27.02.26
Dünya çempionatı başlayandan bizdə yeni ağıl dəryaları ortaya çıxıb. Məsələn, birisi yatıb yuxuda nə görübsə, mundial başlayandan danışır ki, Azərbaycan futbolu dura-dura dünya çempionatı xəbərıni saytda baş yazı kimi vermək ayıbdır. Və bu başın da yiyəsi baş redaktordur...
İşin ən gülməli tərəfi odur ki, Azərbaycanın olmayan futbolunun aşiqləri təkcə belə kütbeyinlərlə bitmir. Futbolumuza manyakcasına bağlanan başqa bir qrup da var: ABŞ millisinə azarkeşlik edirlər ki... orada Azərbaycan millisinin baş məşqçisi Berti Foqts məsləhətçi kimi çalışır. Və ABŞ Qanaya 2:1 hesabı ilə qalib gəldiyi üçün Foqtsa görə bir-birini təbrik edənlərə də rast gəlinir.
Türkiyəli qardaşlarımız demiş, kolay gəlsin.
Foqts bir kənara, biz millimizin özünü də nə vaxtsa dünya çempionatının final mərhələsində görəcəyik: əsrdə bir dəfə, yuxuda da olsa görəcəyik.
İndi isə gələk əsl komandalara, əsl futbolçulara və əsl futbola. Demə, Almaniya ilə oyunda Portuqaliyanın mundial tarixlərində ən acınacaqlı hesabla (0:4) uduzmasının səbəbkarı Kriştiano Ronaldo imiş. Bəli, dünən Ronaldo özünə bənzəmirdi, az qala bütün matçlarda komandasını irəli aparan lider Ronaldo yox idi. Və ona görə də bu gün ciddi müzakirə olunur. Düzdür, Ronaldo mələk deyil, tənqid olunmalıdır.
Amma o, fitə basılacaq qədər alçaq və şərəfsiz bir iş görməyib. Əksinə Eysebio, Rui Koşta, Luiş Fiqu kimi əfsanələrdən sonra Portuqaliya futbolunun nüfuzunu təkbaşına qorumağı bacarıb, günü bu gün də Portuqaliyanı dünya futbolunda layiqincə təmsil edir.
Və bu gün əgər Portuqaliya mundialda oynayırsa, yerli azarkeşlər Ronaldonu yeri gəlsə, lap çiyinlərinin üzərində gəzdirməlidir.
Çünki bu komanda DÇ-2014-ə Pepe kimi özündənrazı, dikbaş, komandasını ən mühim anda ağır vəziyyətdə qoyan oyunçuya görə getməyib.
Bu komandaya mundiala vəsiqəni Pepe kimilərinin qulağını burmaq yerinə ona təsəlli verən Paulu Bentu da qazandırmayıb.
Portuqaliyanı Braziliyaya Ronaldo gətirib! Cəmi yeddi ay əvvəl Portuqaliya həmin Ronaldonun liderliyi və başqasının yox, məhz onun vurduğu qollar sayəsində pley-off-da İsveçi mübarizədən kənarlaşdırıb mundialda oynamaq hüququ əldə edib.
Hərçənd, bir futbolçunun bu cür fədakarlığının üstündən bir göz qırpımında xətt çəkildiyi dövrdə yaşayırıq biz.
Bəli, Ronaldo almanlara qarşı istədiyi kimi oynaya bilmədi. Çünki onu oynamağa qoymadılar. Gəlin, Almaniyaya, baş məşqçi Yoahim Lövə haqsızlıq etməyək. Ronaldonu zərərsizləşdirməklə Portuqaliyanın bütün oyun sistemini pozdu, əl-qolunu açmağa imkan vermədi. Amma axı, Portuqaliyada Ronaldodan başqa meydanda Pepe qovulana qədər daha on futbolçu var idi. Onlar meydanda nə edirdilər?
Bentu oyunu xilas edə bilərdi, axı...
Əgər böyük məşqçi olsaydı. Əgər Pepe kimilərinin ipini vaxtında alsaydı. Əgər zamanında komandasında lazımi dəmir intizamı yarada bilsəydi. Və nəhayət, millidə işlədiyi bu neçə ildə əsl komanda yaratsaydı... O zaman əmin olun, hesab 0:4 olmayacaqdı, ən azı başqa bir oyunu görəcəkdik və bəlkə də indi Portuqaliyanın qələbəsindən danışacaqdıq.
O zaman Ronaldo fitə də basılmayacaqdı.
Amma Ronaldonu – Portuqaliyanın milli qəhrəmanı səviyyəsində olan Ronaldonu fitə basır portuqaliyalılar. Əllərindən öpməli olduqları futbolçuya qarşı belə həqarət edirlər.
Bentu isə “məğlubiyyətimizdə Ronaldodan daha çox hakim günahkardır” deməklə uğursuzluğa görə məsuliyyəti həm də kapitanlarının üzərinə atır. Bentu kobudluq edib haqlı olaraq qırmızı vərəqə alan Pepeni də müdafiə edir: “Meydandan qovulmamalıydı”. Az qala “məğlubiyyətdə mənim təqsirim yoxdur” - deyir.
Və bütün bunlardan sonra portuqaliyalılar yenə də Ronaldonu söyür.
Aydın BAĞIROV
"Sevilya"nın yeni baş məşqçisi bəlli oldu
"Real"ın tibbi heyətindən kobud səhv
Yeniyetmələrdən elit liqaya qədər korrupsiya qalmaqalı
Hakimi "Real"a keçir?
Zədələrə rəğmən "Bayer" ona güvənir
Yamal İspaniya millisinin məşqini buraxdı
Zədə səbəbindən millinin düşərgəsini tərk etdi
ABŞ klubundan Nərimanla bağlı yeni paylaşım - Video
Türkiyə yeni mövsüm avrokuboklarda necə təmsil olunacaq?
Qrizmannın MLS-də oynayacağı rəsmiləşdi
"Atletiko"dan "Arsenal"a keçə bilər
Modriçə sabiq klubundan təklif var
Tudorun “Tottenhem”dən ayrıldığı bildirilir
Depay 1 ay oynamayacaq
"Tottenhem"də baş məşqçi vəzifəsinə iki namizəd
Mbappe bu xəbəri yalan adlandırdı
4 min dollara bilet olar? - FİFA-dan şikayət edildi
Muslera yenidən Uruqvay millisində
Fransa millisindən kənarlaşdırıldı
"Apreldəki oyunlar üçün yekun heyəti müəyyənləşdirməliyik"
Vaqner Lav 41 yaşında karyerasını başa vurdu
Azərbaycan millisi apreldə daha iki oyun keçirəcək
“Qarabağ” Sinenkonu transfer edir? - Menecerdən açıqlama
Messi “Qızıl top”u akademiyaya apardı - Video
Tanınmış futbolçu karyerasını başa vurdu
Milliyə çağırılmadı, saatlarla qumar oynadı
Qrizmanın yeni klubundakı qazancı bilindi
“Yuventus”un müdafiəçisi “Barselona”nın hədəfində
Fransa millisində Deşamı Zidanın əvəzləyəcəyi dəqiqləşdi
Matçları qanunsuz izləyənlər cərimələnəcək
Uğursuz çıxış etdi, baş məşqçidən xəbərdarlıq aldı
"Qızıl top" namizədləri: Yamal, Keyn...
PSJ-nin oyunu təxirə salınır?
"Keçmişdəki uğursuzluqları düşünməyə ehtiyac yoxdur"
"Borussiya" idman direktorunu göndərdi
İngiltərədə Superkubok matçının yeri dəyişdirildi
Flik ayın məşqçisi seçildi
Ben Uayt İngiltərə millisində
Osimhen əməliyyat olundu
"Marsel" klubu prezidenti ilə yollarını ayırdı
Qvardiola qələbəni qızı ilə qeyd etdi - Video
