05.10.26
U-19-un Sankt-Peterburqdakı çıxışına həsr olunur
Bir möcüzə baş verib, əsas milli 3 oyuna 7 xal toplayır, millət ellikcə dünya çempionatının final mərhələsinə düşməklə bağlı boş xəyallara qapılır. Şimali irlandlar 4 cavabsız qol vurub ayıldır bizi...
Elə bil hamımıza mesaj verirlər ki, gedin, olmayan futbolunuzu düzəldin.
Bizsə ellikcə “Niyə də yox?” deyib mundiallar barədə nağıl yaradırıq.
Pafos, şüarçılıq qanımıza hopub.
Real işə gələndə isə... A, B, C... Əlifbamızda hansı hərflə başlayan millimiz varsa, hamısının nəticəsi bir-birinin tayıdı.
Mllinin o epizodik uğuru, “Qarabağ”la “Qəbələ”nin Avroliqanın qrupuna düşməsi aldadıcıdı. Gerçəklik budu ki, ölkədə uşaq futbolu batıb gedir. Bir tək “Qəbələ” Futbol Akademiyasını çıxmaqla bu istiqamətdə heç kim ciddi addım atmır. “Qəbələ”dən savayı akademiyası olan digər klubumuz “Bakı” idi. Hafiz Məmmədovla bağlı məlum səbəblərdən o akademiya da məhv olub getdi. Halbuki onu sonradan saxlamaq da olardı. Orada çalışan 10 məşqçinin hər birinə ayda cəmi 500 manat verməklə! Aya cəmi 5 min manat pul edir bu. AFFA-nın aşağı yaş qrupları üzrə komandalara doldurduğu yararsız legionerlərin bir tək bilet puluna xərclənən pullar bundan çoxdur... Amma nə İdman Nazirliyi, nə də illik büdcəsi 20 milyondan çox olan AFFA uşaq futbolunu xilas etmək üçün yardım əlini uzatdı bu kluba.
Bizsə “Niyə də yox?” deyib guya yaxşı gələcək qururuq.
Baxın, üzdə olan klublarımıza, elə lider “Qarabağ”a da. Bu klubun aşağı yaş qrupu üzrə komandalarının sonuncu dəfə əsas komandaya verdiyi normal oyunçular kim olub? Uzun illərdi gözümüzün qabağında olan Maksim Medvedyev, Əfran İsmayılov, Rauf Əliyev və Qara Qarayev. Vəssalam! Qaradan sonra, yəni son 4-5 ildə “Qarabağ”dan aşağı yaş qrupundan kəşf sayıla biləcəyimiz 1 oyunçu belə çıxmayıb.
Bəs ulu klubumuz “Neftçi? Ordan çıxanların da sonradan ya ayağında problem olur, ya da başında...
Və bütün bunlardan sonra biz yenə də xəyallarımızdan əl çəkməyib, deyirik: “Niyə də yox?”.
Çönüb uşaq futboluna baxaq...
Heç olmasa bir dəfə də, həmkarım Tural Xudiyev demiş, “Belə də yox” deyək...
Nə iş görür AFFA, klublar, aşağı yaş qrupu üzrə komandaların məşqçiləri? Son 10 ildə guya futbolun inkişafı adı ilə 1 milyarddan çox pul xərclənib. Bəs, hanı o 1 milyardın qarşılığında xaricə çıxarmağa potensialı olan oyunçumuz?
Yoxdu axı...
Yetişmir. Yetişdirə bilmirlər. Nə bacarıqları var, nə də futbol savadları. Bu adamlar adi futbol suallarına cavab verə bilmirlər, imtahandan kəsilirlər, sonra tarixə düşməkdən danışırlar.
Tarix yazmaq hələ ki, bizim futbol adamlarının (əksəriyyətinin!) başına görə deyil. Bizdə futbola yarayan baş olsaydı...
Sizi gələcəyimiz olan aşağı yaş qrupu üzrə komandalarımızın 2009-cu ildən üzü bəri Piterdə keçirilən turnirdəki nəticələri ilə baş-başa buraxıram. Hələ də “Niyə də yox?" deyib feyziyab olaq.
16 komanda arasında...
2009-cu il. 7-ci yer
2010. 5-ci yer
2011. 7-ci yer
2012. 12-ci yer
2013. 12-ci yer
2014. 13-cü yer
2015-ci. 5-ci yer
2016. 8-ci yer
2017-ci il. Qrupda sonuncu yer.
Aydın BAĞIROV
Vlahoviçin milliyə qoşulmamasının səbəbi bilindi
“Çelsi” əməkdaşlara xəbərdarlıq etdi
“Everton” Qrilişə yenidən şans verməyə hazırdır
A Seriyası klubu yenə baş məşqçisini göndərdi
İlin rəmzi komandası açıqlandı - Keyn siyahıda yoxdur
“Bodo-Qlimt”in oyununda bədbəxt hadisə - Tribuna çökdü
"Araz-Naxçıvan"ın futbolçusu əməliyyat olundu
Braziliyalı qapıçı “Liverpul”dan ayrılmaq istəmir
Niderlandda azarkeşlərə görə oyun təxirə salındı
Azərbaycan millisinin heyətində dəyişiklik edildi
“Qaradağ Lökbatan” və “Hypers”dən böyükhesablı qələbə
Yığmanın toplanışını buraxacaq
“Sabah”ın özbək futbolçusu evləndi
Millimizin üzvü 90 dəqiqə oynadı
Mourinyo La Liqanın ən yaxşısıdır
Yamal İspaniya millisindən kənarda qalacaq
Baş məşqçi vəzifəsinə əsas namizəd Rauldur
Premyer Liqada tarixi rekorda imza atdı
Yağışa görə Azərbaycanda bu oyun təxirə salındı
Azərbaycan millisi Olimpiya çempionu oldu
“Qalatasaray”ın əfsanəsi vəfat etdi
"Ümid edirəm ki, çempion olarıq" - "Neftçi"nin futbolçusu
“Barselona”dan La Liqa yeni uğur
Kasilyas oğullarını “Real”ın akademiyasından çıxardı
“Mahir qol vurmasa da, qələbədə çox vacib rol oynadı”
200-cü heç-heçə
Kerrikdən istefa suallarına cavab
"Barselona"nın geridönüşü - Video
Azərbaycanlı futbolçu Kiprdə növbəti matçına çıxdı
"Fənərbaxça" 5, "Beşiktaş" 3 qolla qalib gəldi
Mahir qol ötürməsi etdi, komandası qələbə qazandı
“Mançester Yunayted” 8 qollu matçda qalib gələ bilmədi
Nəriman Axundzadə yenə ehtiyatda qaldı
Azərbaycan yığması Latviyaya məğlub oldu
“Mançester Siti”dən növbəti antirekord
"Sabah" və "Şamaxı"nın 4 qollu heç-heçəsindən - Video
"Bu nəticə bizim üçün qəbuledilməzdir” - Dambrauskas
“Çempionatın ən gənc komandasıyıq” - Azər Bağırov
"İmişli" - "Sumqayıt" matçından - Video
"Sabah" "Şamaxı" ilə, "İmişli" "Sumqayıt"la heç-heçə etdi
“Araz-Naxçıvan”da 200-cü oyun
“Heç-heçə ədalətli nəticə oldu” - Ervins Perkons
