29.08.26
Çönüb geriyə baxanda xoş və naxoş mənzərələr gözümün önündən elə sürətlə ötüb gedir ki...
Qələbələr, uğursuzluqlar.
Bir komandanın, bir futbolçunun, bir klubun əsl qəhrəman kimi göyə qaldırılması, sonra o qəhrəmanın bir anın içində göydən yerə vurulması.
Cəmi ikicə ayın içində nə görmədi ki, bu komanda.
Komanda və Qurban Qurbanov.
Həm sədaqət, həm nankorluq.
Həm vəfa, həm vəfasızlıq.
Amma zəfərin açarı səbrdir deyiblər.
Səbr.
Qurban Qurbanovda olan səbr.
"Qarabağ"ı "Qarabağ" edən səbr...
"Qarabağ"ı Azərbaycanın hüdudlarını da aşaraq Avropada nüfuz, hörmət sahibi edən səbr.
Azərbaycanın... Futbolu olmayan, futbolu ilə futbol oynanılan Azərbaycanın.
"Olimpiya"nın (Sloveniya) portuqalıyalı baş məşqçisi 1 həftə əvvəl necə söyləmişdi?
"Qarabağ"ın qapısına penalti ona görə təyin edilmədi ki, o, Avropada görkəmli komandadır..."
Sözə bax - "Görkəmli komanda".
Eyni şeyi vaxt vardı həmin Qurban Qurbanov "Çelsi", "Roma" barədə deyirdi.
Əlbəttə, "Qarabağ" "Çelsi" deyil. "Roma" da deyil. Amma "Qarabağ" illərdir Avropanın qəbul və hörmət etdiyi, hesablaşdığı bir komanda, klubdur.
***
Təyyarəyə minəndə kefimi soruşur. Çox məyusam deyirəm. Bir neçə saat əvvəl Polşada "Rakov"la matçda udmalı, ən azı heç-heçə etməli oyunda uduzub "Qarabağ". Əminəm ki, ilk, bəlkə də sonuncu dəfədir futboldakı bir nəticə əhvalıma bu qədər çox mənfi təsir edir.
4-5 saatlıq yolçuluqdan sonra ölü bir sükut içində Bakıya enirəm. Onda hiss edirəm ki, kimsə əlini çiynimə qoyub bərk sıxır. Özünəxas nəzakəti, insani mədəniyyəti var Qurban Qurbanovun.
"Kefini pozma, hər şey yaxşı olacaq..." deyir. Deyir və başı, qəddi dik halda aralanıb sərhədi keçir.
Sərhəd. Sərhəddən o tərəf. Bakı, Azərbaycan...
Burda adamlar var, hələ də sadəlövhcəsinə elə düşünürlər ki, qələbə üçün zaman anlayışı yoxdur, pulun varsa bəsdir, o, istədiyin anda göydən zəmbillə düşəcək. İş görmədən, zəhmət çəkmədən, rəqibin hansı futbol gücünə malik ölkəni təmsil etməsinə baxmadan...
Amma zaman "səbr edin, gözləyin" deyir. Səbr edib gözləyəndə isə qələbələr də gəlir, haqlı və haqsız narazılıqlar, incikliklər də aradan qalxır və...
... "Qarabağ" gəlib yenidən Avropa Liqasının qrupuna düşür.
Aydın Bağırov
AFFA "Kəpəz"i cərimələdi
PSJ-də itki
Kivu: "Mükəmməl deyilik"
8 həftə oynamayacaq
Rüfətin komandası uduzdu
Mbappe sabiq klubuna təzminat ödəyəcək
"Fərqi yoxdur, "Mançester Yunayted"dir, ya da "Şəfa" - Video
"İlk qolu buraxana qədər oyundan razı idim" - Zaur Həşimov
Çempion debütantı belə məğlub etdi - Video
40 yaşlı Serxio Ramos Premyer Liqa klubuna keçə bilər
"Sabah" "Şəfa"ya qalib gəldi
"Aparıcı klublarda keyfiyyətli hücumçu yoxdur"
Azərbaycan millisi Moldovaya məğlub oldu
“Neftçi” onunla yolları ayırdı
"Epizodu 20 dəfə izləmişəm, penalti qərarını anlamadım"
Baş məşqçi komandaya gəlməsinə razılıq vermədi
2-ci liqada 3-cü tura yekun vuruldu
“Bavariya” əvvəl konteynerə girdi, sonra oyuna çıxdı - Video
“Şəfa” - “Sabah”: Heyətlər
Runi Mançester derbisinin hakimliyini sərt tənqid etdi
Azərbaycanı Avropa çempionatında təmsil edəcək boksçular
"Neftçi" onunla müqaviləni uzatdı
Marselo Qalyardo rəsmən Ekvador millisində
“Sumqayıt” rəhbərliyinin uğursuz seçim fəlsəfəsi
“Qalatasaray”a "yox" dedi
"Qarabağ"ın yeni transferi: "Bu qərarı baş məşqçi verir"
Mourinyo Arda Güleri təriflədi: "Fantastik potensial"
Nə Azərbaycanda işi yarıtdı, nə də Serbiyada
