29.08.26
Son “Xəzər Lənkəran” – “Neftçi” oyununda baş verənlər gündəmi o qədər dəyişdi ki, həmin qarşılaşmada milli komandaya cavabdeh olan adamların başını yerin dibinə soxacaq bir vacib hadisə diqqətdən kənarda qaldı.
Məsələ belədir. Həmin görüşü izləmək üçün millinin baş məşqçisi Berti Foqts Bakıdan Lənkərana gedib və matçın bitməsinə... 15 dəqiqə qalmış stadionu tərk edib. Təsəvvür edin, hələ oyun bitməyib, meydanda gərgin mübarizə gedir, alman qoca isə ya üşüdüyündən, ya acdığından, ya iynəsinin vaxtı çatdığından, ya da bəlkə də oyuna baxmağa daha həvəsi qalmadığından (“Neftçi” həmin ana qədər 2:0 öndə olub) durub arenanı tərk edib. O gedəndən sonra isə “Xəzər Lənkəran” iki qol vurub, sonra aləm bir-birinə dəyib, Foqtsun milliyə çağırdığı və ya çağırmaq istədiyi futbolçular hər hoqqadan çıxıb. Foqts isə həmin vaxt onun üçün ayrılmış lüks maşında olub, yaxud da Lənkərandakı hansısa restoranda.
Media AFFA və PFL rəhbərliyinə bu oyuna getmədiyi üçün haqlı olaraq irad bildirir. Bu, işin başqa tərəfidir. Amma düz altı ildir, Foqtsun qoruyucu-mələyi rolunda çıxış edib onu millidə saxlayan AFFA-nın prezidenti, vitse-prezidentləri və baş katibi izahat versin görək, ölkənin əsas komandasına birbaşa cavabdeh olan adam hansı məntiq və hüquqla Azərbaycanın bir nömrəli derbisini axıra qədər izləmir. Foqtsa bu hüququ kim və niyə verib?
Bu adam onsuz da bihörmət olan Azərbaycan futbolunu saymır, bu öz yerində. Amma insanın özündə vicdan da olmalıdır, axı. Azərbaycan dövlətinin AFFA-ya ayırdığı puldan ayda ən azı 150-200 min avro qazanır, lakin cəmi bir matçı sonadək izləməyi şəninə sığışdırmır. Doğrudan da, ayıbdır. Hərçənd ondan da ayıb olan AFFA rəhbərliyinin Foqtsun özbaşınalıqlarına göz yummasıdır.
Bir deyil, iki deyil. Üst-üstə yığsan, alman məşqçinin ayağında onlarla belə fakt var. Vətəni Almaniyanın millisində işləsəydi, bu cür qeyri-peşəkar addım atardı? Ona bu hoqqanı çıxarmağa imkan verərdilər?
Məlumdur, Rövnəq Abdullayevin başı neft məsələlərinə qarışıb, bəs, baş katib Elxan Məmmədov nə işlə məşğuldur? Azərbaycan millisinə dünya futbolunda izi-tozu olmayan Filippini rəqib seçməyə, onlarla oyunun hansı məkanda keçirilməsini müəyyənləşdirməyə? Nə böyük və çətin iş imiş!
Barı ayıbınıza kor olun. Bizim milli martın əvvəlində dünya reytinqində 127-ci yerdə olan komandayla yoxlama oyunu keçirəcək, lağa qoyduqları Ermənistan isə “DÇ-2014”ün iştirakçısı, həmin reytinqdə Filippindən düz 125 pillə yuxarıda olan Rusiya ilə.
Yaxşı rəqibi seçmək üçün futbolda özün də seçilməli, hörmət, söz sahibi olmalısan. UEFA turnirlərində bir-iki oyuna komissar kimi getməklə deyil ki. Dünya və Avropa futbolu bu federasiyanı, bu milli komandanı saymayandan sonra əlbəttə, yoldaşlıq oyunlarında Rusiya kimi nəhəng komandalar səni heç yüz addımlığına da buraxmayacaq. Onda məcbur olub, ya nəhəng İspaniyanı xahiş-minnətlə iki milyon avroya Bakıya gətirəcəksən, ya da Filippin, Mozambik və Hindistan kimi futbolu sənin səviyyəndən də aşağıda olan ölkələrə minnətçi düşəcəksən.
Azərbaycan millisi Foqtsun 15 dəqiqəlik ayıblarına görə Filippinlə hələ o qədər qarşılaşacaq ki. Çünki AFFA Foqtsun bu və digər saymazyana əməllərinə bilərəkdən göz yummağa davam etdiyi vaxta qədər Azərbaycan millisi düşdüyü bataqlıqda qalacaq.
Ölkə futbolu dəyib bir-birinə, millinin oyunçusu azarkeşə barmaq göstərir, amma Foqts “böyük oyun”la bağlı AFFA-nın saytında cəmi altı cümləlik bu “bezdarnı” fikirləri dərc etdirir. Oxuyun, görün, burda Amerika kəşf olunubmu?
"Ümumilikdə oyun yaxşı səviyyədə keçdi. Heç-heçə "Xəzər Lənkəran" üçün uğurlu nəticə oldu. "Neftçi" oyunda üstün tərəf idi. Bununla belə, "Xəzər Lənkəran"ın da futbolçularının mübarizliyini qeyd etmək lazımdır. Onlar sona qədər təslim olmadılar və son dəqiqələrdə hesabı bərabərləşdirdilər. Futbolda heç zaman məğlubiyyətlə barışmaq olmaz".
Bəs, hanı Foqtsun millidəki futbolçusunun tərbiyəsizliyi ilə bağlı mövqeyi? Hanı onun “Neftçi”yə, “Xəzər Lənkəran”a iradı?
Deyəsən, bunların gücləri bir futbolçuya tüpürən, arxası-dayağı olmayan Elnur Allahverdiyevə, Elxan Məmmədovu tənqid edən (təhqir yox, məhz tənqid) Vaqif Cavadova çatırmış. Yadınızdadırsa, onlar bu hərəkətləri səbəbindən bir vaxtlar millidən uzaqlaşdırılmışdı. Berti Foqts, Elxan Məmmədov, bəs o boyda kütləni – yüzminlərlə “Xəzər Lənkəran” azarkeşini təhqir edən oyunçunun millidəki cəzası nə olacaq?
15 dəqiqə az müddətdir, düzdü. Amma axı, bataqlıqda nəinki hər dəqiqə, hər saniyə belə səni daha dərinliyə aparır...
Və orda daha işıq ucu da görünmür. Boğulursan, təngnəfəs olursan, axırda da olürsən.
Aydın BAĞIROV
Rəşad Eyyubov limitlə bağlı: “Kim yaxşıdırsa, oynamalıdır”
Türkiyə - Fransa: Heyətlər
Bekhemin DÇ-2026-dan qazancı açıqlandı
Almaniya millisinin oyunlarını buraxacaq
Yenidən Azərbaycan Premyer Liqasına qayıtdı
Azərbaycanın U-21 millisi Çexiyadan xal aldı
"Zirə" Çempionlar Liqasının 1/4 finalında
Azərbaycan Qran-Prisində sıralama turu keçirildi
Millidə zədələndi, klubuna qayıdır
Ardıcıl 2-ci dəfə İngiltərənin ən yaxşı futbolçusu seçildi
Azərbaycan klubu baş məşqçini istefaya göndərdi - Rəsmi
4 böyük liqadan FİFA-ya islahat çağırışı
Türkiyə - Fransa oyunu hansı kanallarda?
"Zirə"dən ayrılan futbolçu "Şəfa"da - Rəsmi
Van Dayk "biabırçılıqdır" dedi, Klopp cavab verdi
“Sabah”ın hücumçusu Almaniya millisindən dəvət gözləyir
Litva- Azərbaycan matçının hakimləri açıqlandı
Burak Yılmazın yeni klubu müəyyənləşdi
Maksimov “Araz-Naxçıvan”da ilk məşqinə çıxdı - Şəkil
Runi yəhudi köklərinin olduğunu açıqladı
Braziliya millisində yeni 10 nömrə
Amsterdamda son dəqiqə qolu - Video
Azərbaycan Qran-Prisində 2-ci gün
Dünyanın ən bahalı 10 milli komandası hansılardır?
Almaniya Niderlandla heç-heçə etdi - Millətlər Liqası
Klopp və Xavi 2 il sonra...
Argentina millisinin kapitanı seçildi
"Zirə"nin futbolçusu əməliyyat olundu
Malta Millətlər Liqasına qələbə ilə başladı
Azərbaycan boksçusu Avropa çempionu oldu
Qapıçıya sərt cəza - 20 illik futboldan uzaqlaşdırıldı
İrlandiya - İsrail matçı öncəsi gərginlik
Benzemanın “Nike”la əməkdaşlığı başlamadan bitdi
“Benfika” onları şikayət etdi
Özbəkistan millisi İrana qalib gəldi
Kişi klubunu çalışdıran ilk qadın məşqçi ilə yollar ayrıldı
Ürək problemi yaşayan futbolçu fərdi məşqlərə başladı
Azərbaycan Qran-Prisində sərbəst yürüşlər keçirildi
2-ci liqada 6 oyunun hakimləri bilindi
Xavi “Qızıl top” üçün əsas namizədini açıqladı
Vüsal İsgəndərli: “Bu yükün altından çıxmalıyıq”
Alabanın yeni klubu rəsmiləşdi
