27.02.26
Bu həftəni futbolumuz üçün qara həftə də adlandırmaq olar. Əvvəl “Qarabağ” Çempionlar Liqasının, sonra “Neftçi” Avropa Liqasının üçüncü mərhələsində mübarizəni dayandırdı. Ağdam klubu haqda iki gün əvvəl yetərincə tənqidi fikirlər yazdığımı güman etdiyimə görə yenidən o mövzuya qayıtmaq istəmirəm. Ona görə də Kamran müəllimin xətdə qalması şərti ilə əvvəlcə gəlirəm “Neftçi”nin baş məşqçisi Roberto Bordinə.
Bilmirəm, “Bney Yehuda” ilə dünənki oyun bitən kimi italiyalı məşqçinin davranışlarına fikir verdinizmi? Bordin meydana girib hakimlərlə mübahisə edir, sonra rəqib məşqçiyə, böyük ehtimalla hakim idarəçilyi səbəbindən kəskin formada etirazını bildirir. Bu, təxminən məhəllə futbolunda uduzan 10-12 yaşlı cığal məktəbliyə xas davranışa bənzərir, başqa heç nəyə! Bordinin isə 54 yaşı var. Amma belə görünür ki, yaşın başın inkişaf tempinə bəzən qətiyyən təsiri olmur.
Matçdan sonrakı mətbuat konfransında italiyalı mütəxəssis narazılıq edir ki, rəqib bütövlükdə yenə müdafiə olundu. Mərhələ adlamaq istəyən komandanın hətta 11 nəfərlə cərimə meydançasında oturmasında təəccüblü heç nə yoxdu. Bordin niyə bu cür axmaq fikirlər səsləndirir, təəccüblüdü. Problem axtarırıqsa, özümüzə baxaq. Bu müdafiə xəttini yarmaq üçün Bordin hücumda fərqli nəsə etdimi? İki oyunda bizimkinin məşqçi işini kimsə gördümü? Daha pisi isə odur ki, ilk matçda müdafiə xəttimizdəki ciddi problemlər təkrar görüşdə də davam etdi. “Neftçi”nin iki oyunda buraxdığı dörd qolun hamısına fikir verin. Belə müdafiə xəttinə ruslar “proxodnoy dvor” deyir. Bizim dildə, təxminən kavransaray qapısı kimi bir şey. Kim istəyir, nə qədər istəyir, gəlib vurur. Erkin İbrahimovun bir fikri diqqətimi çəkdi: Petrovun 2 oyuna buraxdığı səhvləri Rəşad Sadıqov 12 oyuna etməz. Rəşad Sadıqovdan baş açılanda “Neftçi”nin müdafiə xəttindəki anarxiya haqda da danışsaq, pis olmaz yəqin ki...
Və tək müdafiə xəttində də deyil. Yarımmüdafiə, hücum. Monroz, Dario, Rauf Əliyev... Heç nə edə bilmədilər. İnsafən, fərdi qaydada yaxşı oyunçulardır. Bu futbolçuların potensialı, daha da önəmlisi hər zaman öz təmənnasız fədakarlığı ilə daim komandalarına dəstəyini göstərən fanatları sayəsində “Neftçi” həqiqətən Avropa Liqasının qrupuna düşməyə qadir idi. Bordin isə bunu bacarmadı. Həm yerli çempionat, həm də Avroliqadakı son iki oyun göstərdi ki, italiyalı mütəxəssis həlledici məqamlarda soyuqqanlı düşünərək doğru taktiki qərar verə bilmir, panikaya düşür və bu da komandanın ziyanına işləyir. Məsələn, ötən mövsüm daxili çempionatda “Neftçi” fərdi oyunlarda “Qarabağ”ı üstələdi, amma finişə yaxınlaşanda mənasız yerə xallar itirib çempionluqdan oldu. Bənzər hadisələr “Bney Yehuda” ilə matçda da təkrarlandı. Halbuki “Neftçi”nin bundan əvvəl keçdiyi Rusiya “Arsenal”ı ümumən israillilərdən üstün idi, ən azı “pley-off”a düşmək üçün əla şans yaranmışdı. Amma...
Bir klubun uğuru, əlbəttə, təkcə onun baş məşqçisindən deyil, həm də prezidentindən, idarəetmə sistemindən asılıdır. 2012-ci ili yadınıza salın. O vaxtkı prezident Sadıq Sadıqovun komandaya, məşqçilərə təsiri imkanı, bütün kollektiv arasında nüfuzu o qədər yüksək idi ki, “Neftçi” məhz onun rəhbərliyi və əlbəttə, rəhmətlik Böyükağa Hacıyevin baş məşqçiliyi ilə fikrimcə, futbol tariximizin o vaxta qədərki ən yüksək uğuruna nail oldu. İlk dəfə Avropa Liqasının qrupuna düşdü. Davamlı çempionluqların, Avropadakı uğurun səbəbi Sadıqovun qurduğu sistemdə idi. Düzdür, olurdu ki, “Neftçi”dəki futboldankənar fəaliyyət haqlı narazılıqlar da yaradırdı. Amma bütün bunlar həqiqəti dəyişdirmir. “Neftçi” məhz Sadıqovun dövründə tarixinin ən yüksək nəticəsini qazandı. Bu, həm də onunla əlaqədar idi ki, “Neftçi”ni idarə edən cəmi bir nəfər idi: Sadıq Sadıqov.
İndiki və onun personalı isə (strateji vəzifədə olanlar) işlərini öz iradələrinə uyğun qura bilmirlər, bilməyəcəklər də. Çünki onlar idarə edən deyil, idarə olunan kuklalardır. Elxan Məmmədovdan başlayaraq üzüaşağı AFFA-dan gələn bütün tapşırıqlar əsasında. Və təəssüf ki, belə idarəetmənin ağır zərbəsi həlledici məqamlarda tarixi ənənəsi olan komandaya da dəyə bilir.
Aydın BAĞIROV
[email protected]
"Yuventus" baş məşqçi ilə bağlı qərarını verdi
"Avrokubok üçün əlimizdən gələni edəcəyik" - Rəşad Sadıqov
"Tam özümüzə gəlməmişik" - Qurban Qurbanov
"Qarabağ"ın vacib qələbəsindən - Video
Qavi geri dönür
Qırmızı vərəqələr, ləğv edilən qollar, hərəyə 1 xal
"Sabah" "İmişli"yə, "Qarabağ" "Zirə"yə qalib gəldi
"Fənərbaxça" futbolçuları təhdid edilir
"Qalatasaray"lı Osimhen "Real"a gedir?
"İnter" qələbəni son anda əldən verdi
"Tottenhem"də ciddi itkilər var
Futbolçular meydandan təxliyə olundu
"Onlar öz güclü tərəflərini bizə göstəriblər"
"Sabah"ın böyükhesablı qələbəsindən - Video
“Araz-Naxçıvan” da ev oyunlarını Sumqayıtda keçirəcək
"Bizi dəstəkləmələri çox vacibdir" - "Sabah"ın futbolçusu
"Zirə" - "Qarabağ": Heyətlər
"Səhvlərimizdən maksimum yararlandılar" - Jorj Kaşkilya
Ronaldonun oğlu baş məşqçiyə əsəbləşdi - Video
Ülviyyə Fətəliyeva beynəlxalq turnirin qalibi oldu
Neymar: "Aman Tanrım, özüm olmaq necə də çətindir"
Azərbaycanda federasiyalar birləşdirildi
"FİFA DÇ-2026-ya ev sahibliyini ABŞ-dan almalıdır"
"İmişli" - "Sabah": Heyətlər
Azərbaycanın millisi Çempionlar Kubokunun yarımfinalında
Arbeloa: "Tənqidlər məni narahat etmir"
"Liverpul" "Real"ın iki futbolçusunu transfer edə bilər
"Atletiko"da itki
"Sona qədər avrokuboklar uğrunda mübarizə aparacağıq"
Ayxan Abbasov klub rəhbərlərini belə tənqid etdi - Video
“İndiki boksçuları heç kim tanımır” - Mayk Tayson
Messi, yoxsa Ronaldo? - Hazard seçdi
“Qarabağ”dan ayrılan Krisdən açıqlama
Nəriman yeni klubunun stadionunu ziyarət etdi - Video
Renat oynadı, komandası qalib gəldi
“Fənərbaxça”nın mövsümdəki ilk məğlubiyyəti - Video
Ruzanna Məmmədova Avropa ikincisi oldu
“Qələbə qazana bilməməyimizin səbəbini bilmirəm” - Saşa İliç
"Şamaxı" "Sumqayıt"a belə qalib gəldi - Video
“Bir çox klub rəhbəri artıq getməlidir” - Ayxan Abbasov
"Fənərbaxça"dan şok məğlubiyyət
"Neftçi" - "Qarabağ" matçının vaxtı açıqlandı
"Araz-Naxçıvan"ın qələbəsi - Video
"Getdikdə daha yaxşı oynayırıq" - Andrey Demçenko
