05.10.26
Dünya çempionatı başlayandan bizdə yeni ağıl dəryaları ortaya çıxıb. Məsələn, birisi yatıb yuxuda nə görübsə, mundial başlayandan danışır ki, Azərbaycan futbolu dura-dura dünya çempionatı xəbərıni saytda baş yazı kimi vermək ayıbdır. Və bu başın da yiyəsi baş redaktordur...
İşin ən gülməli tərəfi odur ki, Azərbaycanın olmayan futbolunun aşiqləri təkcə belə kütbeyinlərlə bitmir. Futbolumuza manyakcasına bağlanan başqa bir qrup da var: ABŞ millisinə azarkeşlik edirlər ki... orada Azərbaycan millisinin baş məşqçisi Berti Foqts məsləhətçi kimi çalışır. Və ABŞ Qanaya 2:1 hesabı ilə qalib gəldiyi üçün Foqtsa görə bir-birini təbrik edənlərə də rast gəlinir.
Türkiyəli qardaşlarımız demiş, kolay gəlsin.
Foqts bir kənara, biz millimizin özünü də nə vaxtsa dünya çempionatının final mərhələsində görəcəyik: əsrdə bir dəfə, yuxuda da olsa görəcəyik.
İndi isə gələk əsl komandalara, əsl futbolçulara və əsl futbola. Demə, Almaniya ilə oyunda Portuqaliyanın mundial tarixlərində ən acınacaqlı hesabla (0:4) uduzmasının səbəbkarı Kriştiano Ronaldo imiş. Bəli, dünən Ronaldo özünə bənzəmirdi, az qala bütün matçlarda komandasını irəli aparan lider Ronaldo yox idi. Və ona görə də bu gün ciddi müzakirə olunur. Düzdür, Ronaldo mələk deyil, tənqid olunmalıdır.
Amma o, fitə basılacaq qədər alçaq və şərəfsiz bir iş görməyib. Əksinə Eysebio, Rui Koşta, Luiş Fiqu kimi əfsanələrdən sonra Portuqaliya futbolunun nüfuzunu təkbaşına qorumağı bacarıb, günü bu gün də Portuqaliyanı dünya futbolunda layiqincə təmsil edir.
Və bu gün əgər Portuqaliya mundialda oynayırsa, yerli azarkeşlər Ronaldonu yeri gəlsə, lap çiyinlərinin üzərində gəzdirməlidir.
Çünki bu komanda DÇ-2014-ə Pepe kimi özündənrazı, dikbaş, komandasını ən mühim anda ağır vəziyyətdə qoyan oyunçuya görə getməyib.
Bu komandaya mundiala vəsiqəni Pepe kimilərinin qulağını burmaq yerinə ona təsəlli verən Paulu Bentu da qazandırmayıb.
Portuqaliyanı Braziliyaya Ronaldo gətirib! Cəmi yeddi ay əvvəl Portuqaliya həmin Ronaldonun liderliyi və başqasının yox, məhz onun vurduğu qollar sayəsində pley-off-da İsveçi mübarizədən kənarlaşdırıb mundialda oynamaq hüququ əldə edib.
Hərçənd, bir futbolçunun bu cür fədakarlığının üstündən bir göz qırpımında xətt çəkildiyi dövrdə yaşayırıq biz.
Bəli, Ronaldo almanlara qarşı istədiyi kimi oynaya bilmədi. Çünki onu oynamağa qoymadılar. Gəlin, Almaniyaya, baş məşqçi Yoahim Lövə haqsızlıq etməyək. Ronaldonu zərərsizləşdirməklə Portuqaliyanın bütün oyun sistemini pozdu, əl-qolunu açmağa imkan vermədi. Amma axı, Portuqaliyada Ronaldodan başqa meydanda Pepe qovulana qədər daha on futbolçu var idi. Onlar meydanda nə edirdilər?
Bentu oyunu xilas edə bilərdi, axı...
Əgər böyük məşqçi olsaydı. Əgər Pepe kimilərinin ipini vaxtında alsaydı. Əgər zamanında komandasında lazımi dəmir intizamı yarada bilsəydi. Və nəhayət, millidə işlədiyi bu neçə ildə əsl komanda yaratsaydı... O zaman əmin olun, hesab 0:4 olmayacaqdı, ən azı başqa bir oyunu görəcəkdik və bəlkə də indi Portuqaliyanın qələbəsindən danışacaqdıq.
O zaman Ronaldo fitə də basılmayacaqdı.
Amma Ronaldonu – Portuqaliyanın milli qəhrəmanı səviyyəsində olan Ronaldonu fitə basır portuqaliyalılar. Əllərindən öpməli olduqları futbolçuya qarşı belə həqarət edirlər.
Bentu isə “məğlubiyyətimizdə Ronaldodan daha çox hakim günahkardır” deməklə uğursuzluğa görə məsuliyyəti həm də kapitanlarının üzərinə atır. Bentu kobudluq edib haqlı olaraq qırmızı vərəqə alan Pepeni də müdafiə edir: “Meydandan qovulmamalıydı”. Az qala “məğlubiyyətdə mənim təqsirim yoxdur” - deyir.
Və bütün bunlardan sonra portuqaliyalılar yenə də Ronaldonu söyür.
Aydın BAĞIROV
Vlahoviçin milliyə qoşulmamasının səbəbi bilindi
“Çelsi” əməkdaşlara xəbərdarlıq etdi
“Everton” Qrilişə yenidən şans verməyə hazırdır
A Seriyası klubu yenə baş məşqçisini göndərdi
İlin rəmzi komandası açıqlandı - Keyn siyahıda yoxdur
“Bodo-Qlimt”in oyununda bədbəxt hadisə - Tribuna çökdü
"Araz-Naxçıvan"ın futbolçusu əməliyyat olundu
Braziliyalı qapıçı “Liverpul”dan ayrılmaq istəmir
Niderlandda azarkeşlərə görə oyun təxirə salındı
Azərbaycan millisinin heyətində dəyişiklik edildi
“Qaradağ Lökbatan” və “Hypers”dən böyükhesablı qələbə
Yığmanın toplanışını buraxacaq
“Sabah”ın özbək futbolçusu evləndi
Millimizin üzvü 90 dəqiqə oynadı
Mourinyo La Liqanın ən yaxşısıdır
Yamal İspaniya millisindən kənarda qalacaq
Baş məşqçi vəzifəsinə əsas namizəd Rauldur
Premyer Liqada tarixi rekorda imza atdı
Yağışa görə Azərbaycanda bu oyun təxirə salındı
Azərbaycan millisi Olimpiya çempionu oldu
“Qalatasaray”ın əfsanəsi vəfat etdi
"Ümid edirəm ki, çempion olarıq" - "Neftçi"nin futbolçusu
“Barselona”dan La Liqa yeni uğur
Kasilyas oğullarını “Real”ın akademiyasından çıxardı
“Mahir qol vurmasa da, qələbədə çox vacib rol oynadı”
200-cü heç-heçə
Kerrikdən istefa suallarına cavab
"Barselona"nın geridönüşü - Video
Azərbaycanlı futbolçu Kiprdə növbəti matçına çıxdı
"Fənərbaxça" 5, "Beşiktaş" 3 qolla qalib gəldi
Mahir qol ötürməsi etdi, komandası qələbə qazandı
“Mançester Yunayted” 8 qollu matçda qalib gələ bilmədi
Nəriman Axundzadə yenə ehtiyatda qaldı
Azərbaycan yığması Latviyaya məğlub oldu
“Mançester Siti”dən növbəti antirekord
"Sabah" və "Şamaxı"nın 4 qollu heç-heçəsindən - Video
"Bu nəticə bizim üçün qəbuledilməzdir” - Dambrauskas
“Çempionatın ən gənc komandasıyıq” - Azər Bağırov
"İmişli" - "Sumqayıt" matçından - Video
"Sabah" "Şamaxı" ilə, "İmişli" "Sumqayıt"la heç-heçə etdi
“Araz-Naxçıvan”da 200-cü oyun
“Heç-heçə ədalətli nəticə oldu” - Ervins Perkons
