27.02.26
Ramil Şeydayev əsl futbol məktəbi keçib.
Hücumçuya lazım olan bütün göstəriciləri var: hündürboydur (187 sm), yaxşı mövqe seçimi edə bilir, sürəti və fiziki göstəriciləri yüksəkdir, rəqib müdafiəçiləri təzyiq altında saxlamağı bacarır, komandası üçün çox iş görür.
Çexiya-Azərbaycan oyununda 90 dəqiqəyədək meydanda oldu. Sonadək döyüşdü. Xoş təsir bağışladı. Hələ Türkiyəyə gedəndən oyun təcrübəsi demək olar, yox səviyyəsindədi. Gör, müntəzəm oynasaydı, nələr edə bilərdi.
Uzun illər axtardığımız hücumçu odurmu? Bəlkə də...
Zamanın öhdəsinə buraxaq.
***
Oyunu Rusiyanın “Matç Arena” kanalında izlədim. Rus şərhçinin ona xüsusi simpatiyası hiss olunurdu. Məlum, Ramil bir futbolçu kimi bizim yox, qonşularımızın yetirməsidi. Azərbaycanı seçdiyi üçün heyfslənirlər. “Rus futbolu belə bir istedadı itirdi” – deyirlər. “Matç TV”nın şərhçisi də deyir, nüfuzlu “Sport-ekpsress”in tanınmış yazarı da. Məşhur futbol adamları da.
Qonşu bilir qədrin.
Bəs, qardaşlarımız?
***
3 aya yaxındı Türkiyədədi. “Trabzonspor”a AFFA-nın yardımı ilə transferinə dair xəbərlər dolaşır. Amma bu, onun böyük istedadını danmağı əsas vermir. Maraqlısı bilirsiniz nədi? Sayın Ərsun Yanal və “Trabzonspor” idarəçilərinin futbol yanaşması.
Cəmi 1 rəsmi oyunda meydana buraxılıb. O da Türkiyə kubokunda hansısa 3, ya da 4-cü liqa komandası ilə matçda (o oyunda da qol vurub).
Adam U-19-lar arasında Avropa çempionatının bombardiri olub. Azərbaycan pasportu alana qədər müntəzəm olaraq Rusiyanın U-21 millisinə çağırılıb və yaxşı oyunu ilə fərqlənib. Görəsən, “Trabzonspor” nümayəndələrinin bundan xəbəri var?
Komandalarının hücum xətti bərbad durumdadı. 6 oyuna cəmi 3 qol vurublar. Turnir cədvəlində 12-ci yerdədilər.
Məlum, Azərbaycan kimi, Türkiyədə də klub məşqçiləri və idarəçilərinin futbola baxışında problem var. Problem olmasaydı, əsas da yox, heç olmasa, hər matçda ehtiyat oyunçular sırasında olmalıydı Ramil...
Amma nə edəsən?
Ərsun Yanal və klubun başqanı bahalı, daha təcrübəli hücumçular axtarırlar. Sabah faydası dəyəcəkmi onların?
Gözlərinin önündə Ramil kimi istedad var. Amma 20 yaşlı, gələcəyin brilliant dəyərində olacaq futbolçusunu görmürlər.
Biz hələ Ramildən danışırıq. Futbol tarixlərinin ən istedadlı yetirməsi olan Arda Turana millinin qapısını bağlayıblar.
Türkiyə futbolu qalıb futbol fəlsəfəsi naftalin qoxuyan terimkimilərin əlində...
Allah Türkiyədə Ramilə də yol açsın, elə türk futbolunun özünə də.
Aydın BAĞIROV
Sarri qovula bilər
Premyer Liqa klubları onu hədəfə aldı
Ronaldodan iddialı baş məşqçi təklifi
“Baku Sportinq”in qələbəsindən - Video
Çempionlar Liqasının favorit klubu hansıdır?
“Qarabağ”dan “Azərsun Arena” ilə bağlı yeni qərar
"Fənərbaxça"dan gedir
Millinin sabiq üzvünə klubda vəzifə verildi
ÇL-də həftənin komandasında kimlər var?
Mbappe sıraya dönür, Bellinqem hələ də zədəlidir
Het-trik etdi, ÇL-də həftənin ən yaxşısı seçildi
"Finalissima" matçı "Real"ın stadionunda keçiriləcək?
"Mançester Siti"nin futbolçusu La Liqaya keçə bilər
"Real"ın penaltisini dəf edən qapıçı hakimə nə deyib?
“Şəfa” klubunda yeni təyinat
"Baku Sportinq" və "Səbail"dən qələbə
Azərbaycan millisi 0:11 hesabı ilə uduzdu
Qrem Potterlə müqavilə uzadıldı
"Futbolçularım çaşqınlıq içindədirlər"
"Karvan-Yevlax"ın üç legioneri milliyə çağırıldı
"PSJ bununla kifayətlənməyəcək"
Sarı vərəqəni qəsdənmi alıblar? - UEFA cəzalandıra bilər
"Siz "Real"ın uşaq bağçası olduğunu düşünürsünüz"
Azərbaycanı Avropa Açıq Turnirində təmsil edəcək cüdoçular
Raulun rekordu qırıldı
"Bayer"'ə qol vurdu, "məni bağışla!" dedi
Misli Premyer Liqasında 24-cü turun hakimləri açıqlandı
