13.03.25
Ayxan Abbasov - "Şamaxı"nın bu gənc məşqçisi nə deyir?
Oxuyaq...
“Futbolçuya ölkəsinə görə qiymət vermək düzgün deyil. Ötən yay mən “Turan Tovuz”u çalışdıran zaman Türkiyədə təlim-məşq toplanışında idik. Biz və digər Azərbaycan klubları Tanzaniya təmsilçiləri ilə yoxlama oyunu keçirdik. Biz də daxil olmaqla klublarımız o komandalardan 2-3 oyunçunu bəyənmişdi. İnanın ki, heç onlar bəyənib bura gəlmədilər. Onların çempionluğa oynayan klublarında hansısa oyunçunu bu gün Azərbaycan komandasına gətirmək çətindir".
Ayxan Abbasovun Tanzaniyadan danışması, əlbəttə, səbəbsiz deyil. Dünən "Şamaxı" klubu elan etdi ki, onlar həmin ölkənin nümayəndəsi Alfons Msanga Mabulanı transfer edib. O ölkənin də adının çəkilməsi bəs etdi ki, yerli futbolumuzla maraqlanan təbəqənin az bir hissəsi hiddət və lovğalıqla desin ki, Tanzaniya hara, biz hara...
Əlbəttə, heç kimə sirr deyil ki, bizdə yaxşı futbol var.
Əlbəttə, bizdə futbol olduğuna görədir ki, AFFA-nın, klublarımızın muzeyi beynəlxalq kuboklarla dolub-daşıb, indi təzələrini qoymağa yer də tapılmır.
Əlbəttə, hər il gürcülərin Kvaratsxeliyası, özbəklərin Xusanovu kimi gənc futbolçular yetişdirib 40-50 milyon avroya satan da bizik.
Əlbəttə ki, yuxuda.
Amma yuxudan oyanıb real dünyaya baxanda nə görürük? Həmin Tanzaniyanın FİFA-nın reytinqində bizdən düz 11 pillə qabaqda olmasını.
Samatta soyadlı futbolçusunun 2016-cı ildən bəri Avropada “Genk”, “Anterverpen”(Belçika), “Aston Villa” (İngiltərə), “Fənərbaxça”da (Türkiyə) oynayıb, indi də karyerasını PAOK-da (Yunanıstan) davam etdirməsini.
Başqa bir oyunçusu Novatus Miroşinin Avropada “Beytar” (Tel-Əviv), “Zyulte Vareqem” (Belçika), “Şaxtyor”da (Ukrayna) çıxış edib, hazırda Türkiyə Superliqa təmsilçisi “Göztepe”də oynamasını.
Bəs bizimkilər hardadı? "Bandırmaspor"da...
Hazırda guya ən yaxşı legioner oyunçularımızdan sayılan Coşqun Diniyev artıq 30 yaşına girib, amma görünür, karyerasında görüb-gördüyü yeganə xarici çempionat elə Türkiyənin birinci liqası olacaq...
Rahil Məmmədovun da 30 yaşı var. Polşada həm də zədəsi səbəbindən bu mövsüm sabit seriyası olmayıb. Yaş ötür, amma bu vaxtacan o da xaricdə özünə yaxşı karyera qura bilməyib. Gec deyilmi?
Vüsal İsgəndərli pis-yaxşı Albaniyada "Eqnatiya"da əsas heyətdə sabit oynayırdı, yəqin ki, daha çox gəlir əldə etmək üçün o da təzədən Türkiyə 1-ci liqasına üz tutdu. Bu mövsüm vur-tut 8 oyuna çıxıb, cəmi 2-də əsas heyətdə yer alıb. Nə deyəsən? Öz karyerana niyə belə sərt davranasan?
Perspektiv və istedadına inandığımız gənc Musa Qurbanlı İsveçdə, Cəlal Hüseynov isə Bolqarıstan kimi orta səviyyəli çempionatda belə uğur qazana bilməyib geri qayıtdı. İndi kimə ümid bəsləyəsən? Sabahımız üçün hansı gənclərə bel bağlayasan?
Azərbaycan millisində oynayan, əslən azərbaycanlı olan, amma hələ də Azərbaycan dilində iki cümlə öyrənməyən (Şeydayev kimi) Renat Dadaşov 25 yaşa gəlib çıxıb, amma karyerasında 25 metr irəli gedə bilməyib. Bu mövsüm vur-tut 2 qol vurub. Bu göstəriciylə hazırkı mövsüm Türkiyə 1-ci liqasında qol vuranların siyahısında heç birinci 50-likdə də yoxdur...
Belə də hücumçu olarmı?
Hələlik xarakter göstərən legionerimiz Mahir Emrelidir. O da gərək fürsətləri boşa verməsin, əlinə düşən imkanları xərcləməsin. Yoxsa Almaniya futbolu belə məsələdə sərt və güzəştsizdir.
Hə, bir də sanki kölgədə qalan, amma ümumən uğurlu oyun keçirən bir gəncimiz də var. 23 yaşlı Zamiq Əliyev... Albaniyada "Eqnatiya"nın üzvü olan mərkəz müdafiəçisi bu mövsüm əsas heyətin daimi üzvünə çevrilib.
Kaş ki, karyerasının yaxşı vaxtında pula aldanıb təzədən Azərbaycana qayıtmasın.
Kaş ki, Avropa futbolunda azərbaycanlı futbolçular da kvaratsxeliyalar, xusanovlar kimi səs salsın.
Amma bunlar, elə bil tosta bənzədi axı.
Qayıdaq yenə bu günə, öz real dünyamıza.
O dünyanın futbol adlı kiçik bir hissəsinin lap dibinə enmişik biz. Millətlər Liqasının D liqasına.
Kədərli, həm də faciəvi mənzərə bax elə budur, Tanzaniyadan futbolçu gətirmək yox.
Odur ki, atalarımız necə deyib: "Öz gözündə tiri görmür, özgə gözündə qıl axtarır".
Aydın Bağırov
Ali Koç Ərdoğanın qəbulunda
"Qaradağ Lökbatan" "Bakı Sportinq"ə belə qalib gəldi - Video
Qrizmann gələcəyi ilə bağlı qərar verdi
Terimin qələbə seriyası qırıldı
"Difai"nin qələbəsindən - Video
"İnter" danışıqlara başladı, "Bavariya" da maraqlanır
ÇL-də həftənin rəmzi komandası açıqlandı
"Cəbrayıl"ın "Mingəçevir" üzərində qələbəsindən - Video
“Qarabağ”la “Fulhem”in U-15-lərinin oyunu keçirildi
Bu mövsüm Çempionlar Liqasında 100 milyon qazanıblar
"Cəbrayıl"dan qələbə, "Zaqatala" uduzdu
Türkiyə Superliqasında klub sayı azaldıldı
Müllerlə bu klub danışıq aparır
Neymar niyə ağladı? - Şəkil
"Real"da ÇL oyununa ən çox çıxan futbolçu oldu
"Sabah" “Mançester Siti” və “Rayo Valyekano” ilə qarşılaşdı
"Liverpul" Van Deyklə müqaviləni uzatdı - Rəsmi
Kadidən “Neftçi” ilə oyuna görə çağırış
"Qarabağ"ın sabiq hücumçusu bu kluba keçdi
Keyn: "İstənilən komandaya qalib gələ bilərik"
Martines "İnter"in tarixinə düşdü
ÇL-də həftənin ən yaxşısı adına namizədlər
Avrokubokların oyunları bu kanallarda
Ronaldonun rekordu qırıldı
Ançelottidən vidasayağı sözlər
"Arsenal"ın Madriddəki qələbəsi - Video
Müller Messiyə çatdı
5 qol vuruldu, "Füzuli" qalib gəldi - Video
ABŞ klubu De Brüyneni hədəflədi
Cəfərovdan poker, "Şəmkir"dən 6 qol - Video
2-ci Liqada tura yekun vuruldu
Türkiyə kubokunda final matçının məkanı açıqlandı
Klopp məşqçilik karyerasını bərpa edir?
Keyn Neymar və Balotellidən ilhamlanıb
"Barselona"nın rəsmisindən Mbappe ilə bağlı qərara etiraz
"Bu futbolçulara inanıram" - Aqil Nəbiyev
Qrizmannın qərarı bilindi
Ançelotti: "Mən Ronaldo kimi futbolçu görməmişəm"
Aron Bupendzanın faciəvi ölümü
"Qarabağ" "Azərsun Arena"ya qayıdır
"Sabah"ın U-13 komandası "Mançester Siti" ilə eyni turnirdə
Azərbaycan millisi Gürcüstana qalib gəldi
Rəşad Sadiqov 5 oyunluq diskvalifikasiya edildi
