29.08.26
Yazının əvvəlində sizi qısa statistika ilə bir balaca yormalı olacam. Çünki ölkədə uşaq futbolunun hansı kökə düşdüyünü, onu gələcəkdə hansı zərbələrin gözlədiyini bu rəqəmlərdən daha yaxşı ifadə edən acınacaqlı və gülməli faktlar tapmaq, yəqin ki, mümkün deyil.
Beləliklə, başlayaq ondan ki, futbola milyonlarla pul ayrılır. Amma...
Birinci fakt. Həmkarım İlqar Tağıyevin bir müddət əvvəl apardığı araşdırmadan məlum olur ki, AFFA-nın U-14 Liqasında bir mövsüm ərzində oynamış 1929 oyunçudan 1526-sı (79,1 faiz), yəni hər 5 nəfərdən 4-i növbəti il də karyeralarını davam etdirməli olduqları halda futbolu vaxtından əvvəl (ya da elə başlayan kimi) atmaq məcburiyyətində qalıb.
İkinci fakt. AFFA-nın 2017-ci il üçün hesabatına əsasən, ötən il U-14 liqasında təkcə bölgələri təmsil edən 47 komanda oynayıb. U-15 liqasında isə bölgə komandalarının sayı düz on dəfəyə yaxın azalaraq 5-ə düşüb! (Bakıda məskunlaşan “Qarabağ” və paytaxta yaxın Sumqayıtın komandaları istisna olmaqla). U-16 və U-17 liqalarında vəziyyət daha dözülməzdi. Birində 2, digərində 3 bölgə təmsilçisi oynayır (“Qarabağ” istisna olmaqla).
Yəni təkcə Premyer Liqada yox, U-15-dən başlayaraq bütün çempionatları Bakı turniri də adlandırmaq olar. Və futbolumuzun – aşağı yaş qrupları üzrə liqaların niyə bu günə düşməsinin yeganə bir səbəbi var: uşaq futboluna pulun ya heç ayrılmaması, ya da simicliklə ayrılması.
Konkretləşdirək. U-15 liqası U-14-də olduğu kimi, region deyil, bütün ölkə üzrə keçirilir və bir bölgə komandasının Bakıya (yaxud qonşu şəhərə) oyuna getməsinə vəsait lazımdı. Nə qədər? İllik cəmi 10-15 min manat. Hələ UEFA-nın uşaq futbolu üçün ayırdığı pulları bir kənara qoyaq. Bu yerdə hərlənib-fırlanıb yenə gələcəm AFFA-da vəzifə borcu uşaq futbolunu inkişaf etdirmək olan, amma burda çalışdığı 10 ildə Azərbaycana bir yararlı futbolçu belə tapmayan Bernhard Lippertə. Təkcə bu almana verilən illik maaşla bölgələrdə 10 babat uşaq komandası saxlamaq olar. 10 belə komanda azı 200 futbolçu deməkdi. Gələcəkdə o 200 nəfər arasından da 2-3 faiz istedadlı futbolçu çıxsa, bəs edər. Amma əyalətlərdə uşaq futbolunun da günbəgün batması yəqin AFFA-nı hələ ayıltmayıb.
Hərçənd uşaq futbolundan danışanda bütün məsuliyyəti federasiyanın üzərinə atmaq da haqsız olar. Çünki...
Üçüncü fakt. AFFA ilə yanaşı ölkədə idmanın və futbolun inkişafına məsul olan daha iki qurum var. Biri və ən əsası Gənclər və İdman Nazirliyidi, digəri isə bir az Təhsil Nazirliyi. Bu iki böyük dövlət qurumunun nəzdində bütün rayonlarda uşaq gənclər idman məktəbləri fəaliyyət göstərir. Amma sözügedən liqalarda həmin məktəblərin toplam bircə komandası oynayır. Təsəvvür edirsiniz, bircə komandası! Əgər belə olacaqsa, faktiki futbolun inkişafı adına heç bir iş görməyəcəklərsə, o zaman bu nazirliklər AFFA İcraiyyə Komitəsində hansı məntiqlə təmsil olunmalıdı?
Nəhayət, dördüncü fakt. Və bütün bu tragikomediyadan sonra hamı elliklə Qurban Qurbanovla Rəşad Sadıqovdan möcüzə tələb edir. Kimlə yaradacaqlar o möcüzəni? Əfran İsmayılovla?
Aydın BAĞIROV
[email protected]
Hakim derbidə səhv qərar verib - Komitə təsdiqlədi
“Yuventus” cərimələndi
Azərbaycan cüdoçuları 4-cü dəfə dünya çempionu oldu
FİFA-dan Türkiyə klubuna daha bir cəza
Mbappe yığmanın ilk oyununu buraxa bilər
"Real" La Liqa prezidentini istefa verməyə çağırır?
“Bizdəki təzyiqin heç yarısı onlarda yoxdur” - Ayxan Abbasov
“Kəpəz”in futbolçusu sıradan çıxdı
Dambrauskas bölgələrimizə heyran qaldı - Şəkillər
"Azərbaycandan mənə heç vaxt təklif gəlməyib"
Yığmamızın matçının hakimləri bilindi
“Qarabağ”dan rəsmi fanşopla bağlı yenilik
Yeni klubu ilə müqavilə bağlamaq üçün Bakıya gəldi
"Barselona" rəhbərliyi Flikə qəzəbləndi
Ehtiram Quliyev “Turan Tovuz”dan gedirmi? - Özü açıqladı
"Real" Valverde ilə bağlı məlumat yaydı
Rəhim Həsənov hakimin səhv qərar verdiyini açıqladı - Video
"Liverpul"dan Virts qərarı
“Dəfələrlə bildirmişik ki, əvəzedicilər liqası lazımsızdır"
Almaniya millisinin oyunlarını buraxacaq
Hər uğursuzluqda qaçıb gizlənməyən klub rəhbəri…
"Arsenal"dan ayrılmaq istəyir
Salah şəkil çəkdirdi, ərazi turist mərkəzi oldu - Video
Azərbaycanın iki boksçusu mərhələ adladı - Avropa çempionatı
Əfsanənin vida forması - Video
İngiltərə millisinə getməkdən özü imtina edib?
“Mançester Yunayted”də itki
Atasının yolu ilə
Premyer Liqa klubundan maraqlı addım - Şəkil
Ukraynalı məşqçi Azərbaycana qayıdır - Bu klubla razılaşdı
Cəlal ehtiyatda qaldı, komandası qalib gəldi
“Dinamo”dan əzmkar qələbə - Video
Messi daha bir rekordun astanasında
Millinin heyətindən kənarda qaldı
“Qalatasaray”dan Okan Burukla bağlı açıqlama
Yalnız Ronaldodan geri qalır
“Turan Tovuz” - “Fənərbaxça” matçının vaxtı bəlli oldu
“Sabah”ın ÇL oyunları üçün vahid biletlər satışa çıxarıldı
