10.11.25
Bu, təkcə onların idarəetmə üsuluna aid deyil. Düşüncə, zehniyyət, nəhayət, yaşadığın, sənə çörək qazandıran ölkənin dəyərlərinə münasibət də bu fərqləri özündə cəmləyib.
Tahir Gözəli çoxunuz tanıyırsınız. “Qarabağ”ın rəhbəridi. Azarkeşlər və medianın bir qismi hələ 6-7 il əvvəl Qurban Qurbanovu istefaya səsləyib klubdan qovulmasını istəyəndə məşqçiyə dəstək verən ilk şəxs məhz o olub. Küyə getməyib, kampaniyaçılığa qoşulmayıb. Qurban Qurbanovun bir dediyini də iki etməyib. Məşqçi kimi özünü təsdiq etməsində klubunun və şəxsən Tahir Gözəlin səbrli, təmkinli davranışı az rol oynamayıb.
Tahir Gözəl azərbaycanlı deyil. Azərbaycanlı olsaydı, digər klub rəhbərləri kimi, 3-4 uğursuzluqdan sonra Qurban Qurbanovu komandadan göndərər və onun məşqçilik karyerasına ciddi zərbə vurardı. AFFA-dakı həmkarı Rövnəq Abdullayev kimi hamıya sadəlövhcəsinə inanıb Foqst kimi pulsoran maşını bu ölkəyə calaq edib futbolumuzu ən azı 6 il geriyə atmazdı. Nəysə, biz bunları qoyaq bir kənara. Gələk Rövnəq Abdullayevə. O, bu gün jurnalistlərlə söhbətində AFFA-nın Bakıdakı stadionlarından birinə Anatoli Banişevskinin adının verilməsi ilə bağlı təşəbbüsə bax beləcə cavab verib: “Stadion adları ancaq kommersiya xarakterli olacaq. Banişevski üçün böyük işlər görmüşük. Amma adının stadiona verilməsi gündəmdə deyil. Çünki elə etməliyik ki, stadionun adı da gəlir gətirsin. Yoxsa batıb gedərik. Kim istəyirsə, sponsorluq edib, atasının adını stadiona qoysun”.
Rövnəq Abdullayev azərbaycanlıdı, futbol federasıyasının da prezidenti. Amma bu açıqlaması bir daha göstərir ki, AFFA-dakılar üçün Banişevski də, onun timsalında Azərbaycan futbolunun çox az olan dəyəri də sadəcə, heç nədi.
Onlar üçün hər şeydən öncə nə gəlir? Düz tapdınız - pul, pul və yenə də pul...
Soruşa bilərsiniz ki, bəs, Tahir Gözəlin bu məsələyə nə dəxli? Əgər diqqətli oxucular xatırlayırsa, hələ bir müddət əvvəl Qol.az saytında Bakıda Banişevskinin adına stadionun verilməsi ilə bağlı ictimaiyyətin, medianın da dəstəyini qazanan bir təşəbbüs göstərmişdik. Bununla bağlı yazı çıxandan cəmi 3-4 saat sonra “Qarabağ”ın baş meneceri Asif Əsgərov mənimlə əlaqə saxlayaraq Tahir Gözəlin adından təşəkkür etdi, klubun prezidentinin bu ideyanı bəyəndiyini və dəstəklədiyini, hətta məsələylə əlaqədar "Qarabağ" rəhbərinin AFFA-nın baş katibi Elxan Məmmədovla da telefonla danışdığını dedi. Elxan bəy də öz növbəsində yazıyla tanış olduğunu, bu məsələylə daha yaxından maraqlanacaqlarını deyib.
İndi təsəvvür edin, Banişevski ilə bağlı ideya ortaya atılır, amma buna reaksiyanı futbolumuzun əfsanəsinin həmişə sadiq qaldığı doğma “Neftçi” klubunun rəhbərliyi deyiI, ona rəqib olan “Qarabağ”ın prezidenti həssas reaksiya göstərir...
Banişevski “Neftçi”yə, doğma Bakısına ömrünün sonuna qədər ürəkdən, təmənnasız bağlı biri olub. Amma Azərbaycanın bu böyük oğluna dəyəri AFFA-nın azərbaycanlı prezidenti Rövnəq Abdullayev yox, “Neftçi”nin azərbaycanlı rəhbərləri də yox, Azərbaycana qan bağlılığı olmayan “Qarabağ”ın rəhbəri Tahir Gözəl verir.
Tahir Gözəllə Rövnəq Abdullayevin fərqi həm də bax budu.
Biri Banişevskiyə qiymət qoyur.
O biri də öz stadionuna.
Aydin BAĞIROV
[email protected]
Mbappenin durumu müəyyənləşdi
FİFA “The Best”i ləğv edir - Yeni mükafat yaradılır
Roberto Karlos ürəyindən əməliyyat olundu
“Fənərbaxça”da yeni prezident seçkisi
40 yaşlı futbolçu "uzunömürlülük" sirrini açıqladı
"Yuventus"un futblçusunun "Cenoa" arzusu baş tutmadı
Ştegen yalnız bu şərtlə "Barselona"dan ayrılmağa hazırdır
"Roma" yarımmüdafiə xəttini onunla gücləndirməyi hədəfləyir
Sabiq futbolçuya ərəblərdən təklif gəldi
Kurtua ayın ən yaxşısı seçildi
"Şamaxı"nın legioneri oynadı, komandası pley-offa yüksəldi
“Suallarımız cavabsız qalanda məyusluq oldu” - Video
Mbappe ÇL-in ən yaxşısıdır
Ronaldo 16 il sonra ilk dəfə...
"Mançester Yunayted" xal itrdi - Video
A seriyasında yeni qərar
"Arsenal"ın 4 qollu qələbəsi - Video
Seneqal Afrika Millətlər Kubokunun pley-offunda
Misli Premyer Liqasında 101 debüt
"Mançester Siti"dən "Borussiya"ya keçə bilər
"Qalatasaray" futbolçusu ilə sağollaşır
İspaniya klubu azarkeşlərlə bağlı ciddi tədbir gördü
Premyer Liqada cari mövsümdə 36 penalti, 29 qol qeydə alınıb
"Arsenal" çempionluq yolunda itki ilə üzləşdi
"Fənərbaxça" "Milan"ın təklifini rədd etdi
“Qarabağ”da 2025-ci ildəki - 11 önəmli hadisə
FİFA prezidenti: ofsayd qaydalarında dəyişiklik ola bilər
"Real"ın futbolçusu İngiltərəyə qayıda bilər
Baklov "Turan Tovuz"un qapısını inamla qorudu
Kubok oyununda azı 3 qol vurdular
"Qarabağ"ın rəqibi məşqçisi ilə yollarını ayırdı
Klişi Mbappenin klubunun baş məşqçisi oldu
Mahir Emrelidən maraqlı paylaşım - Şəkil
Pedri hazırdır
Pyaniç karyerasını başa vurdu
Rusiya klubunun məşqçisi 32 yaşında vəfat etdi
Dünyanın ən bahalı qapıçıları - Siyahı
Əşrəf Hakimi 2 aydan sonra meydana qayıtdı
Xviça ən yaxşı seçildi və Kaladzenin rekordunu təkrarladı
Avropada driblinq üzrə lider
Qələbə qazanmadan pley-offa yüksəldi
Azərbaycanda 1-ci liqa klubu dağılmaq ərəfəsində
La Liqada ilin rəmzi komandası
Ramos Avropaya qayıtmağa yaxındır
Misir Salahsız heç-heçə etdi, pley-offa vəsiqə qazandı
