27.02.26
Peşəkar Futbol Liqasının rəsmi açıqlamasına görə, 2019/20 mövsümü Azərbaycan kubokunda cəmi 12 komanda yarışacaq. Bu, Avropa futbol qurumu UEFA-nın üzvü olan 55 ölkə arasında ən pis 2 göstəricidən sayılır. Yəni 53 federasiya iştirakçı komanda sayına görə bizdən öndədir. Yalnız cəmi 80 minədək əhalisi olan cırtdan dövlət Andorranın kubokunda ötən mövsüm bizdəkitək 12 komanda oynayıb.
PFL-in prezidenti Ramin Musayev isə görünür, təskinlik görüntüsü yaratmaq naminə elə beləcə də deyir ki, “vallah, klub sayı az olsun, amma yarış keyfiyyətli olsun”. Əlbəttə, 12 komandayla kubokun keyfiyyətli keçəcəyi haqda uydurduğu bu nağıla heç Ramin Musayev özü də inanmır. Söhbət bunda deyil.
Gələk əsas məsələyə.
Kubok yarışı nə deməkdir? Əvvəla qətiyyən elə anlaşılmasın ki, iştirakçıların hamısının məqsədi turnirdə çempion olub avrokuboklara vəsiqə qazanmaq, bununla da maliyyə gəliri əldə etməkdir.
Məsələn, Türkiyə kubokunda mübarizəyə 1/256 final mərhələsindən (bəli, yanlış oxumadınız, 1/256 final mərhələsi!) başlayan “Sultanbəyli” kənd komandasının finala kimi gəlib “Qalatasaray”ı udacağını düşünmək üçün psixi problemin olmalıdır. Rusiyanın özündə də kubok yarışı 1/256 finaldan start götürür və orada da əsasən Markovka kəndinin gənc traktorçularından təşkil olunan “Pskov-747” tipli komandalar oynayır. Hələ İngiltərə, Almaniya barədə danışmıram. Bu qədər kollektiv yarışa ona görə buraxılmır ki, süni çoxluq görüntüsü yaradılsın. Ona görə buraxılır ki, futbolda bütün ölkə, hətta qəsəbə, kəndlər səviyyəsində kütləvilik olsun. Futbola maraq, onun inkişafı ən azı sabit qalsın, yeni istedadlar üzə çıxsın. Bu sadə yanaşmanın nəticəsidir ki, elə adları çəkilən ölkələrin aşağı liqalarında belə tribunalar bir çox halda dolu olur.
Rusiya, Türkiyə əhalisinə görə də böyük ölkələrdir. Ona görə də bir-iki cümləylə olsa belə, əhalisinə və iqtisadi gücünə görə Azərbaycandan xeyli geridə olan ən yaxın ətrafımızdakı ölkələrin nümunəsinə də nəzər salaq. “Acından ölən” Gürcüstanın kubokunda 32, Ermənistanın kubokunda isə 16 komanda oynayır. Uzağa gedib 600 minlik Lüksemburqa baxanda isə görürük ki, kubokda 64 komanda yarışır. Yəni pulları bizdən on dəfə az, komanda sayı isə çox. Amma onların Ramin Musayevi heç vaxt deməyib ki, “vallah, klub sayı az olsun, amma yarış keyfiyyətli olsun”.
PFL-in prezidentinin adını ona görə təkrar-təkrar çəkirəm ki, yarışları keçirən qurumun rəhbəridir. Qəbul edək ki, mövqeləri xeyli zəifləyib. Amma az da olsa təsir imkanı da qalır. Hərçənd ölkədə futbola cavabdeh olan tək adam Ramin Musayev də deyil. AFFA da sadəcə xırda dəstək və kiçik bir iradə göstərsə, kubokda iştirakçı komandaların sayını 12 yox, 32 etmək olardı. Məsələn, federasiyanın təşkilatçılığı ilə bir neçə ildir Regionlar Liqası adlı yarış keçirilir. Paytaxt, bölgələr və Naxçıvan da daxil olmaqla liqada 33 komanda çıxış edir. Düzdür, hamısı həvəskar statusundadır. Amma Türkiyənin “Sultanbəyli” komandasından zəif ola bilməzlər. O 33 komandadan hamısı olmasa belə, 20-ni Azərbaycan kubokuna cəlb etmək çətin deyildi. Bir də kubok yarışı Premyer Liqa deyil ki, orada oynamağa can atan klubların qarşısında bəzən əsaslı, bəzən də əsassız tələblər irəli sürüsən. Regionlar Liqası klublarından bəziləri mərhələ adladıqca “Qarabağ”, “Neftçi” kimi komandalara rəqib olacaqdı. Təkcə Azərbaycan futbolunun bu iki liderini yenidən Masallı, Mingəçevir, Qazax, Quba və Qusar, Ağsuda nə qədər insan görmək istəyirdi. Bir günlük də olsa həqiqi futbol bayramı yaşanar, bununla da yerli insanlarda bu idman növünə ölmüş marağın yenidən oyanması üçün vacib addım atılmış olardı. Daha da önəmlisi kubokda ən azı bir mərhələ keçmək belə həmin həvəskar komanda üçün nə qədər stimul olar, daha da güclənmək həvəsi yaranardı.
Amma olmadı.
Ona görə olmadı ki, bizimkilərin futbol beyni xarab saat kimi həmişə geri qalır və heç vaxt da irəli getmir. Deməli, bu futbol beyni ilə biz daim elə Andorranın yanında olmalıyıq.
Aydın BAĞIROV
[email protected]
"Yuventus" baş məşqçi ilə bağlı qərarını verdi
"Avrokubok üçün əlimizdən gələni edəcəyik" - Rəşad Sadıqov
"Tam özümüzə gəlməmişik" - Qurban Qurbanov
"Qarabağ"ın vacib qələbəsindən - Video
Qavi geri dönür
Qırmızı vərəqələr, ləğv edilən qollar, hərəyə 1 xal
"Sabah" "İmişli"yə, "Qarabağ" "Zirə"yə qalib gəldi
"Fənərbaxça" futbolçuları təhdid edilir
"Qalatasaray"lı Osimhen "Real"a gedir?
"İnter" qələbəni son anda əldən verdi
"Tottenhem"də ciddi itkilər var
Futbolçular meydandan təxliyə olundu
"Onlar öz güclü tərəflərini bizə göstəriblər"
"Sabah"ın böyükhesablı qələbəsindən - Video
“Araz-Naxçıvan” da ev oyunlarını Sumqayıtda keçirəcək
"Bizi dəstəkləmələri çox vacibdir" - "Sabah"ın futbolçusu
"Zirə" - "Qarabağ": Heyətlər
"Səhvlərimizdən maksimum yararlandılar" - Jorj Kaşkilya
Ronaldonun oğlu baş məşqçiyə əsəbləşdi - Video
Ülviyyə Fətəliyeva beynəlxalq turnirin qalibi oldu
Neymar: "Aman Tanrım, özüm olmaq necə də çətindir"
Azərbaycanda federasiyalar birləşdirildi
"FİFA DÇ-2026-ya ev sahibliyini ABŞ-dan almalıdır"
"İmişli" - "Sabah": Heyətlər
Azərbaycanın millisi Çempionlar Kubokunun yarımfinalında
Arbeloa: "Tənqidlər məni narahat etmir"
"Liverpul" "Real"ın iki futbolçusunu transfer edə bilər
"Atletiko"da itki
"Sona qədər avrokuboklar uğrunda mübarizə aparacağıq"
Ayxan Abbasov klub rəhbərlərini belə tənqid etdi - Video
“İndiki boksçuları heç kim tanımır” - Mayk Tayson
Messi, yoxsa Ronaldo? - Hazard seçdi
“Qarabağ”dan ayrılan Krisdən açıqlama
Nəriman yeni klubunun stadionunu ziyarət etdi - Video
Renat oynadı, komandası qalib gəldi
“Fənərbaxça”nın mövsümdəki ilk məğlubiyyəti - Video
Ruzanna Məmmədova Avropa ikincisi oldu
“Qələbə qazana bilməməyimizin səbəbini bilmirəm” - Saşa İliç
"Şamaxı" "Sumqayıt"a belə qalib gəldi - Video
“Bir çox klub rəhbəri artıq getməlidir” - Ayxan Abbasov
"Fənərbaxça"dan şok məğlubiyyət
"Neftçi" - "Qarabağ" matçının vaxtı açıqlandı
"Araz-Naxçıvan"ın qələbəsi - Video
"Getdikdə daha yaxşı oynayırıq" - Andrey Demçenko
