27.02.26
Oxucuların yadında qalar. Bir müddət əvvəl Zlatan İbrahimoviç Rusiyadakı dünya çempionatında oynamaq istədiyini deyəndə FİFA elə titrədi ki, elə bil bunlara neçə min voltluqsa tok qoşublar.
Dedilər, İbranın hansısa bukmeyker kontoru ilə müqaviləsi var, olmaz. Hamının anlayacağı dildə ifadə etsək, FİFA-ya görə, isveçli futbolçu gizli sövdələşməyə gedərək oyunlardan “çirkli pullar” əldə edə bilər. FİFA İbrahimoviçin bu əməkdaşlığını qabartmaqla guya “futbol qumarı”na qarşı olduğunu göstərdi. Futboldan başı çıxmayan naşı adamlara da elə görünə bilərdi ki, doğrudan da, bu dünyada FİFA qədər ikinci təmiz bir qurum yoxdu.
Bəs, əslində həqiqət necədi?
Birbaşa faktlara keçək. Lap yaxın tarixdə, bir neçə il bundan əvvələ qədər bütün dünyanın gözü qarşısında “Real” və “Milan” kimi klublar nəhəng bukmeyker şirkətlərindən olan “Bwin”i maykasında reklam edirdi. Başqa sözlə, ən yekə qumar oynadanlar bu iki böyük klubun sponsoru idi. Onda FİFA, yaxud UEFA nə edirdi? Səssiz-səmirsiz “Real”ın, “Milan”ın oyunlarını müşahidə edirdi. Deyən də yox idi ki, sən niyə futbol qumarbazlarını reklam edirsən? Ən əsası bukmeyker şirkətini reklam edənlər sabah elə həmin şirkətin diqtəsi ilə çirkli oyunlarda iştirak etməzmi?
Bunu FİFA, yaxud UEFA soruşdumu? Yox!
Klublara cəza verən oldumu? Yox!
Bizim çempionatın isə rəsmi sponsoru bukmeyker şirkətidi. Buna görə AFFA-ya, yaxud PFL-ə nəsə deyən olurmu? Yenə də yox!
İndi ortaya sual çıxır - niyə?
Ümumi dünya futbolunda gedən gizli oyunlar təsdiq edir ki, futbol qumarında böyük pullar – yüz milyonlar, milyardlar qazanılır və əlbəttə, o pullardan FİFA rəsmilərinin də üzvü olduğu futbol mafiyası külli miqdarda qanunsuz gəlir əldə edir. Gəlir olmasaydı, FİFA daşı daş üstə qoymazdı. Belə olan halda onlar bukmeyker kontorlarına necə söz keçirə bilərlər? Amma təbii ki, qumara qarşı mübarizə adı altında İbrahimoviçə irad tutmaq, qadağa tətbiq etmək, istənilən anda onu əzmək çox asandı. Çünki o, böyük oyunçu olsa da, futbolda balaca fiqurdu.
Bir halda ki, söhbət balacalardan düşdü, biz yazıya FİFA-nın kiçik modeli olan UEFA-yla yekun vuraq. Məlum, bu qurumu çox vaxt nümunə kimi göstərirdilər ki, onlar FİFA qədər korrupsiyaya bulaşmayıblar. Amma Platini ətrafındakı qalmaqaldan sonra çoxları yatmış yuxudan oyandı və əmin oldu ki, FİFA-yla UEFA elə bir medalın iki üzüdü. Ona görə də ən son bu günlər Çempionlar Liqasındakı yaşanan hoqqalar təəccüblü gəlməsin. Komandaların haqları futbol mafiyasının peşkasına çevrilən bəzi hakimlərin əli ilə göz görə-görə bu qədər yeyilirsə, nəticəyə birbaşa təsir edəcək qərarlar verilmirsə, deməli, heç nə təsadüfi deyil, təsadüfi ola bilməz...
Heyf Cüneyt Çakıra!
Aydın BAĞIROV
[email protected]
Salahdan ÇL-də 50-ci qol
Aldığı zədə karyerasını bitirə bilər
PSJ-nin baş məşqçisi Premyer Liqa yolunda
Avropa Liqasında 1/4 finala ilk onlar yüksəldilər
"Şamaxı" - "Araz-Naxçıvan" matçından - Video
Osimhen milliyə çağrılmadı
16 yaşlı qapıçının debütü təxirə salındı
1-ci liqada bu gün yalnız “Şəfa” qələbəyə sevindi
"Real" və "Atletiko"dan sonra növbə "Qalatasaray"ındır?
Premyer Liqa rekordçusu gələcəyini ailəsinə həvalə etdi
"Mançester Yunayted" onun üçün 100 milyon xərcləyəcək?
"Layiq olmadığımız məğlubiyyətlə üzləşdik" - Ayxan Abbasov
"Oyun heç-heçə də bitə bilərdi" - Andrey Demçenko
Azərbaycan millisi Farer adalarına da böyük hesabla uduzdu
"Araz-Naxçıvan" "Şamaxı"ya qalib gəldi
AFFA İntizam Komitəsinin qərarları açıqlandı
Kvaratsxeliya ÇL tarixinə belə düşdü
Elşən Abdullayev mükafatlandırıldı
"Real" ilk dəfə belə uğur qazanır
"Sportinq"in baş məşqçisi 5:0-dan danışdı
“Şamaxı” - “Araz-Naxçıvan”: Heyətlər
Premyer Liqada daha 5 oyunun hakimləri açıqlandı
ÇL-in oyunları bu kanallarda
Qvardiola "Mançester Siti"dəki gələcəyi ilə bağlı nə dedi?
"Neftçi”yə təklif olunan həmin futbolçular mənə lazım deyil”
"Bodo-Qlimt"in baş məşqçisindən vida açıqlaması
Liverpul küçələrində "Qalatasaray" atəşfəşanlığı - Video
AFFA rəsmisi “Barselona” – “Nyukasl” oyununda
"Real" "Mançester Siti"yə belə qalib gəldi - Video
Riçard Almeydanın yeni klubu
Seneqaldan çempionluq alınıb Mərakeşə verildi! - Şok qərar
"Bodo-Qlimt" ÇL-lə vidalaşdı, "Real" və PSJ 1/4 finalda
"Fənərbaxça"dan böyükhesablı qələbə
“Qaradağ Lökbatan”ın 7 cavabsız qolu - Video
Layiq olduğu dəyəri görməyən ulduzlar kimlərdir?
"Şamaxı"nın legioneri milliyə çağrıldı
Benzemanın klubu kubok matçından sonra hakimi şikayət etdi
