13.03.25
Tiranı başa düşdük, anormaldı.
Bəs, AFFA-nın ağlı hara uçub ki, azarkeşi vurana cəmi 5 oyunluq cəza kəsir?
Ümumiyyətlə, görəsən, bu qurumun İntizam Komitəsində oturanların beynəlxalq təcrübədən xəbərləri var?
Söhbət bir əcnəbinin Azərbaycanda çıxardığı hoqqadan getmir. Söhbət bir azarkeşin vurulmasından gedir! Və azarkeşin vurulmasının cəzası hər nədisə, 5 oyun deyil, ey hörmətli AFFA və PFL!
Söyənə də 5 oyun cəza verirsiz, döyənə də?
Baxın can atmaq istədiyiniz Avropanın futboluna, Avropanı qoyaq bir kənara, İrana baxın. Azarkeşə zərbə vurana ən yumşaq halda 3-4 ay cəza verirlər. Hələ bütün mövsümboyu kənarlaşdırılan da olur!
Sizin bu dırnaqarası humanistliyinizin məqsədi nədi? “Neftçi”yə tərəf tutmaq, ya onun sahiblərinə yarınmaq?
“Neftçi”dən söz düşmüşkən. Klubun rəhbərləri harda gizləniblər? Niyə futbolçusunun tərbiyəsizliyinə münasibət bildirmirlər? Bizim media yazıq Elxan Abdullayevi divara dirəyib. Lazımi qiyməti verdi də o.
Bəs, hardadı xalq yazıçısı?
Hardadı KVN-şik?
Bəhram Bağırzadə, çıx danış, birbaşa sənin səlahiyyətinə aid məsələdi. Sənin futbolçun sənin azarkeşini vurub.
Jurnalist vurmayıb, təkrar edirəm, sənin harınlamış futbolçun vurub...
O futbol meydanı “Neftçi”də çalışan hər bir insanın öz ev kimidisə, meydana bilməyərəkdən, ya da ağılsızlıq edib girən də o evin qonağıdı.
Evin bir adamı öz qonağına qarşı tərbiyəsizlik edib...
Amma ən pisi ev yiyəsinin susmağıdı.
Heç olmasa, belə vaxtda susmayın!
“Bakcell Arena”dakı dünənki rəzilliyi çoxumuz gördük. Amma qaranlıq bir məqam qaldı. Hakim Katalin Tiraya qırmızı verib meydandan qovanda “Qarabağ”ın bəzi oyunçuları nəyə və niyə etiraz edirdi?
Aydın BAĞIROV
Mbappe hələ də PSJ-dən borcunu tələb edir
"Qaradağ Lökbatan" - "Mingəçevir" matçından - Video
Ronaldodan yeni müqavilə
1-ci Liqa matçında 7 qol və 1 "qırmızı" - Video
İtaliya klublarının hədəfindədir
MOİK-dən baxımlı qol və qələbə - Video
"Raysın cərimə zərbələrinin təsirli olduğunu düşünmürəm"
MOİK və "Zaqatala"dan qələbə, Lökbatanda qol vurulmadı
"Mançester Siti"dən Uolker qərarı
AFFA-nın sabahkı konfransının gündəliyində nələr var?
Millimizin qapıçısı: "Komandamız buna layiqdir"
Poqba: "Küçədə öz-özümə futbol oynayırdım"
Ayın qolunun müəllifi mükafatlandırıldı
Rafinya Messinin 13 il əvvəlki uğurunu təkrarladı
21 yaşlı futbolçu qapıçı ilə toqquşdu, vəfat etdi
