21.08.25
... Pul futbol oynasa idi, Joze Mourinyonu istefaya göndərən "Fənərbaxça" bu mövsüm Çempionlar Liqasınına vəsiqə qazanardı.
"Qarabağ" kimi. "Kayrat" kimi.
Bəli, pul futbol oynamır. Əgər pul futbol oynasa idi, supertransferlər üçün ayrılan astronomik məbləğ komandalara saysız-hesabsız kuboklar qazandırardı. Baxın "Əl-Nəsr"ə. Təkcə Ronaldoya yüz milyonlar xərcləyib. Amma nə olsun?! Onun gəlişindən sonrakı 2 ildə bu komanda Asiya nədir, heç Ərəbistan çempionu da ola bilməyib.
Yəni futbolda uzunmüddətli uğurun təməlində çat verməyəcək futbol sistemini qurub-qura bilməmək amili dayanır. Bunu da hər məşqçi bacarmır.
Amma ortada yaxşı nümənələr də var: Klopp ("Liverpul"), Qvardiola ("Barselona", "Mançester Siti"), Luis Enrike (PSJ)...
Və bir də bizim Qurban Qurbanov. Təkrar biliyin anasıdır deyiblər. Avropa üçün məhdud sayılan maddi imkanlarla dalbadal 12 ildir komandasını avrokubokların əsas mərhələsinə çıxarıb. Onlardan ikisi lap böyük komandaların yarışdığı Çempionlar Liqasıdır. Yeri gəlmişkən, Avropada təsnifatdan başlayaraq belə uğurlu məsafə qət edən ikinci komanda yoxdur. Bircə belə komanda var, o da bizim "Qarabağ"dır.
Bu qeydləri niyə edirəm?
Ölkəmizdə yaxşı futbol nümunələri də var. Və bu nümunələr sosial şəbəkərlərdəki "futbol müəllimləri"nin kütləvi məsləhətləri ilə yaranmır.
Uğurlar, qələbələr göydən zənbillə düşmür. Çempionlar Liqasının Liqa mərhələsini də xonçada gətirib bizə pay vermirlər.
Qurban Qurbanovu Bakıda nə vaxt axtarsan ya "Qarabağ"ın bazasındakı iş otağında tapacaqsan, ya da özünün idman zalında. Yəni həyatını tamamilə futbola həsr edib. Həm də peşəkarlıqla, vicdanla, məsuliyyətlə. Və bir də vətənpərvərliklə. Uğuru da ona görə qazanır ki, o da Klopp, Qvardiola, Luis Enrike kimi öz sistemini qurub. Bunun adı "Qarabağ" futbol sistemidir.
Uğuru ona görə qazanır ki, saatlarla, günlərlə rəqibi ən incəliyinə qədər təhlil edir. Stadionlarda, TV qarşısında, notbukun monitoru önündə...
Gətirdiyi futbolçular isə ona görə uğurlu olur ki, onları Yutubdakı aldadıcı videoların təsirinə düşərək seçmir. Peşəkar seleksiya komandasının, yardımçılarının, nəhayət, özünün iti futbol zehninə arxalanaraq transfer edir.
Yəni yuxarıda qeyd edildiyi kimi, yaxşı futbol adamlarımız, məşqçilərimiz, futbolçularımız, klubumuz da var.
"Qarabağ" adlı bir futbol sistemimiz var.
Ona görə də bu gün Mourinyonu istefaya göndərən, transferlərə tırlarla dollar xərcləyən Türkiyənin futbol bilicələri belə bizim "Qarabağ"dan, Qurban Qurbanovdan yüksək hörmətlə danışır, onu özününkülərə örnək göstərir.
Çünki...
... Pul futbol oynamır.
Aydın Bağırov
Azərbaycan güləşçisindən bürünc medal - Dünya çempionatı
"Ən yaxşı oyunlarımızdan birini göstərəcəyik" - Kadi
"Benfika"ya qarşı çəkinmədən oynayacağıq" - Qurban Qurbanov
"Şəmkir" 3 xalı 3 qolla qazandı - Video
Dünya çempionu 31 yaşında karyerasını bitirdi
"Şəmkir" 2-ci oyunda da qalib gəldi
"Panatinaikos" Ruy Vitoriyanı istefaya göndərdi
"Benfika"ya qol vuracağımı hiss edirəm" - Leandro Andrade
“Mən sağ və salamatam”
"Qarabağ" və "Neftçi"nin sabiq məşqçisi istefaya göndərildi
1-ci liqada 3-cü turun oyunlarının saatı müəyyənləşdi
Misli Premyer Liqasında 6 oyunun hakimləri açıqlandı
“Benfika”nın baş məşqçisi “Qarabağ”la oyundan danışdı
FİFA-dan yeni qərar
"Qarabağ"la oyunu buraxa bilərlər
"İmişli"nin icraçı direktoru: "Texniki məğlubiyyət alsaq, apellyasiya şikayəti verəcəyik"
"Baş məşqçilik edə biləcəyim yeganə klub "Real"dır"
Levandovski 150-yə çatdı
AFFA rəsmisi UEFA Gənclər Liqasının oyununda
"Kəpəz" 1000-ci oyununa çıxdı
Amorim: "Dəyişmək fikrində deyiləm"
40 yaşında qol vurdu, 64 illik rekordu yenilədi
"Şamaxı" üçün əlamətdar oyun
Salahdan "Liverpul" tarixinin rekordu
“Turan Tovuz”da ilk
Dördüncü uğursuz start
Ronaldo Səudiyyə Ərəbistanında "Qızıl buts"a layiq görüldü
"Liverpul"un son dəqiqə qolu ilə qələbəsindən - Video
DÇ: Azərbaycanın daha 3 güləşçisi mübarizəyə başlayır
“Qarabağ” Lissabondadır - Şəkillər
“Fənərbaxça” “Trabzonspor”u tək qolla üstələdi - Video
Mançester derbisində 3 cavabsız qol - Video
Sərbəst güləşçilərimizdən üç medal - DÇ
Türkiyə millisi Avropa ikincisi oldu
"Şəki Siti"dən 12 qol, "Xankəndi"dən darmadağın
"Neftçi" - "Sabah" matçından - Video
"Oyunun nəticəsi ədalətli idi" - Valdas Dambrauskas
