29.08.25
Bizim futbol məmurlarında belə bir vərdiş yaranıb. Elə fikirləşirlər ki, komandalarının oyunlarını düzəltmək də bunların yox, azarkeşin borcudur. Əsasını bizim qara camaatın təşkil etdiyi azarkeş ordusundan ən çox narazılıq edənlərdən biri AFFA prezidenti Rövnəq Abdullayevdir. Son mətbuat konfransında o, yenə giley-güzar edib: “Televizorun qarşısında oturmaqla milliyə azarkeşlik etmək olmaz”.
Rövnəq bəy haqlıdır, əsl azarkeş televizorun qarşısında oyun izləməməlidir. Məsələn, çox uzağa getməyək, bir milli komanda son seçmə mərhələdə Lüksemburqa iki oyunda da qalib gələ bilmirsə, o komandanın azarkeşi əlbəttə, canı çıxıb nəinki növbəti oyuna da gəlməli, AFFA prezidentinin nə vaxtsa söylədiyi kimi, bu komandanı hətta alqışlamalıdır da. Hələ aeroporta gedib xaricdə öz qapılarından dörd-beş top buraxıb vətənə qayıdan futbolçularımızın ayaqları altına xalça da sərmək olar. Bunu eləməsən, Rövnəq Abdullayev növbəti dəfə deyəcək: “O azarkeşlərdə vətənpərvərlik hissi yoxdur”.
Əlbəttə, insan vətənpərvərlik hissini “itirəndə” hər şeyi görməzdən gəlir. O zaman isə yenə AFFA prezidenti sevinərək xatırlatma edir ki, bəs, demə, bizim milli keçən il rekord nəticə göstərib: on oyuna doqquz xal yığaraq qrupda... dördüncü yeri tutub. Əla! Gözəl! Dünyada yəqin bizdən başqa hələ heç bir komanda bu qədər gülməli və şikəst inkişafa nail olmayıb: iyirmi il ərzində cəmi bir pillə irəli, bircə pillə.
Bəli, təkcə elə bu fövqəladə fakta görə, stadionlarımız ağzına qədər dolmalıdır. İstər millinin oyunları, istərsə də Premyer Liqamızın matçları zamanı. Gəlməsən, deməli, sən əsl azarkeş deyilsən.
Birdə ki bizdə stadiona ancaq əsl azarkeş, yəni qara camaat getməlidir. Ağ adamlar isə oyunlara televizorda baxmalıdır. Yoxsa, niyə futbol məmurumuz olan Rövnəq Abdullayevin 8-9 ay ərzində yalnız bir dəfə yadına düşməlidir ki, demə, bu ölkədə onun rəhbərlik etdiyi futbol qurumları da yarış keçirir?
AFFA prezidenti stadiona getməməlidir, çünki dövlət işləri çoxdur, amma onun əvəzinə qara camaat gedib stadionları doldurmalıdır. Getməsə, əsl azarkeş olmayacaq, vətənpərvərliyindən də əsər-əlamət qalmayacaq.
Rövnəq Abdullayev isə ildə bir dəfə kubokun final oyununda mükafatı qalib komandaya təqdim etmək üçün stadiona ayaq basa bilər.
Sonra o, yenə giley edər: “İngiltərə və Almaniyada olduğu kimi bizim stadionlar da dolmalıdır”.
Nəhəng İngiltərədə, Almaniyada millinin oyunları zamanı stadionlar ona görə dolur ki, oraların Rövnəq Abdullayevləri Rövnəq Abdullayev deyil.
Bizdə isə stadionlar həm də ona görə dolmur ki, bizim AFFA-nın prezidenti Rövnəq Abdullayevdir. Azərbaycanda futbolu bax bu cür düşüncə ilə idarə edirlər: özünü İngiltərə, Almaniya ilə müqayisə edə-edə... Türkiyə türkləri, deyəsən, belə yerdə deyiblər: sözün bitdiyi yer!
Aydın BAĞIROV
"Əzmkar qələbə qazandıq" - Elmar Baxşıyev
"Araz-Naxçıvan" "Qəbələ"yə belə qalib gəldi - Video
"Araz-Naxçıvan" "Qəbələ"yə qalib gəldi, "Zirə"dən darmadağın
"Zirə"dən "Kəpəz"ə 5 qol - Video
"Komandanı toparlamağa çalışacağıq" - Adil Şükürov
"Araz-Naxçıvan" - "Qəbələ": Heyətlər
"Napoli" "Mançester Yunayted"lə razılığa gəldi
Flik püşkü dəyərləndirdi
Millimiz Sloveniyada turnirə qatılacaq
"Zirə" - "Kəpəz": Heyətlər
"Neftçi" bu futbolçusunu icarəyə verdi
"Barselona"dan Qavi açıqlaması
“Qarabağ”ın oyunlarının təqvimi - Çempionlar Liqası
Mourinyo Türkiyədən belə ayrıldı - Şəkillər
“Qarabağ”ın bütün vərəqələri ləğv olundu
"Milan" transferi açıqladı
Sergen Yalçın yenidən "Beşiktaş"da - Rəsmi
"Araz-Naxçıvan" Çempionlar Liqasında növbəti oyununa çıxır
"Yalnız çempionluğu düşünürük" - Ehtiram Quliyev
İspaniya millisinə kimlər dəvət alıb?
40 yaşlı Ronaldo Portuqaliya millisinə çağırıldı
“Milan” mövsümdə ilk qələbəsini qazandı
Superliqada 4-cü tur start götürdü
"Neftçi" 10 nəfərlə qaldı, "Turan Tovuz" qalib gəldi - Video
“Neftçi” "Turan Tovuz"a uduzdu, Sumqayıtda heç-heçə
"Zamanla bunlar düzələcək" - Saşa İliç
Ayxan Abbasov: "Hər iki komanda 1 xala layiq idi"
Yenidən "Kəpəz"ə transfer oldu - Rəsmi
Sumqayıtda vurulan qollar - Video
Arteta onun sıradan çıxdığını açıqladı
"Neftçi" - "Turan Tovuz": Heyətlər
