10.11.25
Rusiyada bir azərbaycanlı oyunçu var, Emin Mahmudov. Artıq üç ilə yaxındır, bizim ifrat vətənpərvərlər bu gənc istedad haqda o sözlər qalmayıb ki, söyləməsinlər. Biri ona xain damğası vurur, o biri satqın, digəri də nankor deyir. İşin ucunda da odur ki, Emin ən son hələ dünənə qədər də bilmir, doğulduğu ölkə Azərbaycanın milli komandasından aldığı real təklifi qəbul etsin, yoxsa Rusiya millisindən gələcək dəvəti. Sonuncudan dəvət olacaq, ya yox, bu hələ sonrakı məsələdir. Fakt budur ki, hazırkı durumunda Eminin Rusiyanın əsas milli komandasına cəlb edilməsi ehtimalı sıfıra bərabərdir. Səbəb də odur ki, o, nə Moskva “Spartak”ı, nə də sonradan icarə qaydasında oynadığı “Tom” və “Krılya Sovetov”da möhkəmlənə bilib.
Amma bu yerdə diqqəti Eminlə bağlı qısa bir statistikaya cəlb etmək istəyirəm ki, bunu bizim hay-küyə meylli, futboldan bixəbər patriotlarımızın bilməsi vacibdir. Deməli, Emin “Saturn”da çıxış edən vaxt (2007-2010) Rusiya Premyer Liqasında çox erkən, 18 yaşı tamam olmamış qol vuran az-az oyunçulardandır və hələlik yeganə azərbaycanlıdır. Məhz bu komandada 21 oyun və uğurlu bir dönəm keçirəndən sonra Emini Rusiya futbolunun nəhənglərindən olan “Spartak” heyətinə cəlb edib. Amma 19 yaşında orada rəqabətə tab gətirə bilməyib və icarəyə göndərilib. Bununla belə, Emin müxtəlif vaxtlarda Rusiyanın 18, 19, 20 və 21 yaşadək milli komandalarına cəlb edilib və üst-üstə doqquz qol vurub.
Təbii, statistika yorucudur, amma onun Rusiyanın müxtəlif yaş qruplarında oynamasını bilmək vacibdir ki, uzun müddətdir “millət, vətən” deyib Eminə mənəvi təzyiq edənlər AFFA-nın yaxasından yapışıb soruşşun: Rusiya yığmalarından əvvəl məhz vətəni Azərbaycanın U-17 komandasına gəlmiş Emini niyə qorumadınız, niyə onu saxlaya bilmədiniz və niyə onu incik saldınız? Emin yeni idi, tanınmırdı, Rusiyada hansısa bir klubun yeniyetmə komandasında oynayırdı, ümid vəd etsə də, ulduz deyildi. Və bizimkilər indiki kimi o zaman da düşünürdülər ki, uşaq komandalarında yaxşı futbolçular yox, yaxşı oğlanın və dostun xahişini etdiyi oyunçu oynamalıdır. Emin isə yada düşmürdü o vaxtlar. Xahiş-minnətlə milliyə götürülənlər bir futbolçu kimi yarasız çıxanda Emin Rusiyada Premyer Liqa komandasının əsas heyətinə düşdü. Rus mətbuatı onun istedadından, gələcəyin ulduzu ola biləcəyini yazanda isə AFFA-dakılar ayıldılar ki, bəs, demə, bizim belə bir həmyerlimiz də var imiş.
Hə, biz hazıra nazir çıxmağa öyrəşmiş millətik axı. O çürük düşüncədən isə hələ də əl çəkmirik, elə bilirik, hamının bizə borcu var. Yəni necə böyüməyi, hara getməyi, hara qədər yüksəlməyi canın çıxıb, sən özün yoluna qoymalısan, işimizə yarasan, bizimləsən, yaramasan, yox ol, məhv ol. Biz sənə əl uzatmamalıyıq, sənin istedadın da bizə vız gələr.
Emin azərbaycanlıdır başa düşdük, vətəni, milləti qarşısında mənəvi borcu var, onu da anladıq, amma gəlin, bir az vicdanla danışaq: biz zamanında ona sahib çıxdıqmı? Eminin məhz azərbaycanlı olduğunu bilməyimiz üçün onun hökmən Rusiyada tanınan bir oyunçuya çevrilməsi lazım idi? O ümid vəd edəndə biz hardaydıq? Emindəki istedadı ruslar görürdülər, bəs, AFFA-nın seleksionerləri, milli komandalara cavabdeh olanlar? Onlar bu dünyaya haraları ilə baxırdılar?
AFFA-nın baş katibi düz üç ildir Emini milliyə gətirmək istəyir, amma alınmır və bəlkə alınmayacaq da. Çünki federasiyanın keçmiş rəhbərliyinin ən azı Aleksandr Səmədova münasibətdə buraxdığı səhvləri hazırkı rəhbərlik də təkrarlayıb. 2004, ya 2005-ci ildə Səmədov da Azərbaycan millisinə gəlib, bir təlim-məşq toplanışında iştirak edib və pulsuz-parasız iştirak edib. Amma Səmədov da bizim millidə qalmayıb. Peşəkar və insani münasibət görməyib, sonra da birdəfəlik gedib.
Emin də məhz Səmədov kimi addım atır və bir gerçəkliyin fərqindədir: Azərbaycanda anadan olub, Rusiyada futbolçu kimi doğulub. Yenə də zamanında üzərinə düşən mənəvi məsuliyyəti hiss edərək Azərbaycan millisinə gəlib, amma burda diksinib, iyrənib və gedib. Birdəfəlikmi gedib, bunu əlbəttə, zaman göstərəcək.
AFFA rəhbərliyi vaxtında aşağı yaş qrupları üzrə milli komandalara normal qaydada nəzarət etsəydi, əmin olun ki, Emin Mahmudov bu gün əsas yığma komandada çıxış edəcəkdi. Üstündən bir neçə il keçəndən sonra qurumun rəhbərliyi Eminlə danışıqlar aparmaq üçün şəxsən Moskvaya gedir, ya da sonradan öz nümayəndələrini onunla danışıqlara yollayır. Hər dəfə də eyni cavabı alırlar: fikirləşirəm. Yəni mədəni şəkildə, “rədd olun”.
Ağır cavabdır. Dünənə kimi saymadığın insanın ayağına qədər getmək, ondan xahişdə bulunmaq, ən sonda da belə cavab almaq çox ağırdır.
Aydın BAĞIROV
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
"Daha çox qol vurmalı idik" - Yuri Vernidub
Xabi Alonso: "Nəticələr mövsümün sonunda məlum olacaq"
FİFA "Əl-Nəsr"ə transfer qadağası qoydu
"Zirə" - "İmişli": Heyətlər
"Yuventus"dan "Arsenal"a rədd cavabı
"Borussiya" Adeyemini cərimələdi
Luis Enrike: "Parisdəki hər kəs mənə təşəkkür edir"
“Qarabağ”a ikinci rəsmi transfer təklifi
"Karvan-Yevlax" - "Neftçi": Heyətlər
“Mançester Yunayted” Kenan Yıldız üçün sərvət təklif edir
AFFA klub nümayəndələri ilə görüş keçirdi
"Bavariya"nın keçmiş futbolçusu vəfat etdi
Fenomenə çevrilən dünyanın ən gənc futbol şərhçisi - Video
Salah üzr istəyib
Sabiq “Qarabağ”lı indi Rusiyada ən zəif qapıçıdır
Dortmund “Borussiya”sından qələbə
İtaliya Superkubokunda ikinci finalçı müəyyənləşdi
Rüfət Abdullazadənin komandası yenə uduzdu
Superliqada 17-ci tur start götürüb
"Şəfa" 3 xalı tək qolla qazandı - Video
“Liverpul”un futbolçusu “Qızıl top”u qazandı
4 penalti dəf edən qapıçının qolu sındı
Çexiya millisinin yeni baş məşqçisi açıqlandı
“Şəfa” “Cəbrayıl”a qalib gəldi
4 gün əvvəl ayrıldığı kluba qayıtdı
Anri mükafatlandırıldı
“Turan Tovuz” “Kəpəz”ə belə qalib gəldi - Video
