21.06.20
Adamdan soruşarlar, sən öz azarkeşinə cəmi 1 manata bilet satıb stadiona gətirə bilmirsən (hətta çox vaxt pulsuz da!), oyunun yayımını telekanala 50-100 minə necə satacaqsan və o oyun kimin üçün göstəriləcək?
Azərbaycan futbolu ilə azdan-çoxdan maraqlanan adamlar bilirlər ki, bu yaxınlarda AFFA Klublar Komitəsi adında bir qurum yaradıb. Bu komitənin Peşəkar Futbol Liqasına alternativ olduğu şübhə doğurmur. Deyirlər ki, komitənin fəaliyyəti Premyer Liqamızdakı problemləri yoluna qoymağa yönəlib.
Çox gözəl! Amma gəlin, öncə komitənin üzvlərinə, Azərbaycan futbolunun problemlərini çözmək iddiasına düşmüş şəxslərə baxaq. Başlayaq komitənin rəhbərindən. Tuyqun Nadirov, başqa sözlə, “Xəzər Lənkəran” klubu... Bu klubun rəhbərliyi son 6-7 ildir hələ öz problemlərini həll edə bilməyib, az qala, üç aydan bir məşqçi dəyişir, bu halda onların Azərbaycan futbolunda kök salmış problemi nə cür yoluna qoyacağı həqiqətən maraq doğurur.
Keçək digər klublara. İçlərində hələlik bir balaca “Qarabağ”ı fərqləndirmək olar: hər halda, pis-yaxşı, ortada builki Avroliqakı uğurlu nəticə var. Qalan bütün klublarda işlər tam olaraq yerində deyil. Komitənin sədri “Xəzər Lənkəran”da hansı problemlər varsa (idarəçilik və sair.), üzvlər olan klublarda da eyni və ondan daha artıq nöqsanlar mövcuddur.
Bu komitə yeni yarandığından hələlik real olaraq bir iş görməyib. Amma faəliyyətə başlayan kimi az qala PFL, çempionatın sponsoru olan Topaz və Hakimlər Komitəsinə savaş elan edib. Təbii, AFFA-nın hazırkı rəhbərliyi də prosesləri kənardan dəstəkləyir. Futbol çinovniklərinin üstüörtülü davasını (haqlı, ya haqsız) bir kənara qoyub, gələk Klublar Komitəsinin çempionatın teleyayımı ilə bağlı irəli sürdüyü gülməli təklifə.
Komitə bildirir ki, ola bilər, çempionatın yayım hüququ klublara verilsin, onlar isə yayım işlərini həll etdikdən sonra hazır siqnalı klublara satsınlar. Əslində normal futbol ölkələrində belədir. Klub yayımı satır, telekanal isə alır. Amma nəzərə alanda ki, Azərbaycan hələ də normal futbol ölkəsi olmağı bacarmayıb, onda ortaya sual çıxır: bizim klubların oyununu hansı ağıllı öz cibinin pulu ilə klublardan alacaq?
Xaricdə telekanal klubdan oyunun yayımını ona görə alır ki, onun izləyicisi çox olur, telekanal futbol matçının yayımından təkcə reytinq deyil, həm də pul qazanır. 1992-ci ildən üzü bəri, düz 22 ildir keçirilən milli çempionatlarımızın tarixində isə indiyədək hələ heç bir kanal bir qəpik pul verərək yayımı almayıb. Əmin olun ki, bu gedişlə qarşıdakı on ildə də almayacaq! Görəsən, Klublar Komitəsində bu təklifi irəli sürən adam(lar) normal olaraq fikirləşib ki, məsələn, özəl kanalda düşük aparacının mağar toyunu xatırladan bir proqramını izləyənlərin sayı onların bütün mövsümboyu – 8-9 ay ərzində tamaşa edənlərdən çoxdur? Uzağa getməyə nə gərək, elə o təklifi irəli sürən və dəstəkləyən klubların əksəriyyəti öz günahları ucbatından Premyer Liqadakı oyunları zamanı bomboş qalmış tribunalara baxsınlar. Adamdan soruşarlar, sən öz azarkeşinə 1 manata bilet satıb stadiona gətirə bilmirsən (hətta çox vaxt pulsuz da!), oyunun yayımını telekanala 50-100 minə necə satacaqsan və o oyun kimin üçün göstəriləcək?
Çempionatı bir kənara qoyaq, indiyədək Avropa kuboklarında oynamış klublarımızdan hansı (qrupa vəsiqə qazanan “Neftçi” və “Qarabağ”ın UEFA-dan yayıma görə əldə etdiyi gəlir xaric) təsnifat mərhələsində oyunlarını kanallara sata biliblər?
Təbii ki, heç biri. Bu klublar indi yeri gəlsə hələ “İdman Azərbaycan”a və çempionatın sponsoru “Topaz”a sağ ol deməlidilər ki, heç olmasa hər tur 1-2 oyunu təmənnasız göstərirlər. Kimsə yayımlanan oyunların azlığından şikayət edə bilər. Amma gerçəklikləri də nəzərə alaq. Məsələn, elə klub var, hələ də sadəlövhcəsinə inanır ki, dövlət televiziyası və ya başqa bir kanal pul verib yayımı alacaq. Amma normal olaraq fikirləşmir ki, sənə kütləvi maraq varmı? Varsa, niyə stadionun tribunalarını ağzınadək demirik, heç yarıyadək doldura bilmir?
Klublar Komitəsi birinci belə suallara cavab tapmalıdır. Amma nə qədər ki, o suallar açıq qalıb, problemlər həllini tapmayıb, kluba da, oyunlarına da heç bir kanal yaxın durmayacaq.
Aydın BAĞIROV
_22.01.19.jpg)
Hazard məşqlərə başladı
Özil qərarını verdi
"Sabah"dan 6-cı transfer
"Mançester Siti"dən darmadağın - Video
"Liverpul"u tərk edir - Rəsmi
"Trabzonspor"a çempionluq yolunda zərbə
Bu da Boltun qızı - Şəkillər
Türkiyə Superliqasında yeni mövsüm nə vaxt başlayacaq?
"Leyptsiq"də yeni hücumçu
"Tottenhem"in futbolçusuna 4 oyunluq cəza
Daha 542 nəfərdə koronavirus aşkarlandı
Vaqner Lav müqavilə imzaladı
Qrizmann "Barselona"da qalır
Kubokun qalibinin 5 futbolçusu koronavirusa yoluxdu
"Neftçi" Rəhmanı bu kluba icarəyə verdi
Yığmamızın futbolçusu “Zenit”də
PFL "Neftçi" və "Keşlə"ni mükafatlandırdı - Şəkillər
"Benfika"da yeni baş məşqçi
5 əvəzetmə qaydasının müddəti artırılır
"Qəbələ"də 10 seriya
“Latsio”nun futbolçusu rəqibini dişlədi – Şəkil
Rüfət Dadaşovun 3 komanda yoldaşı koronavirusa yoluxdu
Qurban Qurbanovun seçimi
"Azərbaycanda qazandıqlarımı burada bacarmadım" - Flavinyo
"Başakşəhər" çempionluğa doğru - Video
"Milan"dan möhtəşəm geridönüş - Video
"Yuventus" "Milan"a, "Latsio" "Leççe"yə uduzdu
"Arsenal" "Lester"lə heç-heçə etdi
Lider xal itirmədi
