27.02.26
Bu yazıda “Neftçi”yə iradlar az olmayacaq, amma əvvəlcə bu kluba Azərbaycan futboluna Araz Abdullayev kimi bir istedad bəxş etdiyinə görə təşəkkür düşür. “Sağ olsun, “Neftçi” deyib keçək əsas mətləbə: Araz Abdullayev niyə intizam qaydalarına əməl etmir?
Niyə 22 yaşlı bu futbolçu öz oyunu ilə yox, daha çox futboldankənar davranışları ilə diqqət mərkəzinə düşür? Bir gün yol qəzası törədir, o biri gün məşqçiləri ilə mübahisə edir, bir gün məşqə gecikir və daha nələr, nələr...
Deyə bilərsiniz ki, Azərbaycanın bir çox futbolçusu kimi pul, erkən yaşdakı şan-şöhrət Arazı da havalandırıb. Müəyyən mənada haqlı ola da bilərsiniz. Amma axı hamımız fərqindəyik ki, Araz Abdullayev “Neftçi”də intizam qaydalarını təkcə dünən – “Xəzər Lənkəran”la mühüm oyunöncəsi məşqə geçikməklə pozmağa başlamayıb. Bu adam neçə ildir öz klubunda az qala istədiyi hər şeyi edib. Ona görə edib ki, üzərində “dəmir əl” görməyib. Cəzasızlıq mühitində böyüyüb. “Neftçi”də səlahiyyət sahibi olan hər kəs – klubun prezidenti Sadıq Sadıqovdan tutmuş Arazın məşqçiləri Arif Əsədov, Böyükağa Hacıyev və sonra yenə də Arif Əsədov bu futbolçuya sərt üzlərini göstərməyiblər, ya da göstəriblərsə də, bunu istənilən səviyyədə etməyiblər. Bir gün cəza veriblər, üç gün keçməmiş bağışlayıblar.
Yoldaşlar, futbolçular bu zehniyyətlə idarə olunmur. Futbolçuya qarşı münasibətdə klub rəhbəri də, məşqçi də yeri gələndə diktator kimi olmalıdır. “Neftçi”də isə nə klubun rəhbərliyi, nə də məşqçiləri Araza belə münasibət göstəriblər. Futbol belə şeyləri sevmir, bağışlamır. Futbolçuya bu cür yumşaq davranış əslində onu yüksəlişə yox, enişə, bəzən hətta faciəyə də aparır... Yadınıza salın o məlum qəzanı. Və buna görə Arazı günahlandırmağa tələsməyin. Onun etdiyi sadəcə, yazılmamış və proqnozlaşdırılmayan bir prosesin nəticəsi idi, səbəbi deyildi. Səbəbi yol qəzasında yox, cəzasızlıqda axtarmaq lazımdır.
“Neftçi” nə vaxt Araza cəza verdi? Heç vaxt!
Cəza verilməyəndə, futbolçu məşqçinin üzünə də qayıda, məşqə istədiyi vaxt da gələ bilər. Yenə də günahlandırmayın, Arazı. O vaxtında lazımi cəza görməyib, bəlkə də futbol aləmində normal mühitə də düşməyib. Bu da onun həm insani keyfiyyətlərinə, həm də oyununa təsir edib.
“Neftçi”dəki yoldaşlar isə uzun illik fasilədən sonra, nəhayət, hələ indi ayıblar ki, demə, Araz intizamsızlıq edirmiş. Sonra xəbərdarlıq da edirlər ki, futbolçunu komandadan göndərə də bilərlər.
Gec də olsa, çox gözəl. “Neftçi”nin Araza verə biləcəyi ən ciddi cəza və eyni zamanda ən böyük yaxşılığı, yəqin elə bu olar.
Artıq getməlidir. “Neftçi”nin ona uyğun bir komanda olmadığını Araz Abdullayev dərk etməlidir. Gələcəkdə Azərbaycanın çox böyük, tarixə düşəcək bir futbolçusu olmaq üçün bu qədər istedadının olduğunun fərqinə varmalıdır. Və bu istedadını öz xarakterindəki qüsurlara qurban verməmək üçün indiyədək Azərbaycan futbolunda şəxsən özünün görmədiyi, rastlaşmadığı “dəmir əl”in - Qurban Qurbanovun yanına getməlidir.
22 yaşda çox gənc futbolçu intizamsızlıqlar edib. Amma hər şeyi düzəldə bilən məşqçilər də var. Qurban Qurbanov elə məşqçilərdəndir: “dəmir intizam” onun qızıl qaydalarındandır. Araz “Qarabağ”ın və Qurban Qurbanovun oyun taktikasına uyğun futbolçudur: sürəti, texnikası, güclü zərbələri, fiziki göstəricələri...
Xarakterində qüsurlar varsa, onlar da düzələr: Qurban Qurbanov bu işin də ustasıdır.
İndi qalır yalnız “Neftçi”dən ayrılmaq və “Qarabağ”la razılaşmaq.
... Araz Abdullayev Azərbaycan futbolunun son illərdəki ən böyük istedad sahiblərindəndir. Amma o, elə yerə düşüb ki, orda onun istedadı boğulur, havası çatmır.
Deməli, dəyişməlidir, havasını dəyişməlidir, Araz. Təzə ab-havaya düşməlidir. Onda o, mütləq xilas olacaq: futbolda təzədən doğulacaq, böyüyəcək və bəlkə də özü nə zamansa xilaskara çevriləcək.
Aydın BAĞIROV
"Liverpul" onun üçün 80 milyon avro ödəməyə hazırdır
Alleqri "Real"ı çalışdıracaq?
Undav "Ştutqart"ın rekordunu təkrarladı
"Ən azı 1 xal qazanmağı hədəfləmişdik" - Siyasət Əsgərov
Küveytdən dönə bilmirdilər - Qayıtdılar
Kazemiro hansı kluba getməyi hədəfləyir?
"Roma"dan "Barselona"ya keçə bilər
"Real"ın müdafiəçisi sıradan çıxdı
"Liverpul" onun müqaviləsini yenilədi
İstanbul derbisinin heyətləri açıqlandı
Zədəli Ronaldodan xəbər var - Şəkil
Azərbaycan millisi Macarıstana məğlub oldu
Arda Güler matçın ən pis oyunçusu seçildi
"Arsenal" kubok oynunda qələbə qazandı
Noyer sıradan çıxdı
“Şəfa”nın yeni prezidenti açıqlandı
"Qış fasiləsindəki bəzi tələblərim reallaşmadı" - Saşa İliç
"Karvan-Yevlax"ın son dəqiqə qolu - Video
AFFA nümayəndələri UEFA-nın baş qərargahında
“Karvan-Yevlax” “Sumqayıt”la heç-heçəyə razılaşdı
"Arsenal" gənc oyunçulara şans verən ilk klub oldu
Flikdən Levandovski açıqlaması
“Mançester Siti”yə qarşı dominant olmalıyıq”
“Arsenal”dan ulduzları ilə bağlı qərar
"Karvan-Yevlax" - "Sumqayıt": Heyətlər
“Milan”dan Alleqri ilə bağlı addım
“Real”a azarkeş qalmaqalı ilə bağlı cəza verildi
Enrike: “Özünəinam supermarketdən alına bilən şey deyil”
Levandovski gələcəyindən danışdı
A seriyasının ən yaxşısı odur
Klub sahibi Messinin illik qazancını açıqladı
Azərbaycan millisi Macarıstana qarşı
Arda Güler Avropada 2-ci yerə yüksəldi
“Napoli” “Torino”nu məğlub etdi
“Liverpul” ilk 1/4 finalçı oldu
“Real” sonda sevindi
PSJ öz meydanında uduzdu
“Bavariya”dan böyük hesablı qələbə
MOİK-in qələbəsi - Video
Azərbaycan cüdoçusu "Qran-pri"nin qalibi oldu
DÇ-2026-ya vəsiqə qazanmasalar, istefa verəcək
Azərbaycan millisi Macarıstanda məşqə çıxdı - Şəkillər
