27.02.26
Kərim Ansarifard hazırda İran milli komandasında oynayan, gərək ki, yeganə Azərbaycan türküdü. 2011-ci ildə ölkəsində ilin ən yaxşı idmançısı seçilən bu oyunçu müasir İran futbolunun parlaq nümayəndələrindən sayılır. Bugünlərdə DÇ-2018-də qrupun hər üç oyununda iştirak edib və hətta Ronaldonun Portuqaliyası ilə matçda penaltidən olsa belə, qol da vurub.
Bu qısa statistik faktı yekunlaşdırıb, gələk Kərimin dünən sosial şəbəkələrdə yayılan və rezonans doğuran videosuna. Videoda Kərim Azərbaycana, öz etnik kimliyinə bağlılığını və sadiqliyini bu şirin şivəsi ilə dediyi sözlərlə təsdiqləyir: “Mənə iftixardır ki, ərdəbilliyəm, azəriyəm, türkəm. Hər yerdə də demişəm ki, mən Ərdəbil uşağıyam”.
Məlum, Ərdəbil Cənubi Azərbaycanın şəhərlərindən biridi. Və bu şəhərin insanları, cənubdakı digər soydaşlarımız kimi, İranın siyasi rejimindən çəkdikləri zülmə baxmayaraq, daim Azərbaycan sevgilərini heç nədən çəkinməyərək bildirirlər. Xüsusilə bunları Təbrizdə futbol oyunları zamanı görmək olur. Demək olar, "Traktorsazi" komandasının bütün ev qarşılaşmalarında bəzən sayı 60-70 minə çatan Azərbaycan türkü bir ağızdan "Azərbaycan", "Qarabağ" şüarı səsləndirir.
O 60-70 min insanın arasında isə neçə-neçə Kərim var. Və əlbəttə, Əlilər də. Əli... Əli Daie. Kərimdən daha əvvəl İran milli komandasında oynamış, bu komandanın tarixində indiyədək heç kimin bacarmadığını edən – düz 109 qol vuran, bir zamanlar hətta məşhur “Bavariya”da da oynayan Əli Daei. Bəzi iranyönlü mənbələr onu fars kimi qələmə versə də, əslində o da Ərdəbildə doğulan təmiz Azərbaycan türküdü. İranda yetərincə məşhur olan bu soydaşımız da zamanında türk olmasıyla fəxr etdiyini dəfələrlə bəyan edib.
Hə, onlar Azərbaycana bu qədər bağlıdılar. Bəs, bizim – Şimalda yaşayan azərbaycanlıların Cənubdakı soydaşlarımıza münasibəti necədi? Nə qədər təəssüf və təəccüb doğursa da, bəzi insanlarımızın timsalında laqeyd və soyuq! Ürəyində vətən nisgilli, pak və təmənnasız Azərbaycan sevgisi olan bu adamlar Bakıya ayaq basanda, həsrətində olduğu şəhərin küçələrini gəzəndə onlara ərəb turistlərə laqeyd yanaşma kimi münasibət bir tərəfə qalsın, hələ də iranlı kimi xitab edib qəlblərini qıranlar az deyil. Dəfələrlə buna etiraz edib "biz fars yox, azərbaycanlıyıq, türkük" demələrinə yəqin çoxumuz rast gəlmişik.
Amma görünən budu ki, bu haqlı iradlar, incik sözlər bizim çox az insanımıza təsir edir. Doğma vətənlərində onlara fars, gəlmə deyilir. Onlarsa başlarının üzərindəki qala buluda baxmayaraq hər gün “Azərbaycan” deyir...
Aydın BAĞIROV
[email protected]
İqor Tudora qarşı rəsmi ittiham irəli sürüldü
Flik Qavinin milliyə çağrılmasına qəzəbləndi
Azərbaycan millisinin heyəti açıqlandı
"Futbolu unutmaqlarını istəyirəm" - Valdas Dambrauskas
"Sabah"ın qələbəsindən - Video
"Sabah" bizdən daha güclüdür" - Saşa İliç
Mərakeş qələbə qərarından sonra bəyanat yaydı
"Sabah" "Sumqayıt"a, "Zirə" "Karvan-Yevlax"a qalib gəldi
ÇL-də həftənin komandasında kimlər var?
"Neftçi" "İmişli" ilə matça itki ilə çıxacaq
Salah "Liverpul"un ÇL rekordçusu oldu
“Neftçi” İK vahid lider oldu
Rəşad Sadıqov klub rəhbərlərinə irad tutdu - Video
Çempionlar Liqasında həftənin oyunçusu bəlli oldu
Braziliya klubunda yeni baş məşqçi
"Sabah" - "Sumqayıt": Heyətlər
"Qarşıdakı təqvim qorxulu yuxuya bənzəyir" - Rəşad Sadıqov
1-ci liqada 19-cu tura yekun vuruldu
Anatoli Nuriyevdən gözəl qələbə qolu - Video
“DH Volley” komandası pley-off mərhələsinə vəsiqə qazandı
"ABŞ-ı boykot edəcəyik, dünya çempionatını yox"
“Real”da ciddi itki
Çempionlar Liqasını qazanmaq üçün əsas favorit açıqlandı
2-ci liqada oyunların saatı açıqlandı
"Karvan-Yevlax" - "Zirə": Heyətlər açıqlandı
Levandovski İnzaqinin ÇL rekordunu qırdı
Bakıda beynəlxalq təlim-məşq toplanışı
Neymarın baş məşqçisi istefaya göndərildi
"Qalatasaray" UEFA-dan təzminat tələb edəcək - Video
Avrokubokların oyunlarını yayımlayacaq kanallar
ÇL-də həftənin ən yaxşısı adına namizədlər
