18:21
İngiltərə millisinin sabiq hücumçusu Ueyn Runi Çempionlar Liqasında “Qarabağ”la 2:2 hesablı heç-heçədən sonra “Çelsi”nin baş məşqçisi Enzo Mareskanın heyət seçiminj tənqid edib.
Mareska həmin qarşılaşmada start heyətində 7 dəyişiklik etmişdi. O, ardıcıl beşinci oyunda eyni sayda royasiya edib.
QOL.az “ESPN”ə istinadən xəbər verir ki, Runi “The Wayne Rooney Show” proqramında deyib:
“Futbolçular oynamaq və meydanda bir-birlərini daha yaxşı anlamaq istəyirlər. Əgər sən daim heyəti dəyişirsənsə, oyunçular bundan narazı qalacaq. Məncə, bu, gec-tez öz mənfi nəticəsini göstərəcək. Əgər komanda daim qalib gəlirsə, buna heç kim irad tutmaz. Amma nəticə yoxdursa, suallar verilməlidir".
“Mançester Yunayted”in keçmiş hücumçusu həmçinin “Çelsi”nin liderlərinj Mareskanın qərarlarını onunla müzakirə etməyə çağırıb:
“İndi əksər klublarda lider oyunçulardan ibarət qrup olur. Onlar birlikdə məşqçiyə sual verməlidirlər. Bəziləri bunu “oyunçu hakimiyyəti” adlandırır, amma bu elə deyil. Əgər komandanın heyəti hər dəfə dəyişirsə, bu, narahatlıq doğurur. Mən o qrupda olsaydım, komanda yoldaşlarımla danışıb deyərdim: “Baxın, bu vəziyyətdən razı deyiləm”.
“Çelsi”nin baş məşqçisi Enzo Mareska Ueyn Runiyə cavabı gecikməyib. İtaliyalı mütəxəssis deyib:
“Artıq dəfələrlə demişəm ki, biz elə bir dövrdə yaşayırıq ki, hər kəs istədiyini deyə bilər. Buna hörmətlə yanaşıram, amma “Qarabağ”la oyundan sonra da qeyd etmişdim ki, komandaya gəldiyim gündən bəri futbolçuların rotasiyasının vacibliyinə inanıram və heç kim bu səbəbdən qələbə qazana bilmədiyimizə görə şikayətlənməyib.
Məncə, rotasiyada Andrey Santos (Braziliya yığmasının üzvü), Yorrel Hato (Niderland yığmasının üzvü) və Estevao (Braziliya yığmasının üzvü) kimi oyunçular iştirak edirsə, məsələ rotasiyada deyil. Onlar yaxşı, istedadlı və gəncdirlər. Təbii ki, gənc futbolçuların daha yaxşı olmaları üçün bir neçə səhv etməyə imkanları olmalıdır”.
Mbappe sabah oynayacaq?
Şamaxıda vurulan 6 qol - Video
"Qarabağ"ın prezidenti "Neftçi"yə təşəkkür etdi
"C Liqasına qayıdacağımıza inanıram” - Ayxan Abbasov
Benzemaya görə matçlara çıxa bilməyəcəklər
UEFA Millətlər Liqasının püşkü atıldı
"Atalanta"nın futbolçusu sıradan çıxdı
Millimizin rəqibləri bəlli oldu - Millətlər Liqası
"Qarabağ" – "Nyukasl" matçına nə qədər bilet satılıb?
"Neftçi" - "Qarabağ" oyunu təxirə salındı
“Zirə” millinin üzvünü heyətinə qatdı - Rəsmi
Məşhur məşqçi oyun zamanı huşunu itirdi
UEFA-dan avrokuboklara qatıla bilməyən klublara böyük dəstək
Balotelli yeni klubunda irqçi təhqirlərə məruz qaldı
1-ci liqada 14-cü turun ilk matçları baş tutdu
"Fənərbaxça"nın rəqibi 3-cü dəfə baş məşqçisini qovdu
Messiyə görə matç təxirə salındı
"Real"da ciddi itkilər var
Ayın ən yaxşı qolunun müəllifi mükafatlandırıldı
"Sumqayıt" hücumçu transfer etdi
