Molde Norveçin cəmi 30 min əhalisi olan kiçik şəhərlərindən biridir. Deyilənə görə, bura qızıl gülləri, caz festivalı, bir də şəhərin adını daşıyan futbol klubu ilə məşhurdur.
Futbol klubu - “Molde”.
Tanış rəqib.
Yaddan çıxmayıb, cəmi 2 ay əvvəl bizim “Qarabağ” Bakıda onları Leando Andradenin qolu ilə 1:0 hesabı ilə məğlub etmişdi. Bu gün hər iki komandanın təkrar oyunu var. Gözləntimiz “Qarabağ”ın ən azı uduzmamasıdır. Qurban Qurbanov və komandasının da minimum hədəfi elə budur: ən azı 1 xal.
Onda hər şeyi Bakıda qrup autsayderi “Hekken”lə (İsveç) son matça saxlamaq olar. Bugünkü mümkün qələbə isə son turun nəticəsindən asılı olmayaraq artıq “Qarabağ”ı və bütövlükdə Azərbaycan futbolunu tarixində ilk dəfə Avropa Liqasının 1/16 final mərhələsinə çıxaracaq! Çalışmışam ki, oyun necə bitəcək, kim qalib gələcək kimi qəti fikir yürütməyi özümdən həmişə uzaq edim. Odur ki, təxmini bir kənara qoyub reallığa qayıdıram.
…Reallığa. Moldenin hava limanına…
Baxırsan bapbalaca bir aeroportdur. Amma o bapbalaca aeroportda insan zəkasının yaratdığı fenomenal əsərə şahid olursan. Hava limanı dənizin düz kənarında tikilib. Təyyarənin eniş zolağı həm də həmin dənizin sahilidir.
Və bu hava limanına güman ki, ilk dəfədir Azərbaycandan təyyarə enir. Onların arasında bir qrup jurnalistimiz də var. Yeri gəlmişkən, dəvətə görə “Qarabağ” klubunu, media nümayəndələrinin bütün təşkilati xərclərini öz üzərinə götürən ETOPAZ şirkətini və şəxsən Altay Əliyevi minnətdarlıqla qeyd edirəm. Və qayıdıram yenə həmin bizim o təyyarəyə ki, onun qapıları açılır və trapdan ayağımızı yerə basan kimi özümüzü həqiqətən dünyanın ən soyuq ərazilərindən olan Skandinaviya torpağında hiss edirik. Bakının 10 dərəcə istisindən Moldenin 5-6 dərəcəlik şaxtasına enmişik axı. O soyuq, o sazaq da hamımızın canına hopub təbii ki. Yəqin elə bunun, bu soyuğun insan bədənində yaratdığı titrəmənin təsirindəndir ki, ətrafdan klassik azərbaycanlılara xas tanış səslər gəlir:
- Xəngəl havasıdır, xəngəl havası…
***
Bayaqdan, hardasa 15-20 dəqiqədir Qurban Qurbanov başını aşağı salaraq gözləmə salonunda o yana, bu yana var-gəl edir. Əlbəttə, nəyi düşündüyünü özü daha dəqiq bilir. Amma o düşüncülər arasında “Qarabağ”ın bugünkü oyununun qayğılarının olduğunu söyləmək də mümkündür.
O gözləmə salonundan çöldə isə Moldedir, Norveçin və Avropanın onlarla kiçik şəhərindən biri. Və bu şəhərə ayaq basanda mənim diqqətimi ilk o məqam cəlb edir ki, bura gecə, qaranlıq lap erkəndən gəlir. Dəqiqləşdirim: yerli vaxtla saat 16:00-16:30 arasında. İndi bu sətirləri yazarkən isə səhər saat səkkizə on dəqiqə işləyib və hələ də ətraf qaranlıqdır…
Otel otağımın pəncərəsindən baxanda - 150-200 metr o tərəfdə dənizin olduğunu yalnız hərəkətdə olan gəmi sayəsində bilmək olur. Amma əlbəttə, bir azdan hava da açılacaq, ətrafa gün də saçacaq, sonra gecə yenə düşəcək. Və bəlkə məhz elə bu gecə “Qarabağ”ın qazanacağı növbəti uğur qaranlıq futbolumuz üçün bir işığı da uzaq Moldedə yandıracaq?..
Düzdür, bunlar hələlik romantika, arzudur... Amma həm də deyil. Məgər, “Qarabağ”ın Avropada açılan böyük yolu elə həmin Norveçdən - “Rusenborq”la ilk oyundan başlamamışdımı? Amma indi, bu dəqiqə, nə desən, nə yazsan yenə təxmindir. Ona görə də, bəli, yenə qayıdaq reallığa.
* * *
Üzümüzə baxan kimi, ingilis dilində mehribanlıqla soruşur:
- Azərbaycandan gəlmisiniz?
Restoranın barında əyləşən orta yaşlı bir norveçlinin qəfil sualı bizi təəccübləndirməyə bilmir. Amma gülərək də qəbul edirik ki, bu məkanda sarışın olmayan bir bizik. Və sonradan öyrənirik ki, bu şəhərə yad ellərdən təyyarə elə əsasən “Molde”nin oyunları zamanı, onun rəqibini gətirərkən enir. Bundan da şəhərdə xəbər tutanlar da olur.
Bir də onu öyrənirik ki, həmin bu norveçli elə bu restoranın sahibidir, özünün dediyinə görə, Bakıda keçirilən “Eurovision” yarışmasını (2012) Azərbaycana gələrək canlı da izləyib. Sonra bununla bağlı şəkli də göstərir. “Eurovision” iştirakçılarından olmuş müğənnimiz Safura Əlizadənin çıxışını bəyəndiyini söyləyir. “Drip-drop” əla mahnı idi” deyir. Və bu norveçli centlmen azərbaycanlılara münasibətinin isti olduğunu nümayiş etdirmək üçün bizim masaya restoran adından bir içki də göndərir.
İndi belə yerdə necə demək olar ki, avropalılar soyuqdur, qonaqpərvərlikləri yoxdur?
* * *
Bu gün bu şəhərin miqyasına görə ən böyük qonağı “Qarabağ”lı oğlanlardır. Axşamkı oyunu Moldedə maraq və həyəcanla gözləyirlər. Çünki 2 top fərqi ilə qalib gələcəyi halda “Molde” artıq bu gün Avroliqanın pley-off mərhələsini təmin edəcək…
“Qarabağ”a 4:1 hesabı ilə qalib gələcəyik”. Həmin restoran sahibi deyir bu sözləri. Əlbəttə, vətənpərvər norveçli olaraq onun özü üçün belə gözəl xəyal qurması başadüşüləndir. Amma necə deyərlər, futbolu hisslər yox, peşəkarlar oynayır.
Peşəkarlar… Peşəkar oyunçular.
Oyunçu(muz) aparsın!
Aydın Bağırov,
Molde, Norveç
"Borussiya" PSJ-yə qarşı
31 oyunda 35 qol - Video
"Şəfa"nın "Dinamo"ya qalib gəldiyi oyun - Video
Azərbaycanın iki idmançısı Paris-2024-ə vəsiqə qazandı
"Mançester Yunayted" Reşfordu 70 milyona satmağa hazırdır
"Mbappe ilə finalda qarşılaşsaq, onu əzəcəyəm" - Rudiger
“Şahdağ Qusar” - “Füzuli” matçında 6 qol - Video
"Barselona"da qalmaq qərarımın səbəbi sadədir" - Xavi
"Şəfa" və "Qusar"dan qələbə
“Araz Saatlı”nın məşqçisinə 2 oyunluq cəza
Van Persi Niderland klubu ilə razılığa gəldi
"Barselona" hücumçusunu icarəyə verəcək
PSJ-nin Luis Enrike qərarı
Levandovskidən "Barselona" tarixinin rekordu
"Hamı mənə dəstəkdir" - Musa Qurbanlı
"Fire League"da qrup mərhələsi başa çatdı
Almaniya təmsilçisinin futbolçusu gecə klubunda döyüldü
Azərbaycan U-21 millisi yoldaşlıq oyunu keçirəcək
"İnter" iki futbolçusu ilə müqaviləni uzadır
"Borussiya" - PSJ oyununun hakimləri bilindi
Ronaldo Braziliya klubunu satdı
Acun alacağı yeni klubun adını açıqladı
İdman direktoru baş məşqçi təyin olundu
Yunanıstan mediası Terimin istefaya göndəriləcəyini yazır
Arda: "Real" mənə Modriçin varisi olacağımı dedi"
"Qarabağ" - "Neftçi" oyununun stadionu dəyişdirildi
Rəşad Sadıqovun ittihamı kimlərə yönəlib? - Video
"Mançester Yunayted"də qalacaqlar
"Bavariya" - "Real" oyununu göstərəcək kanallar
Levandovski: "Bu yay "Barselona"dan ayrılmağım mümkün deyil"
Azərbaycan millisinin üzvündən qol ötürməsi - Video
"Lester" çempion oldu
“Barselona”dan əzmkar qələbə
A seriyasında 34-cü tura yekun vuruldu
Cəlalın komandası qələbəni əldən verdi - Video
“Bavariya” – “Real” oyununa hakim təyinatları müəyyənləşdi
"Prinsipim Rəşad Sadıqovla deyil" - Elmar Baxşıyev
"Real" "Bavariya" ilə oyun üçün iştirak ərizəsini açıqladı
"Araz-Naxçıvan" "Zirə"yə belə qalib gəldi - Video
“Zirə” “Araz Naxçıvan”a uduzdu
Mehriban Əliyeva Avropa çempionunu təbrik etdi
"Bakı Sportinq"im 5 cavabsız qolu - Video
Liderdən darmadağın, "Cəbrayıl"dan qələbə
"Zirə" - "Araz-Naxçıvan": Heyətlər
"Milan" müdafiəçisi ilə yolları ayırır
"Yalnız birlikdə uğur qazana bilərik” - Filip Ozobiç