29.08.26
Hə, elə həmin dəqiqə qara gündə olan futbolumuz ağ günə çıxacaq.
Onsuz da PFL-ə, yəni bizim çempionatı təşkil edən Peşəkar Futbol Liqasına indi nə gərək var ki?! Özünüz də görürsünüz, artıq futbolumuzun, çempionatımızın inkişafı yolunda AFFA-nın Klublar Komitəsi əlindən nə gəlirsə, edir.
Sağ olsunlar, dərk ediblər ki, 23 yaşadək futbolçuların maaşının çox olması onların inkişafının qarşısını alırmış, oyunçu gənc yaşda çox pul görəndə harınlayırmış. O komitəyə üzv olan klubları alqışlayırıq! Yatıb, 10 ildən sonra ayılmaları münasibəti ilə...
İbrətamiz bir şey!
İlk qərarlarından biri budursa, yəqin ki, bundan sonrakılar lap vulkan kimi püskürəcək.
İndi də üstüörtülü də olsa girişiblər çempionata. Neçə ildir öz işlərini (klubları, milli komandanı!) yarıdıblar axı. Premyer Liqanı da düzəldəcəklər. Sadəcə, dözün, geci-tezi var: 10 ilə, 20 ilə, bəlkə də 50 ilə...
Yetər ki, PFL ləğv olunsun! Çünki Azərbaycan futbolunun yeganə bir problemi varsa, demə, o da Ramin Musayevdir... Axı, az qala bələkdəki körpə də bilir ki, həmin Ramin Musayev...
... PFL prezidenti olduğu bu 7 ildə milli komandanın əl-ayağını bağlayaraq bir pillə belə irəli getməyə qoymayıb.
... Ölkə ictimaiyyətinin haqlı tələblərinin ziddinə gedərək, Qurban Qurbanovun millidə işləməsinin qarşısını alıb: əvvəl yararsız Foqtsu millidə saxlayıb, sonra yerinə məşqçi kimi ciddi bir uğuru olmayan Prosineçkini gətirib.
... Millini səviyyəsiz legionerlər yığınına çevirib.
... Futbolumuzun “inkişafı”na fərman verən həmin o komitənin üzvü olan klubların Avropada uğur qazanmasının qarşısını alıb.
... Klublar say-seçmə legionerlər alacaqmış, qoymayıb, neçə-neçə azərbaycanlı istedadlı futbolçular yetişdirəcəkmiş, qarşısını alıb.
... Sponsor şirkətlərin ayırdığı pulu mənimsəyib, büllur kimi saf olan klub rəhbərlərini çirkli işlərə cəlb edib.
Yəni uzun sözün qısası, biz bilmirmişik, futbolumuzda bütün səlahiyyətlər Ramin Musayevdə imiş. Kimdir axı, AFFA-nın prezidenti, onun yardımçıları yaxud da klub prezidentləri?..
Deməli, Ramin Musayev futboldan getməli, PFL də ləğv olunmalıdır.
Bax, o zaman...
... Futboldakı bütün özbaşınalıqlar aradan qalxacaq. Hər şey 1992-2008-ci illərdə necə gözəl idisə, elə də olacaq.
.. . Hakimlər PFL yaranmazdan əvvəl olduğu kimi, kimsədən rüşvət alıb hansısa komandanın evini yıxmayacaq.
... Premyer Liqanın oyunlarında stadionunun tribunaları adam əlindən aşıb-daşacaq!
... İnsanları futboldan iyrəndirən “Neftçi” və onun kimi digər klubların rəhbərləri qəfildən çönüb olacaq mələk. Hakimlərin başına and içəcəklər...
Çox şey dəyişək, çox şey dəyişdirəcəklər.
Amma lütfən, milli komandamızda da bir balaca dəyişiklik etsinlər. Gücləri çatırsa, bir balaca nəticələri dəyişsinlər. Çox şey istəmirik ki...
Aydın BAĞIROV
“İmişli”yə qayıtdı
“Fənərbaxça” və “Şaxtyor”dan heç-heçə
Məşhur futbolçuya qarşı şok ittiham
"Mançester Yunayted" - "Sabah": Heyətlər
"Zirə" - "Qarabağ" oyununun hakimi müəyyənləşdi
1-ci liqada 3 oyun keçirildi
Hakim Ziyeş rəsmən “Botafoqo”da
“Turan Tovuz” Aleksa Yankoviçi transfer etdi
Lamin Yamal Arda Gülerin rekordunu qırdı
"Fənərbaxça"nın sabiq futbolçusu karyerasını başa vurdu
“Sabah” UEFA Gənclər Liqasına ağır məğlubiyyətlə başladı
Fransa İnfantinoya dəstəyini geri çəkdi
Azərbaycan cüdoçularının ilk rəqibləri açıqlandı
Verdaskanın zədəsi ciddidir - "Kəpəz" açıqladı
Nəhəng kapitan internet qəhrəmanına çevrildi - Şəkil
Mendilibarı həmyerlisi əvəzlədi
"Mançester Yunayted" "Sahah"la yubiley oyununa çıxır
“Kamp Nou”da media sektoru yağış altında qaldı - Video
Jurnalist səhv etdi, Mourinyo düzəltdi
Yaya Ture bunu bacaran ilk afrikalı baş məşqçi oldu
"Olimpiakos" tarixi uğur qazanmış baş məşqçi ilə vidalaşdı
"Qarabağ"ın sabiq futbolçusu dünyasını dəyişib
"Hakim əleyhimizə işləyirdi" - Okan Buruk
Çempionlar Liqasının oyunları bu kanallarda
"Sabah"ın U-19 komandası da Mançester səfərində
Renat Dadaşovun yeni klubu açıqlandı
Yamal “Barselona”nın tarixinə düşdü
Zubir müqavilə bağladı və debüt etdi! - Şəkillər
"Qalatasaray"ın uğursuz startı - Video
Azərbaycan klublarının yay transferləri - Yenilənir
Ronaldo 979-cu qolunu vurdu
"Qalatasaray" məğlubiyyətlə başladı, PSJ-dən qol şousu - ÇL
“Barselona” “Feyenoord”u darmadağın etdi
Ramil Şeydayevin komandası məğlub oldu
“Fənərbaxça”dan Rusiya klubuna getdi
"Məğlubiyyət tamamilə mənim günahımdır"
Haaland ən yaxşı bombardirlərdən oldu
“Barselona” onu göndərməyə hazırlaşır
"Şahdağ Qusar" "Karvan-Yevlax"a qalib gəldi
Azərbaycan millisi Moldovaya məğlub oldu
