12.11.26
O çempionat və onu oyuncağa çevirən möhtərəm ağalar barədə, türk telekanallarının gurultulu anonsu olmasın, az sonra... Biz hələ ki, gedək İngiltərəyə, dünənki “Çelsi” – “Qarabağ” oyununa.
Hə, 0:6 istənilən komanda üçün çox pis məğlubiyyət, heç vaxt silinməyəcək bir qara ləkə kimidi. Nə qədər təmizləsən də, izi həmişə qalacaq. Amma bu məğlubiyyət ümummilli faciə deyil. Çempionlar Liqasında altı da yox, yeddi, hətta səkkiz top fərqi ilə uduzan komandalar olub. Son 4-5 ildə Avropanın tanınmış klublarından “Malmö” “Real”a 0:8, “Bazel” və “Şaxtyor” “Bavariya”ya 0:7, daha əvvəl - 2007/2008-ci il mövsümündə “Beşiktaş” elə İngiltərənin başqa bir təmsilçisi – “Liverpul”a 0:8 hesabı ilə uduzmayıbmı?
Gəlin, bir az sakitləşəyin. Qarşıda ÇL-də daha 5 oyunumuz var. Bu nəhəng yarışın, böyük komandalarla oyunlarımızın həyəcanını, zövqünü yaşayağın. Çünki bilmək olmaz, bu gedişlə bəlkə gələn ildən başlayaraq hələ uzun illər Çempionlar Liqasının qrupuna həsrət qalacağıq (məlum, artıq şərtlər dəyişir, qrupa düşmək yolu bizim çempion komanda üçün daha da çətinləşir).
***
Əlbəttə, Qurban Qurbanov özünün və futbolçularının səhvlərini yaxşı görür və bunu etiraf edir. Ümid edək, "Roma" ilə Bakıdakı oyuna qədər neçə vaxtdı havalı olan Şehiç özünə gələcək, ya da ehtiyat qapıçı Anton Kanibolotski əsas heyətə. Ümid edək, Ansi Aqolli o oyuna qədər zədəsini sağaldacaq. Yoxsa italyanlar da “Çelsi” kimi bizim sol cinahda at oynatmaqda davam edəcək. Ümid edək, “Qarabağ”ın müdafiə xətti daha dünənki qədər boşluqlar buraxmayacaq.
Və həm də ona ümid edək ki, bu gün “Qarabağ”ı nahaqdan topa tutan, futbolla yaxından maraqlanmayan əziz insanlarımız vaxt tapıb heç olmasa bir dəfə "Çelsi"nin özü və İngiltərə çempionatındakı oyunları ilə maraqlanacaqlar.
***
Bu yay “Çelsi” “Real”dan aldığı hücumçu Alvaro Morataya görə 80 milyon avro ödədi. 80 milyon avro bugünkü məzənnə ilə 162 milyon manat edir. 162 milyon manat isə indiki "Qarabağ"ın hardasa 10-12 illik büdcəsidi. İki komanda arasında bu və buna bənzər daha onlarla fakt sadalamaq olar. Amma təkcə bu bircə fakt yetərlidi ki, klublar arasında həm büdcə, həm futbolçu, həm səviyyə fərqini görə biləsən.
Lakin peşəkar futbolda klublar yalnız səs-küylü transferləri, futbolçuları, məşqçiləri, doğru idarəetməsi, güclü maliyyə dayaqları ilə yox, həm də iştirak etdiyi ölkənin çempionatının səviyyəsinə görə böyüyür, inkişaf edir.
İngiltərədə “Çelsi”nin iştirak etdiyi çempionatı Premyer Liqa adlandırırlar. Azərbaycanda “Qarabağ”ın iştirak etdiyi çempionatı da. Onlarda həmin yarışda 20 komanda oynayır, bizdə 8. Orda hər gün qabağa gedirlər, bizdə hər gün dala. Orda klublar özündən asılıdı, bizdə 8 komandadan 5-i federasiyadan. Oranın Ramin Musayevi “Mançester Yunayted”in işinə müdaxilə edə bilməz, amma bizim Ramin Musayev Tərlan Əhmədovu “Neftçi”yə gətirə bilər. Orda birinci diviziondan Premyer Liqaya çempion və vitse-çempionları buraxırlar, bizdə isə ancaq Rövnəq Abdullayevin oğlunun komandasını. Oranın AFFA-sı ilə PFL-i futboldan pul qazanır, bizim AFFA ilə PFL futboldan pul yeyir. Oranın Rövnəq Abdullayevi hər gün işə çıxır, bizim Rövnəq Abdullayev heç vaxt işə çıxmır (futbolda).
Orda “Çelsi” ilə rəqabət apara biləcək bəlkə 15 komanda var, bizdə “Qarabağ”la oynaya biləcək cəmi 1 komanda. Orda “Çelsi”nin hər oyununa 40 min adam gəlir, bizdə “Qarabağ”ın oyununa 500 adam. Ordakılar futbol məktəblərini öz ölkəsində, kəndində, kəsəyində açırlar, bizdəkilər yad və uzaq Almaniyada. Ordakılar klublar üçün futbolçuları İngiltərənin Tovuzunda axtarırlar, bizimkilər Dağıstanın Xasavyurtunda…
Orda Premyer Liqanı yaşadırlar, bizdə əzə-əzə məhv edirlər. Və bütün bu eybəcərliklərdən sonra sənin bir komandan AFFA-nın, PFL-in cənginə düşməkdən qurtulmağı bacarır, öz gücü ilə Çempionlar Liqasının qrupuna düşür. “Çelsi” ilə oynayır, sənə heç vaxt unutmayacağın bir futbol gözəlliyi yaşadır.
0:6-nı bir kənara qoyun, əsl futbolun dadını çıxarın, onu nəfəsinizə çəkin.
… Onsuz da bizim futbolda hər gün zəhər uduruq.
Aydın BAĞIROV
[email protected]
Türkiyə Belçikaya məğlub oldu
“Lixtenşteyndə qələbə qazanmaq istəyirik” - Toral Bayramov
Sneyder bu kluba baş məşqçi təyin olundu
Faciəli hadisədən sonra karyerasını bitirə bilər
“Araz-Naxçıvan”ın sabiq çalışdırıcısının yeni klubu bilindi
Rafinyanın yorucu futbol marafonu başlayır
PSJ-dən Arda Gülerə üçqat maaş təklifi
Keyn millinin gələcək kapitanından danışdı
Vernidubun futbolçusuna verdiyi gözlənilməz dərs
Muslera karyerasını başa vurur?
“Real”ın futbolçusu azarkeşlərə pul payladı - Video
İngiltərə Premyer Liqasında günün ikinci baş məşqçi ayrılığı
Azərbaycan boksçusu Olimpiya 2-cisi oldu
AFFA bu komandanı yarışdan kənarlaşdırdı
Tuhel klub məşqçiliyinə qayıtmaq istəyir
Avropanın TOP klubları gürcü futbolçu üçün mübarizədə
Nə qələbə var, nə heç-heçə, nə hücum var, nə müdafiə...
Runi məşhur realiti-şouya qatılacaq
Hakimi təhqir edən baş məşqçi və futbolçunun cəzası bilindi
“Barselona” azarkeşlərinə “Kamp Nou”da əbədi yer ayırır
Millətlər Liqasının oyunlarını yayımlayacaq kanallar
Zidan “Yuventus”un baş məşqçisi olmaq istəyir
Millimizin üzvləri arasında maraqlı yazışma
Ronaldo yeni serialını çəkməyə başladı
Oteldə məşhur idmançılar arasında kütləvi dava - Video
ABŞ dünya çempionatından imtina etdi
Türkiyə Belçikaya, İspaniya Çexiyaya qarşı
“İnfantino psixiatriya şöbəsinə göndərilməlidir” - Blatter
Qvardiola ABŞ millisində?
Azərbaycan şahmatçısı Avropa çempionu oldu
“Kristal Pelas”ın baş məşqçi namizədi bəlli oldu
“Roma” ona daha az maaşlı müqavilə təklif edir
Millinin baş məşqçisinin mətbuat konfransı ləğv olundu
Haaland yığmanın məşqinə qoşulmadı
“Real”ın səhmlərinin bir hissəsi satışa çıxarıla bilər
“Mourinyo daha təmkinli olub”
PSJ “Borussiya”nın qapıçısı ilə maraqlanır
AFFA rəsmisindən mübahisəli epizodlara şərh - Video
Mbappe ilə Zidan arasında fikir ayrılığı var?
Lukaku Türkiyə millisi ilə matçı buraxacaq
La Liqada bunu bacaran 20-ci komanda oldular
"Mançester Yunayted" Poçettino ilə razılaşdı
"İndi millidə bir mövqeyə ikinci futbolçunu tapmaq çətindir"
2-ci liqada 11-ci turun oyunlarının vaxtı bilindi
"Latsio"da yeni müqavilə
