12:05
“Sabah”ın polşalı müdafiəçisi Timoteuş Puxaç Misli Premyer Liqasının 5-ci turundan "Şəfa"ya qarşı matçdan (3:0) sonra jurnalistlərin suallarını cavablandırıb
– Oyun barədə nə deyə bilərsiniz?
– Bəli, yaxşı iş gördük. Rəqibə yuxarıdan aşağı baxmadıq və üç xal qazandıq. Qapımızı toxunulmaz saxlamağımız da çox vacibdir. Amma deyim ki, möhkəm komandadır. Gücə əsaslanan futbol oynayırlar, müdafiədə yaxşı təşkilatlanıblar, xüsusilə də ilk dəqiqələrdən.
– Onları nəyin hesabına məğlub etdiniz?
– Yüksək ustalığa malik futbolçularımız rəqibi üstələməyin və qol vurmağın yollarını tapdılar. Nəticədən razıyıq. İndi məşqlərimizi və “İmişli” ilə oyuna hazırlığımızı davam etdirəcəyik. Bütün diqqətimizi Azərbaycan Premyer Liqasına və Çempionlar Liqasına yönəltmişik.
– Çempionlar Liqasından sonra Premyer Liqa oyunlarına köklənmək çətin deyil?
– Mənim üçün yox. Ötən il bizə çempionluğu məhz belə oyunlar qazandırdı. Çempionlar Liqasında oynamaq “Qarabağ” və ya “Neftçi”yə qarşı matçlardan heç nə ilə fərqlənmir. Həmişə üç xal uğrunda mübarizə aparırsan. Üç xal elə üç xaldır, başqa cür olmur. Buna görə diqqəti qorumaq vacib idi və biz bunu bacardıq.
– “Mançester Yunayted”lə səfər oyunundan (0:4) sonra Çempionlar Liqasının əsas mərhələsinin səviyyəsi barədə nə deyə bilərsiniz?
– Açığı, oyunu əhatə edən hər şey – azarkeşlər, himn və sair, əlbəttə, möhtəşəmdir. Amma sonda meydana 11 nəfər 11 nəfərə qarşı çıxır. Mənim üçün “Mançester Yunayted”lə, yoxsa “Şəfa” ilə oynamağın fərqi yoxdur. Mən maksimumumu göstərməliyəm. Bütün bu ab-hava azarkeşlər üçündür, futbolçular üçün yox. Futbolçular meydana və yalnız meydana köklənməlidirlər. Baxmayaraq ki, səviyyə, şübhəsiz, fərqlidir. Dünyanın ən yaxşı komandalarından və ən yaxşı futbolçularından bəzilərinə qarşı oynayırıq.
– Meydanda fərqi hiss etdiniz?
– Onların dəyəri yüz milyonlarla avrodur və bu, ustalıqlarından görünür. Amma yenə deyirəm, fərq yoxdur. Hər üç gündən bir meydana çıxıb oynamaq və nəticə göstərmək lazımdır. İndi Premyer Liqadakı növbəti rəqibimizi gözləyirik.
– Siz “Zirə”ni 5:0 hesabı ilə məğlub etdiniz, “Qarabağ” isə onlarla 1:1 hesablı heç-heçə etdi. Bu haqda nə deyərdiniz?
– Mənim üçün bunun əhəmiyyəti yoxdur. Mənim komandam “Sabah”dır. Yalnız öz nəticələrimizə köklənmişəm. Digər komandaları izləmirəm. Kimin hansı nəticəni göstərməsi mənim üçün önəmli deyil. Məni yalnız “Sabah”ın nəticəsi maraqlandırır.
AFFA "Kəpəz"i cərimələdi
PSJ-də itki
Kivu: "Mükəmməl deyilik"
8 həftə oynamayacaq
Rüfətin komandası uduzdu
Mbappe sabiq klubuna təzminat ödəyəcək
"Fərqi yoxdur, "Mançester Yunayted"dir, ya da "Şəfa" - Video
"İlk qolu buraxana qədər oyundan razı idim" - Zaur Həşimov
Çempion debütantı belə məğlub etdi - Video
40 yaşlı Serxio Ramos Premyer Liqa klubuna keçə bilər
"Sabah" "Şəfa"ya qalib gəldi
"Aparıcı klublarda keyfiyyətli hücumçu yoxdur"
Azərbaycan millisi Moldovaya məğlub oldu
“Neftçi” onunla yolları ayırdı
"Epizodu 20 dəfə izləmişəm, penalti qərarını anlamadım"
Baş məşqçi komandaya gəlməsinə razılıq vermədi
2-ci liqada 3-cü tura yekun vuruldu
“Bavariya” əvvəl konteynerə girdi, sonra oyuna çıxdı - Video
“Şəfa” - “Sabah”: Heyətlər
Runi Mançester derbisinin hakimliyini sərt tənqid etdi
Azərbaycanı Avropa çempionatında təmsil edəcək boksçular
"Neftçi" onunla müqaviləni uzatdı
Marselo Qalyardo rəsmən Ekvador millisində
“Sumqayıt” rəhbərliyinin uğursuz seçim fəlsəfəsi
“Qalatasaray”a "yox" dedi
