29.08.26
Sərhəddə pasportumu yoxlayan və üzündən daha çox mehribanlıq yağan ortayaşlı polis xanım doğma dilində sual verir. Bir çətinliklə də olsa başa düşürəm ki, səfərimizin məqsədini, bura “Qarabağ”la gəlib-gəlmədiyimi soruşur. Ona elə öz dilində, daha çox məşhur kinolardan yaddaşımın bir küncündə ilişib qalan italyanca cavab verirəm:
- Si, senyora!
Yəni, bəli, xanım.
Cavabımdan məmnun qalır. Üzündəki təbəssüm daha da çoxalır. Və axırda pasportuma ölkəyə daxil olduğuma icazə verən möhürü vurub nəzakətlə deyir:
- Romaya xoş gəldiniz, senyor!
***
Az sonra təyyarə Romaya yola düşəcək
Dünyanın ən qədim şəhərlərdən biri bizi - Bakıdan gələn bir qrup jurnalisti və “Qarabağ”ı isti qarşılayır. Ümumiyyətlə, Avropanın bəzi soyuq xalqları kimi deyil italiyalılar. Elə deyildi kimi də varmış: istiqanlı və dəliqanlıdılar. Hə, oxşarlıqlarımız çoxdu. Məsələn, Bakıda maşını necə yüksək sürətlə, nizamsız sürürlərsə, elə burda, Romada da elə sürürlər. Bizdə insanlar şəhərin mərkəzində, bir çox kafe və restoranda, yaxud da telefonda necə hündürdən danışırlarsa, burda da elə o cürdü... Nəyə görəsə, bizim kimi, elə italiyalılara da elə gəlir ki, qarşındakı və ya telefonun o başındakı insan səni sakit deyil, ancaq qışqıra-qışqıra danışanda eşidə bilər.
- Nə sifariş edəcəksiniz?
Qışqırmağını eşidib az qala yerimizdən dik atılırıq. Amma düzü, təəccüblənmirəm. Çünki yalnız sadə italyanların mentalitetinə qəti bələd olmayan insana ilk baxışda elə gələ bilər ki, kafedə ofisiant səndən nə yeyib-içəcəyini soruşmur, səni sadəcə davaya çağırır. Əslində isə məsələ başqa cürdü. Emosionallıq bu millətin qanına hopub.
Təsadüfi də deyil. Tarixən nə boyda müharibələr, möhtəşəm Kolizeyi az qala qan gölünə bulayan neçə-neçə qladiator döyüşləri görüb bu şəhər. Və sabah bu şəhər həmin Kolizeydən çox da uzaqda olmayan nəhəng Olimpiya Stadionunda növbəti dəfə qladiator döyüşünə şahid olacaq. Futbolun qladiatorlarının - İtaliyanın “Roma”sı ilə Azərbaycanın “Qarabağ”ının..
***
Nəhəng “Aiurbus 340”ın üzərindəki “Qarabağ” sözləri yenidən diqqətimi çəkir. 
AZAL-ın Ağdam komandasını Bakıdan Romaya gətirən təyyarəsinin adıdı. Deyəsən, ən böyük hava gəmilərimizdən biridi. “Qarabağ” üçün düşərli təyyarədi. “Atletiko”nu Bakıya bu təyyarə gətirmişdi, Bakıdan qələbəsiz qayıtdı, “Qarabağ”ı isə Madridə məhz bu təyyarə aparmışdı, ordan xalla qayıtdı...
Sabah Bakıya necə qayıdacağımızı - xalla ya xalsız – oyundan sonra biləcəyik.
Hələliksə istiqanlı və dəliqanlı Romaya xoş gəlmisən, “Qarabağ”!
Aydın BAĞIROV
Roma
AFFA "Kəpəz"i cərimələdi
PSJ-də itki
Kivu: "Mükəmməl deyilik"
8 həftə oynamayacaq
Rüfətin komandası uduzdu
Mbappe sabiq klubuna təzminat ödəyəcək
"Fərqi yoxdur, "Mançester Yunayted"dir, ya da "Şəfa" - Video
"İlk qolu buraxana qədər oyundan razı idim" - Zaur Həşimov
Çempion debütantı belə məğlub etdi - Video
40 yaşlı Serxio Ramos Premyer Liqa klubuna keçə bilər
"Sabah" "Şəfa"ya qalib gəldi
"Aparıcı klublarda keyfiyyətli hücumçu yoxdur"
Azərbaycan millisi Moldovaya məğlub oldu
“Neftçi” onunla yolları ayırdı
"Epizodu 20 dəfə izləmişəm, penalti qərarını anlamadım"
Baş məşqçi komandaya gəlməsinə razılıq vermədi
2-ci liqada 3-cü tura yekun vuruldu
“Bavariya” əvvəl konteynerə girdi, sonra oyuna çıxdı - Video
“Şəfa” - “Sabah”: Heyətlər
Runi Mançester derbisinin hakimliyini sərt tənqid etdi
Azərbaycanı Avropa çempionatında təmsil edəcək boksçular
"Neftçi" onunla müqaviləni uzatdı
Marselo Qalyardo rəsmən Ekvador millisində
“Sumqayıt” rəhbərliyinin uğursuz seçim fəlsəfəsi
“Qalatasaray”a "yox" dedi
"Qarabağ"ın yeni transferi: "Bu qərarı baş məşqçi verir"
Mourinyo Arda Güleri təriflədi: "Fantastik potensial"
Nə Azərbaycanda işi yarıtdı, nə də Serbiyada
