27.02.26
Azərbaycanın Milli Qəhrəmanı, "Qarabağ"ın əfsanəvi kapitanının 71 illiyinə
Necə futbolçu olduğunu görməmişəm.
O, futbol oynayanda mən hələ doğulmamışdım, mən doğulanda isə o futbolda yox idi.
Onu bizə futbol tanıtmadı. Döyüş meydanlarındakı, Qarabağdakı artıq az qala dastana çevrilən qəhrəmanlıqları tanıtdı.
Və onu qəlblərdə yaşadan da, onun adını bu gün futbola qaytaran da - formalarının üzərinə yazdıran da, futbol tribunalarında böyük pankartlarını açılmasına səbəb olan da bu qəhrəmanlıqlarıdı.
Və o adı yaşadan həm də özünə "Allahverdinin əsgərləriyik" kimi şərəfli şüar seçən "İmarət" fan klubunun fədakar üzvləridi.
***
Allahverdi Bağırovla cəmi bir dəfə ünsiyyətim olub.
Ağdamın diri vaxtları idi. Yaşım olardı 10, ya 11. Özümdən 4-5 yaş böyük oğlan hər dəfə onların küçələrindən keçəndə mənə söz atır, vurmaq istəyirdi. Rayon yerlərində adət etdiyimiz şey idi bunlar. Və bir dəfə Ağdamın bulvarında həmin oğlan yenə qarşıma çıxıb söz atmağa başladı. Belə vaxtlarda bəzən Fariz köməyimə çatardı. Onda əlbəttə, hələ karate, kikboks və boks üzrə dünya çempionu deyildi. Amma cəld idi, 2-3 nəfərin öhdəsindən təkbaşına gələ bilirdi. Tərslikdən bu dəfə yanımda deyildi Məmmədov.
Qarşımdakı yekəqarın, burnuəyri, əyin-başından kilolarla kir tökülən oğlan sırtıqlığından əl çəkmir. Məndən də böyükdü axı, davaya girsəm, gücüm çatmayacaq. Və bu zaman köməyə nə çatır? Hə, o ənənəvi uşaq üsulu.
Yerdən bir daş götürüb, heç nə fikirləşmədən çırpdım bunun təpəsinə… Başından qan açıldı. Üstümə şığıdığını görüb qaçdım. Gəlib, bulvarın yanındakı restorandan keçəndə bir nəfər qolumdan tutdu.
Allahverdi Bağırovu o dəqiqə tanıdım. Atamla uzun illərin dostu idilər (restoran Allahverdi Bağırovun idi).
- Kimin oğlusan?
- Rövşənin.
- Niyə qaçırsan, ə?
Danışdım hər şeyi.
Və ətrafa baxanda yanımda başından hələ də qan gələn o oğlanı gördüm. Yazığım gəldi, düzü. Alllahverdi Bağırov bizi elə oradaca barışdırdı. Dedi, bir-birinizə əl verin, bir də dava etməyin və bir böyük kimi məsləhət gördü ki, özündən kiçiklərə əl qaldırma. Oğlan getdi və onu bir də heç vaxt görmədim.
Sonra məni yanında oturtdu. Kimləsə yeyib-içirdi. Bir az söhbət elədik. Bir o yadımda qalıb ki, axırda mənə də iradını bildirdi:
- Dava edəndə heç vaxt qaçma!
O heç vaxt heç kimin qabağından qaçmadı...
Və Allahverdi Bağırov yaddaşımda həm də bu iki məsələyə daha çox qaldı: 2 uşağın gələcək münaqişəsinin qarşısını alan ədalətli insan və mərd şəxsiyyət kimi...
Aydın BAĞIROV
[email protected]
Salahdan ÇL-də 50-ci qol
Aldığı zədə karyerasını bitirə bilər
PSJ-nin baş məşqçisi Premyer Liqa yolunda
Avropa Liqasında 1/4 finala ilk onlar yüksəldilər
"Şamaxı" - "Araz-Naxçıvan" matçından - Video
Osimhen milliyə çağrılmadı
16 yaşlı qapıçının debütü təxirə salındı
1-ci liqada bu gün yalnız “Şəfa” qələbəyə sevindi
"Real" və "Atletiko"dan sonra növbə "Qalatasaray"ındır?
Premyer Liqa rekordçusu gələcəyini ailəsinə həvalə etdi
"Mançester Yunayted" onun üçün 100 milyon xərcləyəcək?
"Layiq olmadığımız məğlubiyyətlə üzləşdik" - Ayxan Abbasov
"Oyun heç-heçə də bitə bilərdi" - Andrey Demçenko
Azərbaycan millisi Farer adalarına da böyük hesabla uduzdu
"Araz-Naxçıvan" "Şamaxı"ya qalib gəldi
AFFA İntizam Komitəsinin qərarları açıqlandı
Kvaratsxeliya ÇL tarixinə belə düşdü
Elşən Abdullayev mükafatlandırıldı
"Real" ilk dəfə belə uğur qazanır
"Sportinq"in baş məşqçisi 5:0-dan danışdı
“Şamaxı” - “Araz-Naxçıvan”: Heyətlər
Premyer Liqada daha 5 oyunun hakimləri açıqlandı
ÇL-in oyunları bu kanallarda
Qvardiola "Mançester Siti"dəki gələcəyi ilə bağlı nə dedi?
"Neftçi”yə təklif olunan həmin futbolçular mənə lazım deyil”
"Bodo-Qlimt"in baş məşqçisindən vida açıqlaması
Liverpul küçələrində "Qalatasaray" atəşfəşanlığı - Video
AFFA rəsmisi “Barselona” – “Nyukasl” oyununda
"Real" "Mançester Siti"yə belə qalib gəldi - Video
Riçard Almeydanın yeni klubu
Seneqaldan çempionluq alınıb Mərakeşə verildi! - Şok qərar
"Bodo-Qlimt" ÇL-lə vidalaşdı, "Real" və PSJ 1/4 finalda
"Fənərbaxça"dan böyükhesablı qələbə
“Qaradağ Lökbatan”ın 7 cavabsız qolu - Video
Layiq olduğu dəyəri görməyən ulduzlar kimlərdir?
"Şamaxı"nın legioneri milliyə çağrıldı
Benzemanın klubu kubok matçından sonra hakimi şikayət etdi
