29.08.25
Koronavirus pandemiyası dövründə dünya və Azərbaycanda ən çox zərər görən sahələrdən biri də idmandır. Bütün idman oyunları dayandırılıb, nəhəng beynəlxalq qurumlar, yerli federasiyalar, klubların ümumi itkisi milyardlarla dollara çatıb.
Soruşa bilərsiniz ki, bəs, bu qlobal bəlanın bizim Gənclər və İdman Nazirliyi ilə əlaqəsi nədir?
Məsələ budur ki, martın ortalarından tətbiq edilən karantin rejiminə görə idman yarışları ilə yanaşı idmançıların məşqlərinə də qadağa qoyuldu. O cümlədən Azərbaycanda da. Və ilk gündən Prezident İlham Əliyevin liderliyi ilə koronavirusun Azərbaycanda geniş yayılmasının qarşısını almaq üçün zamanında ciddi, qabaqlayıcı tədbirlər görüldü (və görülməkdədir). Yaranmış bəzi sosial problemlərin həlli istiqamətində mühüm addımlar atıldı, bu proses indi də davam edir. Nəticədə ölkəmizdə koronavirusa yoluxanların, bu xəstəlikdən vəfat edənlərin sayı Avropa və bizə qonşu olan digər ölkələrlə müqayisədə kəskin səviyyədə aşağıdır.
Buna görə də Nazirlər Kabineti karantin rejimini bir qədər yumşaltmalı oldu. Düzdür, idman sferası həmin məhdudiyyətlərdən kənarda qaldı. Səbəb də başadüşüləndir. Çünki indiki vəziyyətdə kütləvi yarışların bərpasına icazə verilməsi böyük həyati risk olardı. Lakin ilkin mərhələdə idmançıların və futbolçuların komanda deyil, qrup halında hazırlığına icazə vermək mümkün idi. Qrup halında məşq nədir? Əvvəlcə sanitar qaydalara əməl olunur, 3-4 dörd futbolçu bir məşqçinin rəhbərliyi ilə böyük futbol meydançasında və mütləq 2 metrlik sosial məsafəni gözləməklə məşq edir. Artıq Avropada bu cür məşqlərə icazə verilir. Özü də harda? Koronavirusun ocağı sayılan İtaliya, İspaniyada belə.
Koronavirus testindən keçdikdən sonra bu cür hazırlığın idmançıların həyatına və ətrafa təhlükə olmadığını həkimlər də təsdiqləyir. Yox, əgər Azərbaycanda indi real virus təhlükəsi varsa, bu, yüz faiz futbol meydançaları deyil, ən azə tıxılı-təpili avtobuslardır. İdmançılar və futbolçular bütün günü dar mənzillərində, həyətlərində məşq edirlər. Bununla onsuz da yaxşı vəziyyətdə olmayan formalarından daha da uzaqlaşırlar. Bəs, bu kədərli mənzərə qarşısında idmana cavebdeh dövlət qurumu Gənclər və İdman Nazirliyi nə edir? Faktiki heç nə.
Hökumət üzvlərinin verdikləri açıqlamalardan başa düşmək olur ki, idmanla bağlı yumşaltma, ümumiyyətlə, gündəmdə deyil. Qeyd etdiyimiz kimi isə bu gün söhbət heç də kütləvi idman yarışlarının yox, sadəcə, 3-4 nəfərin qrup halında məşqinin bərpasından gedir. Amma görünən odur ki, indiyədək Nazirlər Kabineti qarşısında məsələ ya qaldırılmayıb, ya da bunun üzərinə ciddi düşülməyib. Yoxsa hökumət onminlərlə idmançının əhatə olunduğu və dövlət başçısının özünün hər zaman xüsusi həssaslıqla diqqətində saxlayıb, dəstək verdiyi böyük bir sahəni görməzdən gəlməzdi. İdmançıların məşqi ilə bağlı yumşaldıcı qərar verərdi və verməsi arzuolunandır. Əks halda vaxtın uzanması idmançılara gələcək nəticələrində əlavə problemlər yaradacaq. Deməli, İdman Nazirliyi idman qurumlarının, klubların və idmançıların fikrini Nazirlər Kabinetinə çatdırılmalıdır.
O ki qaldı nazirliyin bugünlərdə idmançıları efirdə məşq etdirib iş görmək görüntüsü yaratmasına, özünüreklam üçün həmişə vaxt olacaq. Amma indi vaxt daha vacib işlərə sərf olunmalıdır.
...Və futboldan danışırıqsa, eyni sözlər həm də AFFA-ya aiddir.
“Evdə qalmaq” çağırışı heç də bütün günü evdə uzanıb istirahət etmək demək deyil. Hərəkətə gəlin! Koronavirusdan belə yararlanıb Feysbukda idman edib millətə özünüzü göstərdinizsə, topu bir-birinizə ötürüb qurtardınızsa, indi də axır ki, idmançılar və futbolçular üçün bir iş görün.
Aydın BAĞIROV
[email protected]
"Şəki Siti"dən 12 qol, "Xankəndi"dən darmadağın
"Neftçi" - "Sabah" matçından - Video
"Oyunun nəticəsi ədalətli idi" - Valdas Dambrauskas
“Neftçi” yenə xal itirdi, “Şamaxı”dan qələbə
"Şamaxı"dan 3 qollu qələbə - Video
"Milyonluq futbolçular da səhv edir" - Azər Həşimov
Qvardiola: “Ən yaxşı məşqçi ser Aleks Ferqyusondur”
"Neftçi" - "Sabah": Heyətlər
FIFA və UEFA Laportanın açıqlamalarını mənfi qarşıladılar
"Real"ın oyunçusuna "qırmızı" verən hakim cəzalandırılacaq
"Yuventus" onu azad agent kimi transfer etmək istəyir
Azərbaycan klubundan ayrıldı, ölkəsinə yollandı
"Şamaxı" - "Karvan": Heyətlər açıqlandı
Alonso "Real"da 16 ildən sonra bunu bacardı
Mahirin adı yenə sifariş ərizəsində yoxdur
Millimiz Avropa çempionatında 3-cü yeri tutdu
Müllerdən ABŞ klubunda uğurlu başlanğıc
"Benfika" - "Qarabağ" matçının hakimləri açıqlandı
Azərbaycanın basketbol millisi finalda uduzdu
Luis Enrike əməliyyatdan sonra imicini dəyişdi - Şəkillər
Türkiyə millisi üçün tarixi oyun - Bu gün final var
Bakıda dünya çempionatı keçiriləcək
“Real” FİFA-ya şikayət edəcək
"İndi çempionluq haqda düşünmürük" - Filip Ozobiç
“Viləş” yenidən Azərbaycan futbolunda
Vüsal İsgəndərli Albaniya klubunda ilk qolunu vurdu
Kökçünün komandası böyük hesabla uduzdu
"Beşiktaş" "Başakşəhər"ə belə qalib gəldi - Video
2 qələbə, 1 heç-heçə, 2 məğlubiyyət - “Qarabağ”ın rəqibləri
Zamiqin komandasından mövsümdə ilk qələbə
“Qalatasaray” istəyinə ikinci hissədə çatdı - Video
Rüfət oynadı, komandası “Hayduk”a qalib gəldi
Azərbaycan güləşçisi dünya çempionatının finalında
Mbappe və Ardanın qolları qələbə gətirdi - Video
Cəlalın komandasından böyükhesablı məğlubiyyət
I Liqada ilk tura yekun vuruldu
"Yuventus" - "İnter" matçında 7 qol vuruldu - Video
"Turan Tovuz"un "Qəbələ" üzərində qələbəsindən - Video
"Milli komandada yerli baş məşqçi işləsə, daha yaxşı olar"
"Gözlədiyimiz kimi ağır oyun oldu" - Kurban Berdıyev
"İmişli" - "Sumqayıt" matçından - Video
"Turan Tovuz" "Qəbələ"yə qalib gəldi
