosta-Rika futbolçusunun bu dünya çempionatındakı parlaq uğuru bir məşhur fikri yenə təsdiq edir: pul futbol oynamır!
Bizim futbolçuların isə yaxşı futbol oynamasını əngəlləyən həm də puldur, daha doğrusu, meydanda qələbəyə yox, pula görə mübarizə aparmaq düşüncəsi. Azərbaycan futbolçusu o zaman uğura yaxın olacaq ki, onun pulu azaldılacaq.
Pulun azalanda artıq futbol barədə düşünürsən. Futbolla yatıb, futbolla durursan, yuxuna da futbol girir. Və birdə gözünü açıb görürsən ki, sənin yuxun artıq çin olub.
Kosta-rikalı futbolçunun yuxusu kimi...
Aydın BAĞIROV
"Yuventus" baş məşqçi ilə bağlı qərarını verdi
"Avrokubok üçün əlimizdən gələni edəcəyik" - Rəşad Sadıqov
"Tam özümüzə gəlməmişik" - Qurban Qurbanov
"Qarabağ"ın vacib qələbəsindən - Video
Qavi geri dönür
Qırmızı vərəqələr, ləğv edilən qollar, hərəyə 1 xal
"Sabah" "İmişli"yə, "Qarabağ" "Zirə"yə qalib gəldi
"Fənərbaxça" futbolçuları təhdid edilir
"Qalatasaray"lı Osimhen "Real"a gedir?
"İnter" qələbəni son anda əldən verdi
"Tottenhem"də ciddi itkilər var
Futbolçular meydandan təxliyə olundu
"Onlar öz güclü tərəflərini bizə göstəriblər"
"Sabah"ın böyükhesablı qələbəsindən - Video
“Araz-Naxçıvan” da ev oyunlarını Sumqayıtda keçirəcək
"Bizi dəstəkləmələri çox vacibdir" - "Sabah"ın futbolçusu
"Zirə" - "Qarabağ": Heyətlər
"Səhvlərimizdən maksimum yararlandılar" - Jorj Kaşkilya
Ronaldonun oğlu baş məşqçiyə əsəbləşdi - Video
Ülviyyə Fətəliyeva beynəlxalq turnirin qalibi oldu
Neymar: "Aman Tanrım, özüm olmaq necə də çətindir"
Azərbaycanda federasiyalar birləşdirildi
"FİFA DÇ-2026-ya ev sahibliyini ABŞ-dan almalıdır"
"İmişli" - "Sabah": Heyətlər
Azərbaycanın millisi Çempionlar Kubokunun yarımfinalında
Arbeloa: "Tənqidlər məni narahat etmir"
"Liverpul" "Real"ın iki futbolçusunu transfer edə bilər
"Atletiko"da itki
"Sona qədər avrokuboklar uğrunda mübarizə aparacağıq"
Ayxan Abbasov klub rəhbərlərini belə tənqid etdi - Video
“İndiki boksçuları heç kim tanımır” - Mayk Tayson
Messi, yoxsa Ronaldo? - Hazard seçdi
“Qarabağ”dan ayrılan Krisdən açıqlama
Nəriman yeni klubunun stadionunu ziyarət etdi - Video
Renat oynadı, komandası qalib gəldi
“Fənərbaxça”nın mövsümdəki ilk məğlubiyyəti - Video
Ruzanna Məmmədova Avropa ikincisi oldu
“Qələbə qazana bilməməyimizin səbəbini bilmirəm” - Saşa İliç
"Şamaxı" "Sumqayıt"a belə qalib gəldi - Video
“Bir çox klub rəhbəri artıq getməlidir” - Ayxan Abbasov
"Fənərbaxça"dan şok məğlubiyyət
"Neftçi" - "Qarabağ" matçının vaxtı açıqlandı
"Araz-Naxçıvan"ın qələbəsi - Video
"Getdikdə daha yaxşı oynayırıq" - Andrey Demçenko
