10.11.25
20 yaşlı futbolçunuz Ağadadaş Salyanski barədə ictimai tənqidiniz heyrət doğurmaya bilməz.
Bir məşqçinin mətbuat konfransında məğlubiyyətə görə gənc futbolçusunu hədəfə alması sanki şouya hesablanan addımdır və ona başucalığı gətirən davranış deyil. Əksinə onun nüfuzunu zədələyən haldır. Birinci növbədə də komandanın daxilində.
Məşqçi böyüklük etməyi bacarmalıdır. Əgər o məşqçi həqiqətən məşqçidirsə.
Sizin ən azı Azərbaycan Premyer Liqasında bu gün işləyən heç bir həmkarınız media önündə öz futbolçusu barədə belə sərt tonda danışmayıb.
Sərt və yetərli təcrübəsi olmayan oyunçusunun “qol-qanadı”nı qıra biləcək formada.
Əksinə onlar zəif oynayan futbolçusunu jurnalistlər və azarkeşlər önündə müdafiə edib, lazım olan dərsi isə yalnız “mətbəx daxilində”, yəni “razdevalka”da verib.
Bu, bir məşqçi etikasıdır.
Sizə Qurban Qurbanovu, Rəşad Sadıqovu, Ayxan Abbasovu nümunə göstərə bilərəm. Onlardan öyrənin, ən azı böyüklə böyük, kiçiklə kiçik olmaq alicənablığını.
“Kəpəz”ə dünənki məğlubiyyəti Ağanın üzərinə atdınız. Günahkar axtarırsınızsa, özünüzü unutmayın. Bu, ağayana hərəkət deyil.
Yox, madam ki, günahkar axtarışı həvəsiniz fontan vurubsa, onda siz də bilməmiş deyilsiniz ki, “Neftçi”nin bütün bu uğursuzluqlarının səbəbkarı gənc və məsum oyunçu Ağa yox, klubun sayı-hesabı bilinməyən ağalarıdır…
Bir halda ki, dünən ürəyiniz açılmışdı, onda növbəti mətbuat konfransında onların barəsində çox demirəm, bircə cümlə danışa bilərsiniz?
Aydın Bağırov
Messi Hindistandan milyon dollarlıq hədiyyə ilə qayıtdı
"Real"ın futbolçusu son anda heyətdən çıxarıldı
"İnter Mayami" Suaresin müqaviləsini uzatdı
"Borussiya"sının hücumçusu İspaniya klubunun hədəfində
“Sumqayıt” qış hazırlıq planını açıqladı
"Barselona"nın "Ayntraxt"dan təzminat tələbi var
Meydanda ən çox vaxt keçirən futbolçular kimlərdir?
Ronald Arauxo yaşıl meydanlara geri dönür
Gənc futbolçu vəfat etdi
DÇ-2026 qalibi nə qədər mükafat alacaq? - Rekord məbləğ
Türkiyə klubu baş məşqçisi ilə yollarını ayırdı
Rövşən Nəcəf FİFA-nın Plenar Sessiyasına qatıldı
1-ci liqada 11-ci tur başladı
Messi "Atletiko"nun kapitanını istəyir
“Sabah” – “Qarabağ” oyununun hakimləri açıqlandı
Levandovski MLS yolunda
İbrahimoviçin oğlu "Milan"ın Superkubok üçün heyətində
Kiyev "Dinamo"sunun yeni baş məşqçisi məlum oldu
Azərbaycan klubları ötən il nə qədər gəlir əldə ediblər?
