18.09.25
Frits Valter adlı futbolçu tanıyırsınız? Bəlkə bu sualdan sonra çoxunuz fikrə gedəcək, internetə girib axtarış da verəcəksiniz və o zaman qarşınıza təxminən belə bir məlumat çıxacaq ki, Frits 1954-cü ildə Almaniya millisinin kapitanı olub, elə həmin il də dünya çempionu adını qazanıb. Böyük Vətən Müharibəsi zamanı əsir düşərgələrində də yatmış Frits tarixə həmyerliləri Herd Müller, Frans Bekkenbaur kimi böyük və çox tanınmış futbolçu kimi düşməsə də, vətəni Almaniya üçün bir dəyərdi. Bunu təsdiq edən ən yekə fakt odur ki, doğulduğu Kayzerslautern şəhərindəki təxminən 50 minlik stadiona məhz onun adını veriblər. İlk baxışda sadə azərbaycanlı azarkeş üçün heç bir maraq kəsb etməyən bu faktın üzərində niyə xüsusi dayanıram?
İş elə gətirdi ki, Azərbaycan milli komandasıyla birgə o stadionda olmaq mənə də qismət oldu. 2017-nin oktyabrın 8-i idi. Millimiz Almaniya millisi ilə məhz bu stadionda qarşılaşdı və 1:3 hesabıyla uduzdu. Həmin arenaya getməzdən əvvəl Almaniyaya xarici ölkədən gələn bir jurnalist və bir qonaq kimi mənim ilk işlərimdən biri gedəcəyim stadionun adını daşıyan şəxsin kimliyini öyrənmək oldu. Təbii, o vaxtdan o stadion da və onun adının sahibi də yaddaşımın bir küncündə ilişib qalıb. Şübhəsiz ki, xarici ölkəyə təkcə gəzməyə deyil, həm də futbol izləməyə, onun futbol mədəniyyəti ilə tanış olmağa gedən yüzminlərlə, milyonlarla futbol həvəskarı da belə edir və etməlidi.
Almaniyada futbol şəxsiyyətlərinin adını daşıyan stadion təkcə Kayzerslauternlə məhdudlaşmır, digər şəhərlərdə də var, çoxdu. Eləcə də qardaş Türkiyədə, qonşu Rusiyada, o biri qonşumuz Gürcüstanda və digər ölkələrdə də. Amma yəqin bir tək bizim Azərbaycanda, paytaxt Bakıda neçə-neçə yaxşı stadion olduğu halda, yalnız birinin – Tofiq Bəhramovun adına stadion var. Bu ad verilib, yaxın-uzaq 90-cı illərin əvvəllərində. Böyük hakimimizin ruhunu minnətdarlıqla anarıq bir məsələnin üzərinə gəlmək istəyirəm. Məgər bizim futbol tariximiz tək Tofiq Bəhramovdan ibarətdi? Axı əcnəbiyə təqdim etmək üçün başqa bir həmişəyaşar brendimiz var - Anatoli Banişevski!
Nakam ömrünün sonuna qədər doğulduğu Bakıya, heç vaxt tərk etmədiyi “Neftçi”yə sədaqətlə bağlı olan bir futbol şəxsiyyəti. Amma bu boyda şəhərdə onun adını tabeçiliyindəki stadionlarından heç birinə vermək istəmir AFFA rəhbərliyi. Rövnəq Abdullayevdən də soruşanda, klassik tacirlər kimi açıq şəkildə deyir ki, stadionların adı satılıqdı, kim istəyirsə pul verib, lap atasının adını qoysun. Bizim baş futbol qurumumuzun, futbol idarəçilərimizin Banişevskiyə, onun əziz xatirəsinə qoyduğu qiymət, bax budu. Yəni əsl bazar söhbəti…
Yaxşı, AFFA-nın mövqeyi məlum, bəs Gənclər və İdman Nazirliyi? Bəlkə ordan kimsə buna təşəbbüs göstərə, dövlətin idman siyasətinə birbaşa cavabdeh olan bu qurum futbol ictimaiyyətinin çoxdandı müzakirə etdiyi, uzun illərdi arzusunda olduğu bu məsələyə diqqət və dəstək göstərə?
Bu məsələyə çox toxunmuşuq və gələcəkdə təkrar-təkrar yenə toxunacağıq. Bu gün də ona görə həmin mövzudan yazırıq ki, Banişevskinin 72 yaşı tamam olur. Amma AFFA-ya elə gəlir ki, aparıb futbol tariximizin böyük simasının qəbri üstə 3-4 qərənfil qoymaq onun ruhunu şad etmək, mənəvi borcdan çıxmaqdı.
Gül qoymaqla isə borc silinmir. Borc bəlkə o vaxt təmiz silinəcək ki, Bakıdakı stadionlardan birinə Banişevskinin adı veriləcək, xatirəsinə ehtiram olaraq o güllər təkcə qəbri üstə deyil, arenada ucaldılacaq heykəli və ya büstü önünə qoyulacaq. Onda həmin stadion da olacaq bizim futbolun məbədi! Və həmin stadiona gələn hər bir xariciyə fəxrlə bizim Banişevskimiz kimi böyük futbolçumuz da olub deyəcəyik. AFFA insafa gəlsə, heç olmasa, Banişevskiyə münasibətdə pulu düşünməsə, bunlar da olacaq. Mütləq olacaq.
Aydın BAĞIROV
[email protected]
MOİK - "Cəbrayıl" matçında 5 qol - Video
Azərbaycan millisində isveçrəli baş məşqçi
Cordan Pikfordla yeni müqavilə imzalandı
Fatih Terim bu millini çalışdıra bilər
"Mingəçevir" 3 xalı 3 qolla qazandı - Video
İtaliya kubokunun qalibi qapıçısı ilə müqaviləni uzatd;
"Şahdağ Qusar"dan səfər qələbəsi - Video
Azərbaycan güləşçiləri dünya çempionatında iştirak edəcəklər
1-ci liqanın 3 oyununda 12 qol
2-ci Liqada 6-cı turun təyinatları açıqlandı
“Bavariya”nın müdafiəçisi Madrid nəhənginə keçir?
“Barselona”dan Messi ilə bağlı nostalji paylaşım
"Real" qapıçı axtarışında
Beyl: "Müflis olmaqdan qorxuram"
Harri Keyn “Tottenhem”ə qayıtma ehtimalını şərh etdi
Klyuvert İndoneziya millisindən getdi
Cavadov Niderland klubunun düşərgəsində
Rafinya “El-Klasiko”nu buraxa bilər
AFFA rəsmisi UEFA-dan təyinat aldı
“İnter”də zədə problemi - Darmian iki matçı buraxacaq
Ən az qol vurduğumuza görə 48-ci yerdəyik
Levandovskiyə müqavilə təklif etməyə hazırlaşırlar
Şahruddin DÇ-2026-da ən çox qurtarış edənlər arasında
“Golden Boy” mükafatının 25 finalçısı - Siyahıda kimlər var?
“Mundiala vəsiqə qazanmasaq, ölkəni tərk edəcəm”
"Sabah" Çempionlar Liqasında ikinci oyununda da uduzdu
Çexiya millisində baş məşqçi istefası
Bu dəfə onu “Real” istəyir
“Səbail” “Zaqatala”ya minimal hesabla qalib gəldi - Video
Kapitan “Bayer”lə oyunda PSJ-yə kömək edə bilməyəcək
Vinisius “Real”dan rekord məbləğdə maaş tələb edir
“Borussiya”nın müdafiəçisi “Liverpul”un transfer hədəfində
“Səbail” 3 xalı 1 qolla qazandı
AFFA Region Liqasında mövsümün püşkü atıldı
“Yuventus”un yeni hədəfi - Milan Şkrinyar
Premyer Liqada 12-ci turun oyun cədvəli açıqlandı
Maradonanı geridə qoydu
Paratiçi yenidən "Tottenhem"in idman direktoru oldu
2029-cu ilə qədər “Barselona”da
Misli Premyer Liqasında 11-ci tur "Zəfər turu" adlanacaq
Azərbaycan kubokunda oyunların vaxtı bilindi
Messi gənc futbolçular üçün turnir təşkil edir
AFFA baş məşqçini yenə cəzalandırdı - 4 oyunluq
İspaniya millisi 29 oyundur uduzmur
Donnarumma: "İtaliya DÇ-2026-da olacaq"
Futzal millimizin heyəti açıqlandı
