05.10.26
“Qarabağ”ın Çempionlar Liqasının qrupuna düşməsi sizi aldatmasın. Bir klubumuz özünün güclü sponsorunun, məşqçisinin yüksək bacarığı və ağlı sayəsində neçə ildir dayanmadan inkişaf edir. Amma nə qədər təzadlı səslənsə də, futbolumuz da hər gün tənəzüllə gedir.
Buyurun, bu gün “Şəmkir” klubunun növbəti mövsümdə birinci divizionda oynamayacağı, başqa sözlə, fəaliyyətini dayandırdığı rəsmi şəkildə elan edildi. Şəmkirin İcra Hakimiyyəti gülməli və uydurma bəhanə gətirib ki, imtinaya səbəb gəncləri tapmaq, gələcəkdə qurulacaq komandanın əsas özəyini formalaşdırmaqdır. Azərbaycan və Şəmkir doludu istedadlı uşaqla. Yəni onları tapmaq çətin deyil (hələ klubda son mövsümdə oynayan hazır futbolçuları demirəm). Və o uşaqları tapıb qabağa çəkmək üçün imkanlı qurumlar, ya adamlar pul verib dəstək olmalıdılar. Amma o pulu rəhmətlik Saşa kimi daha “Şəmkir”ə buraxan yoxdu, belə görünür, heç olmayacaq da. Bu, bir növ ürəkdən gələn mənəvi məsələdi, axı. Kiməsə zorla kluba pul burax deyə bilmərsən. Şəmkir bütün dövrlərdə iqtisadi tərəfdən inkişaf etmiş rayon olub. Və deməli, rayonın dövlət qurumları istəsəydi futbolu yaşatmaq (ən azı birinci divizionda) olardı, olmadı. Bir mövsüm üçün təxminən 150-200 min pul lazım idi. Yəni bir aya cəmi 15-20 min manat.
Beləcə o pulu çox gördüyümüz üçün Qərb bölgəsində bir komandanı da beləcə dəfn elədik.
Çempionlar Liqasında mərhələ keçmiş ilk Azərbaycan klubu olub “Şəmkir”!
Həmin o komandanı yaratmış, yaşatmış, o səviyyəyə qədər gətirib çıxarmış Şahbaz Süleymanova Allah rəhmət eləsin!
Yaşasaydı və əvvəlki imkanı olsaydı, bu vəziyyətə dözərdimi görəsən?
***
Qərb bölgəsinin başqa bir təmsilçisi – “Turan”ın aqibəti necə olacaq bilinmir. Digər bir bölgəmizin simvolu olmuş “Xəzər Lənkəran” göz görə-görə batıb getdi. Azərbaycanın demək olar, bütün bölgələri futbolsuz qalıb. Amma Rövnəq Abdullayevə elə gəlir ki, bizim futbolda yüksək inkişaf gedir. Bu boyda həngamədən sonra “Qarabağ” qrupa düşəndən sonra təbrikində necə yazmışdı?
“Bu nailiyyət Azərbaycan futbolunda yazılmaqda olan böyük tarixin ilk sətirləridir”.
Bilən varmı, kim yazır o tarixi? AFFA-mı? Rövnəq Abdullayevmi? Onun komandasımı? Prosineçkimi? PFL-mi? O tarixi “Qarabağ” klubu Qurban Qurbanovla birgə yazır. Və o şərəfli tarixdə AFFA-nın heç vaxt yeri və izi olmayacaq…
***
Şəmkir, Tovuz, Mingəçevir, Lənkəran… (siyahını uzadım?) futbolsuz qalıb. AFFA isə “İnter”in adını dəyişib “Keşlə” qoymaq istəyir… 
Şəkildəki Hindistanın Bombeyi yox, elə bizim Keşlə qəsəbəsidi. Sizcə, bu acınacaqlı vəziyyətdə, qapısının önündən qatar (maşın yox a!) keçən, real həyati təhlükə ilə üz-üzə qalan insanların futbol və AFFA-nın komandası nə dərəcədə vecinədi? Deyim sizə. AFFA (oxu – SOCAR) üçün o adamların taleyi nə qədər maraqlıdısa, o adamlar üçün də AFFA və “İnter” də o qədər maraqlıdı.
Harda məntiqsiz, uğursuz ideya var, bizimkilərin ağlına gələr…
***
Hə, “Şəmkir” dağıldı… "Turan”ın aqibəti necə olacaq bilinmir. Təkcə elə bu iki rayonda onminlərlə insan futbolsuz qalıb. Və o insanlar bir möcüzəyə ümid edirlər ki, bəlkə kimsə komandalarına, futbola sahib çıxar. Amma çıxmırlar, yəqin heç çıxan olmayacaq da.
Çünki baş qarışıb həm də “Səbail”ə. Bir azarkeşi belə olmayan komandaya. Ona görə ki, o komandanı AFFA və SOCAR prezidentinin oğlu yaradıb. Və o komanda yaşayacaq!
Amma bu gedişlə təkcə Şəmkirdə, Tovuzda, Lənkəranda deyil, Azərbaycanın hər bir yerində futbol beləcə, məhv olub gedəcək.
Çox qalmayıb...
Aydın BAĞIROV
aydı[email protected]
Vlahoviçin milliyə qoşulmamasının səbəbi bilindi
“Çelsi” əməkdaşlara xəbərdarlıq etdi
“Everton” Qrilişə yenidən şans verməyə hazırdır
A Seriyası klubu yenə baş məşqçisini göndərdi
İlin rəmzi komandası açıqlandı - Keyn siyahıda yoxdur
“Bodo-Qlimt”in oyununda bədbəxt hadisə - Tribuna çökdü
"Araz-Naxçıvan"ın futbolçusu əməliyyat olundu
Braziliyalı qapıçı “Liverpul”dan ayrılmaq istəmir
Niderlandda azarkeşlərə görə oyun təxirə salındı
Azərbaycan millisinin heyətində dəyişiklik edildi
“Qaradağ Lökbatan” və “Hypers”dən böyükhesablı qələbə
Yığmanın toplanışını buraxacaq
“Sabah”ın özbək futbolçusu evləndi
Millimizin üzvü 90 dəqiqə oynadı
Mourinyo La Liqanın ən yaxşısıdır
Yamal İspaniya millisindən kənarda qalacaq
Baş məşqçi vəzifəsinə əsas namizəd Rauldur
Premyer Liqada tarixi rekorda imza atdı
Yağışa görə Azərbaycanda bu oyun təxirə salındı
Azərbaycan millisi Olimpiya çempionu oldu
“Qalatasaray”ın əfsanəsi vəfat etdi
"Ümid edirəm ki, çempion olarıq" - "Neftçi"nin futbolçusu
“Barselona”dan La Liqa yeni uğur
Kasilyas oğullarını “Real”ın akademiyasından çıxardı
“Mahir qol vurmasa da, qələbədə çox vacib rol oynadı”
200-cü heç-heçə
Kerrikdən istefa suallarına cavab
"Barselona"nın geridönüşü - Video
Azərbaycanlı futbolçu Kiprdə növbəti matçına çıxdı
"Fənərbaxça" 5, "Beşiktaş" 3 qolla qalib gəldi
Mahir qol ötürməsi etdi, komandası qələbə qazandı
“Mançester Yunayted” 8 qollu matçda qalib gələ bilmədi
Nəriman Axundzadə yenə ehtiyatda qaldı
Azərbaycan yığması Latviyaya məğlub oldu
“Mançester Siti”dən növbəti antirekord
"Sabah" və "Şamaxı"nın 4 qollu heç-heçəsindən - Video
"Bu nəticə bizim üçün qəbuledilməzdir” - Dambrauskas
“Çempionatın ən gənc komandasıyıq” - Azər Bağırov
"İmişli" - "Sumqayıt" matçından - Video
"Sabah" "Şamaxı" ilə, "İmişli" "Sumqayıt"la heç-heçə etdi
“Araz-Naxçıvan”da 200-cü oyun
“Heç-heçə ədalətli nəticə oldu” - Ervins Perkons
