18.09.25
O çempionat və onu oyuncağa çevirən möhtərəm ağalar barədə, türk telekanallarının gurultulu anonsu olmasın, az sonra... Biz hələ ki, gedək İngiltərəyə, dünənki “Çelsi” – “Qarabağ” oyununa.
Hə, 0:6 istənilən komanda üçün çox pis məğlubiyyət, heç vaxt silinməyəcək bir qara ləkə kimidi. Nə qədər təmizləsən də, izi həmişə qalacaq. Amma bu məğlubiyyət ümummilli faciə deyil. Çempionlar Liqasında altı da yox, yeddi, hətta səkkiz top fərqi ilə uduzan komandalar olub. Son 4-5 ildə Avropanın tanınmış klublarından “Malmö” “Real”a 0:8, “Bazel” və “Şaxtyor” “Bavariya”ya 0:7, daha əvvəl - 2007/2008-ci il mövsümündə “Beşiktaş” elə İngiltərənin başqa bir təmsilçisi – “Liverpul”a 0:8 hesabı ilə uduzmayıbmı?
Gəlin, bir az sakitləşəyin. Qarşıda ÇL-də daha 5 oyunumuz var. Bu nəhəng yarışın, böyük komandalarla oyunlarımızın həyəcanını, zövqünü yaşayağın. Çünki bilmək olmaz, bu gedişlə bəlkə gələn ildən başlayaraq hələ uzun illər Çempionlar Liqasının qrupuna həsrət qalacağıq (məlum, artıq şərtlər dəyişir, qrupa düşmək yolu bizim çempion komanda üçün daha da çətinləşir).
***
Əlbəttə, Qurban Qurbanov özünün və futbolçularının səhvlərini yaxşı görür və bunu etiraf edir. Ümid edək, "Roma" ilə Bakıdakı oyuna qədər neçə vaxtdı havalı olan Şehiç özünə gələcək, ya da ehtiyat qapıçı Anton Kanibolotski əsas heyətə. Ümid edək, Ansi Aqolli o oyuna qədər zədəsini sağaldacaq. Yoxsa italyanlar da “Çelsi” kimi bizim sol cinahda at oynatmaqda davam edəcək. Ümid edək, “Qarabağ”ın müdafiə xətti daha dünənki qədər boşluqlar buraxmayacaq.
Və həm də ona ümid edək ki, bu gün “Qarabağ”ı nahaqdan topa tutan, futbolla yaxından maraqlanmayan əziz insanlarımız vaxt tapıb heç olmasa bir dəfə "Çelsi"nin özü və İngiltərə çempionatındakı oyunları ilə maraqlanacaqlar.
***
Bu yay “Çelsi” “Real”dan aldığı hücumçu Alvaro Morataya görə 80 milyon avro ödədi. 80 milyon avro bugünkü məzənnə ilə 162 milyon manat edir. 162 milyon manat isə indiki "Qarabağ"ın hardasa 10-12 illik büdcəsidi. İki komanda arasında bu və buna bənzər daha onlarla fakt sadalamaq olar. Amma təkcə bu bircə fakt yetərlidi ki, klublar arasında həm büdcə, həm futbolçu, həm səviyyə fərqini görə biləsən.
Lakin peşəkar futbolda klublar yalnız səs-küylü transferləri, futbolçuları, məşqçiləri, doğru idarəetməsi, güclü maliyyə dayaqları ilə yox, həm də iştirak etdiyi ölkənin çempionatının səviyyəsinə görə böyüyür, inkişaf edir.
İngiltərədə “Çelsi”nin iştirak etdiyi çempionatı Premyer Liqa adlandırırlar. Azərbaycanda “Qarabağ”ın iştirak etdiyi çempionatı da. Onlarda həmin yarışda 20 komanda oynayır, bizdə 8. Orda hər gün qabağa gedirlər, bizdə hər gün dala. Orda klublar özündən asılıdı, bizdə 8 komandadan 5-i federasiyadan. Oranın Ramin Musayevi “Mançester Yunayted”in işinə müdaxilə edə bilməz, amma bizim Ramin Musayev Tərlan Əhmədovu “Neftçi”yə gətirə bilər. Orda birinci diviziondan Premyer Liqaya çempion və vitse-çempionları buraxırlar, bizdə isə ancaq Rövnəq Abdullayevin oğlunun komandasını. Oranın AFFA-sı ilə PFL-i futboldan pul qazanır, bizim AFFA ilə PFL futboldan pul yeyir. Oranın Rövnəq Abdullayevi hər gün işə çıxır, bizim Rövnəq Abdullayev heç vaxt işə çıxmır (futbolda).
Orda “Çelsi” ilə rəqabət apara biləcək bəlkə 15 komanda var, bizdə “Qarabağ”la oynaya biləcək cəmi 1 komanda. Orda “Çelsi”nin hər oyununa 40 min adam gəlir, bizdə “Qarabağ”ın oyununa 500 adam. Ordakılar futbol məktəblərini öz ölkəsində, kəndində, kəsəyində açırlar, bizdəkilər yad və uzaq Almaniyada. Ordakılar klublar üçün futbolçuları İngiltərənin Tovuzunda axtarırlar, bizimkilər Dağıstanın Xasavyurtunda…
Orda Premyer Liqanı yaşadırlar, bizdə əzə-əzə məhv edirlər. Və bütün bu eybəcərliklərdən sonra sənin bir komandan AFFA-nın, PFL-in cənginə düşməkdən qurtulmağı bacarır, öz gücü ilə Çempionlar Liqasının qrupuna düşür. “Çelsi” ilə oynayır, sənə heç vaxt unutmayacağın bir futbol gözəlliyi yaşadır.
0:6-nı bir kənara qoyun, əsl futbolun dadını çıxarın, onu nəfəsinizə çəkin.
… Onsuz da bizim futbolda hər gün zəhər uduruq.
Aydın BAĞIROV
[email protected]
“Sumqayıt”ın Yankoviçi elə bir gözəl qol vurdu ki… - Video
Azərbaycan millisinin seçmə mərhələ üçün heyəti
“Qəbələ” “İmişli” səfərindən 1 xalla qayıdır - Video
Kaxaber Sxadadze: “Qışda heyətin güclənməsinə ehtiyac var”
Mahir Emreli yenə heyətdən kənarda qaldı
"Sumqayıt" - "Karvan-Yevlax": Heyətlər
Mbappe zədəsini sağaltdı
Xabi Alonsodan “Vilyarreal” – “Barselona” oyununa etiraz
Modriç "Real"a qayıda bilər
"Böyük hesablı qələbə gözləmirdik" - "Kəpəz"in futbolçusu
"Neftçi" Abubakarın transferini açıqladı
"İmişli" - "Qəbələ": Heyətlər
"Karvan-Yevlax" üçün yeni avtobus alındı - Şəkillər
2035-ci ildə pauza götürəcək
Mançini “Mançester Yunayted”in yeni baş məşqçisi ola bilər
Bir dəli quyuya daş atıb, qırx ağıllı yığışıb çıxara bilmir…
“Qarabağ” “Atletik”ə qalib gəlməyə qadirdir” - Koxalski
Ukraynada “layk” qalmaqalı
PSJ öz meydanında xal itirdi
Renat oynamadı, komandası uduzdu
“Hədəfimiz Bilbaoda 3 xal qazanmaqdır” - Kamilo Duran
“Barselona” Lamin Yamalın həyat tərzindən narahatdır
“Qarabağ”ı liderliyə yüksəldən qələbə - Video
“Qarabağ” kimi komandaya qarşı oynamaq çətindir” - Berdiyev
Qurban Qurbanov: “Atletik” taktiki baxımdan güclüdür”
Yankoviç qayıtdı!
Yayda “Mançester Yunayted”dən ayrıla bilər
“Fənərbaxça”nın futbolçusu Braziliyaya qayıdır?
1-ci liqada 5-ci tura yekun vuruldu
“Kəpəz”in mövsümdə ilk qələbəsinin - Videosu
“Turan Tovuz” - “Qarabağ”: Heyətlər
Ayxan Abbasov: "Belə qırmızı vərəqələri bağışlamıram"
"Neftçi"nin sabiq futbolçusu ilə yollar ayrıldı
İngiltərə Premyer Liqası oyunçularının fantastik dəyəri
Azərbaycan millisi FİFA reytinqində irəliləyib
Ayın ən yaxşı qolunun müəllifləri mükafatlandırıldı
“Çelsi”nin ulduzu “Qarabağ”la oyunu buraxacaq
