10.11.25
“Qarabağ”ın “Kukesi” qalibiyyətindən sonra Çempionlar Liqasında üçüncü mərhələyə yüksəlməsi istər-istəməz PFL-in prezidenti Ramin Musayevin bir neçə gün əvvəlki mətbuat konfransını yada saldı.
Avroliqada üç klubumuzun elə birinci mərhələdəcə mübarizəni dayandırmasına toxunarkən R.Musayev demişdi: “Biz inanırıq ki, “Qarabağ” Azərbaycanın Avropa reytinqindəki mövqeyini qoruyub saxlayacaq”. Amma bu fikirləri səsləndirərkən nəyə görəsə PFL şefinə bir jurnalistimiz sual verməyib ki, nəyə görə məhz “Qarabağ”? Və nə vaxta qədər ancaq “Qarabağ”?
Bu ölkənin futbolunun xaricdə imicini qorumaq, onu inkişaf etdirmək təbii ki, həm də “Qarabağ”ın borcudu, bu öz yerində. Bəs, yaxşı, AFFA-nın, həmin PFL-in rəhbərliyinin futbol qarşısındakı öhdəlikləri nədən ibarətdi? Hər dəfə “Qarabağ”ın matçında VİP-lojadan oturub vurulan qolu alqışlamaqdısa vəzifə və öhdəlik, bunu sıravi azarkeşlər daha yaxşı bacarır.
Sual yarana bilər ki, klublar uduzursa, buna AFFA ilə PFL nə etsin? PFL-in birinci vəzifəsi əlbəttə, çempionatın səviyyəsini normal qaydada saxlamaq, bunun üçün ciddi cəhdlər etməkdi ki, Ramin Musayev də bunu artıq ya etmək həvəsində deyil, ya da gücü çatmır. Biz gələk, AFFA-ya. Ona görə ki, bu il Avroliqada mübarizəni dayandıran üç komandadan ikisi rəsmi ya qeyri-rəsmi AFFA-dan idarə olunur. Amma zamanında baş katib Elxan bəy və SOCAR-dakı kuratorları “Neftçi”dəki transfer işlərinə ciddi nəzarət etsəydilər, klubun yekəxana prezidenti Kamran Quliyevin hər yoldan keçən futbolçunu komandaya gətirməsinin qarşısını alsaydılar, əmin olun ki, “Uypeşt” rəzilliyi də yaşanmazdı. Və bu gün fərqli yarışlarda oynasalar belə, “Neftçi” ilə “Qarabağ” yanaşı addımlayırdılar.
AFFA-nın digər klubu “Keşlə” haqda isə ümumiyyətlə, danışmağa dəyməz. Bir klub ki, özündənrazı bizimkilərin küçə komandası adlandırdığı Maltanın klubunu keçə bilmirsə, kimin küçə komandası olmasına, bundan sonra daha özünüz qiymət verin. Bu gün yeganə problem mərhələ adlamamaqda deyil, əslində. AFFA nəzarətində olduğu bu klubdakı idarəetmə adına ciddi nöqsanların qarşısını vaxtında alsaydı, ən çox da “Keşlə”nin rəhbəri Zaur Axundovun baş məşqçinin işinə müdaxiləsi kimi ciddi problemə mane olsaydı, həmin komanda da birinci mərhələdə dayanmazdı...
Amma AFFA bunu da etmədi, edibsə belə, deməli, yetərincə etməyib, ya da elə özlərinin dayaz futbol düşüncələri səviyyəsində edib. Demək ki, futbolumuzda kök salmış bu dərin problemi yoluna qoymaq hələ uzun zaman vaxt alacaq. O vaxt nə vaxt gələcək bəs? “Qəbələ” də, “Neftçi” də, AFFA da yuxudan oyanıb ən azı komanda adına dəqiq işlər görəndə.
O vaxta qədər isə biz qalaq ancaq “Qarabağ”ın ümidinə. Əziyyəti ancaq “Qarabağ” çəksin. “Qəbələ”si, “Neftçi”si, “Keşlə”si, AFFA-sı isə bu qızmar istilərdə istirahətin dadını çıxarıb keflərinə baxsın.
Aydın BAĞIROV
[email protected]
Messi Hindistandan milyon dollarlıq hədiyyə ilə qayıtdı
"Real"ın futbolçusu son anda heyətdən çıxarıldı
"İnter Mayami" Suaresin müqaviləsini uzatdı
"Borussiya"sının hücumçusu İspaniya klubunun hədəfində
“Sumqayıt” qış hazırlıq planını açıqladı
"Barselona"nın "Ayntraxt"dan təzminat tələbi var
Meydanda ən çox vaxt keçirən futbolçular kimlərdir?
Ronald Arauxo yaşıl meydanlara geri dönür
Gənc futbolçu vəfat etdi
DÇ-2026 qalibi nə qədər mükafat alacaq? - Rekord məbləğ
Türkiyə klubu baş məşqçisi ilə yollarını ayırdı
Rövşən Nəcəf FİFA-nın Plenar Sessiyasına qatıldı
1-ci liqada 11-ci tur başladı
Messi "Atletiko"nun kapitanını istəyir
“Sabah” – “Qarabağ” oyununun hakimləri açıqlandı
Levandovski MLS yolunda
İbrahimoviçin oğlu "Milan"ın Superkubok üçün heyətində
Kiyev "Dinamo"sunun yeni baş məşqçisi məlum oldu
Azərbaycan klubları ötən il nə qədər gəlir əldə ediblər?
"Klublar lisenziyalaşdırma ilə bağlı məsələyə məsuliyyətlə yanaşmalıdır" - Rövşən Nəcəf
AFFA rəsmisi FİFA-nın plenar iclasında
"Məni də çox tənqid edirdilər"
Ertem Şenerdən Rəşad Sadıqov haqda maraqlı açıqlama - Video
Mendi ilə müqavilə uzadıldı
FİFA referisi 1-ci liqa oyununa təyinat aldı
"Çelsi" Estevaonu itirdi
Dünya çempionatında iştirak üçün FİFA-ya şikayət etdilər
Ronaldo "The Best" səsverməsində iştirak etmədi
“Sabah” Çempionlar Liqası ilə vidalaşdı
FİFA DÇ-2026 üçün yeni bilet kateqoriyası təqdim etdi
Qadın futbolunda ilin ən yaxşı qol müəllifi bəlli oldu
"Mançester Siti"nin hücumçusu mövsümü başa vurdu
İlin rəmzi komandasında hansı futbolçular var?
