19:38
“Neftçi”nin baş məşqçisi Samir Abasov Misli Premyer Liqasının 9-cu turunda “Qəbələ” üzərində qazanılan 2:0 hesablı qələbəni şərh edib.
QOL.az xəbər verir ki, o, matçdan sonra təşkil edilən mətbuat konfrasında deyib:
“Keçmiş məşqçim Kaxaber Sxadadzeni və “Qəbələ”ni təbrik edirəm. Əla komandadır. Biz bilirdik və oyundan əvvəl futbolçulara da demişdik ki, Qəbələdə oynamaq çətin olacaq. Təcrübə qazansalar, turnir cədvəlində daha yuxarıda olacaqlar. Birinci hissədə onların qol imkanları oldu. Öz futbolçularıma təşəkkür edirəm, çətin səddi dəf etdilər”.
S.Abasov Sesse Dalmeydanı meydana buraxmaması haqda belə deyib: “Çünki bu oyuna “Qəbələ”ni yaxşı tanıyan Camalov və Kuç çıxdılar. Abubakara gəlincə, o, oyunda təcrübəsini göstərdi. Elə futbolçular var ki, 45 dəqiqə oynayıb epizod yaradır. Abubakar da həmin oyunçulardandır. Biz istəyirik ki, o, bütün matçı oynamağa hazır olsun.
Rza Cəfərovla bağlı isə deyə bilərəm ki, onun karyerası ilə bağlı qərarı klub verir. Qapıda rəqabət olmasını istəyirik, fərqi yoxdur — yerli qapıçı olacaq, yoxsa legioner”.
S.Abasov həmçinin komandasının 9 turda cəmi 2 qələbə qazanmasına da toxunub:
“Qəbul edirik ki, 9 oyunda 2 qələbə çox azdır. Startda xal itirdik, sonra qalib gəlməli idik. Qələbələr üçün əlimizdən gələni edəcəyik” (azerisport.com).
AFFA "Kəpəz"i cərimələdi
PSJ-də itki
Kivu: "Mükəmməl deyilik"
8 həftə oynamayacaq
Rüfətin komandası uduzdu
Mbappe sabiq klubuna təzminat ödəyəcək
"Fərqi yoxdur, "Mançester Yunayted"dir, ya da "Şəfa" - Video
"İlk qolu buraxana qədər oyundan razı idim" - Zaur Həşimov
Çempion debütantı belə məğlub etdi - Video
40 yaşlı Serxio Ramos Premyer Liqa klubuna keçə bilər
"Sabah" "Şəfa"ya qalib gəldi
"Aparıcı klublarda keyfiyyətli hücumçu yoxdur"
Azərbaycan millisi Moldovaya məğlub oldu
“Neftçi” onunla yolları ayırdı
"Epizodu 20 dəfə izləmişəm, penalti qərarını anlamadım"
