10.11.25
Əvvəl komandası “Qarabağ” Sloveniyada “Olimpiya” ilə qarşılaşır, ertəsi səhər tezdən təyyarə onları Bakıya gətirir. Oyunun və səfərin yorğunluğu bir-birinə qarışıb. Bu vəziyyətdə, adətən, hər bir insan necə edər? Ən azı həmin gününü evində, yaşadığı şəhərdə keçirər. Amma görürsən ki, bir gün əvvəl bu adam Bakıdan 3700 km. aralıdakı Lyublyanada idi, komandasının oyununa diqqətlə nəzarət edib lazım olan tapşırıqları verirdi, üstündən heç 20 saat keçməmiş isə o artıq Bakıda da deyil, Qəbələdə idi, bu dəfə stadionda başqa komandanın oyununa eyni diqqətlə baxırdı...
Gedə bilərdi “Neftçi”nin matçına, Bakıda idi.
Bu qızmar temperaturda bizimkilərin Avroliqa oyunlarına lap evində kondisioner altında oturub baxa da bilərdi. Azarkeşin, medianın tənəsinə, qınağına tuş da gəlməyəcəkdi. Amma bunların heç birini etmədi.
Yorğunluğu, bir gün əvvəlki matçın yarada biləcəyi gərginliyi bir kənara qoyaraq Bakıdan uzun yol qət edib Qəbələyə getdi. Getdi, oyunu izləyib və qayıtdı. Futbolçularla bağlı lazım olan qeydlərini də götürdü.
Qurban Qurbanov Qəbələyə təbii ki, “Qarabağ”ın deyil, milli komandanın baş məşqçisi kimi getmişdi.
Bu yerdə bir fakt yada düşür. Milliyə təyinatı rəsmiləşəndən sonra Premyer Liqada elə bir tur olmayıb ki (komandası “Qarabağ”la eyni oyun günü istisna olmaqla) azı bir oyunu stadionda yerindəcə izləməsin. Millinin hazırkı və ora namizəd futbolçuların oyunlarına canlı baxır, onlarla birbaşa ünsiyyətdə olur.
Ondan əvvəlki əcnəbi məşqçilərin nə etdikləri isə çoxunun yadındadı, yəqin. Ən çox Berti Foqtsun bizim futbola saymazyana münasibəti acı bir xatirə olaraq qalır. Millinin ev oyunları istisna olmaqla Azərbaycana 1-2 dəfə gələrdi, çempionatın, yerli futbolçuların oyunlarını tələb olunanın heç 5 faizi səviyyəsində də izləməzdi. Amma işin ən təəssüf və təəccüb doğuran tərəfi bu deyildi. O idi ki, bütün bu mənəm-mənəmliyə, azarkeşə, futbol ictimaiyyətinə hörmətsizliyə AFFA-nın o vaxtkı və bugünkü rəhbərliyi nəinki göz yumur, hətta vəziyyətin bu hal almasına şərait yaradırdı. Ortada işə ciddiyyət, can verən futbolumuza nəfəs verib ayağa qaldırmaq istəyi yox idi. İndi də o adamlarda bu istək varmı, yoxmu, hələ də şübhəlidi...
Və o istək olmasa, qaranlıqdan aydınlığa çıxmaq çətin olacaq. İndilikdə isə uzaqdan köz kimi görünsə belə, yalnız bir işıq var. O işığın adı vicdandı.
Qurban Qurbanovun vicdanı...
Aydın BAĞIROV
"Arsenal" Fransa klubunda çıxış edən futbolçuya göz dikdi
Komandasını tribunada təkbaşına dəstəklədi
"Barselona"nın müdafiəçisi zədələndi
"Liverpul" İsakdan narahatdır
“Araz-Naxçıvan”ın qələbəsindən - Video
"Qarabağ"ın rəqibinin hücumçusu klubdan ayrılmağa hazırlaşır
"Atletiko" səfərdə inamlı qələbə qazandı
"Əzmkar qələbə qazandıq" - Elmar Baxşıyev
"Bu qədər qol epizodu ilə qalib gələ bilmədiyimiz oyunu xatırlamıram" - Ayxan Abbasov
Türkiyə klubundan istefa xəbəri gəldi
"Qarabağ" "Qəbələyə", "Araz-Naxçıvan" "Şamaxı"ya qalib gəldi
"Qəbələ" - "Qarabağ" matçındakı 3 qol - Video
PSV-dən yeni rekord
"Barselona"nın futbolçusu sıradan çıxdı
"Hakimin gözündə mənə qarşı nifrət var idi, mübahisəli qərarlar verirdi" - Kaxaber Sxadadze
"Bura "Qarabağ"dır, uşaq bağçası deyil" - Qurban Qurbanov
"Çelsi" müdafiəçisi ilə yollarını ayırmağa hazırlaşır
İspaniya klubu yeni baş məşqçisini açıqladı
"Araz-Naxçıvan" - "Şamaxı": Heyətlər
PSJ-dən rekord göstərici
"Fənərbaxça"da ciddi itki - Derbidə oynamayacaq
"Qəbələ" - "Qarabağ": Heyətlər açıqlandı
Ukraynada olmaz, bizim futbolda olar! - Video
Mbappe Ronaldonun rekordunu təkrarladı
La Liqa klubunda amerikalı baş məşqçi
"Real"ın qələbəsi - Video
Juninyonun yeni klubu açıqlandı - Rəsmi
"Liverpul" "Tottenhem"i belə məğlub etdi - Video
"Bayer" qalib gəldi, "Qarabağ"ın rəqibindən heç-heçə
"Fənərbaxça" və "Beşiktaş"dan qələbə
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
