27.02.26
Adamdan soruşarlar, sən öz azarkeşinə cəmi 1 manata bilet satıb stadiona gətirə bilmirsən (hətta çox vaxt pulsuz da!), oyunun yayımını telekanala 50-100 minə necə satacaqsan və o oyun kimin üçün göstəriləcək?
Azərbaycan futbolu ilə azdan-çoxdan maraqlanan adamlar bilirlər ki, bu yaxınlarda AFFA Klublar Komitəsi adında bir qurum yaradıb. Bu komitənin Peşəkar Futbol Liqasına alternativ olduğu şübhə doğurmur. Deyirlər ki, komitənin fəaliyyəti Premyer Liqamızdakı problemləri yoluna qoymağa yönəlib.
Çox gözəl! Amma gəlin, öncə komitənin üzvlərinə, Azərbaycan futbolunun problemlərini çözmək iddiasına düşmüş şəxslərə baxaq. Başlayaq komitənin rəhbərindən. Tuyqun Nadirov, başqa sözlə, “Xəzər Lənkəran” klubu... Bu klubun rəhbərliyi son 6-7 ildir hələ öz problemlərini həll edə bilməyib, az qala, üç aydan bir məşqçi dəyişir, bu halda onların Azərbaycan futbolunda kök salmış problemi nə cür yoluna qoyacağı həqiqətən maraq doğurur.
Keçək digər klublara. İçlərində hələlik bir balaca “Qarabağ”ı fərqləndirmək olar: hər halda, pis-yaxşı, ortada builki Avroliqakı uğurlu nəticə var. Qalan bütün klublarda işlər tam olaraq yerində deyil. Komitənin sədri “Xəzər Lənkəran”da hansı problemlər varsa (idarəçilik və sair.), üzvlər olan klublarda da eyni və ondan daha artıq nöqsanlar mövcuddur.
Bu komitə yeni yarandığından hələlik real olaraq bir iş görməyib. Amma faəliyyətə başlayan kimi az qala PFL, çempionatın sponsoru olan Topaz və Hakimlər Komitəsinə savaş elan edib. Təbii, AFFA-nın hazırkı rəhbərliyi də prosesləri kənardan dəstəkləyir. Futbol çinovniklərinin üstüörtülü davasını (haqlı, ya haqsız) bir kənara qoyub, gələk Klublar Komitəsinin çempionatın teleyayımı ilə bağlı irəli sürdüyü gülməli təklifə.
Komitə bildirir ki, ola bilər, çempionatın yayım hüququ klublara verilsin, onlar isə yayım işlərini həll etdikdən sonra hazır siqnalı klublara satsınlar. Əslində normal futbol ölkələrində belədir. Klub yayımı satır, telekanal isə alır. Amma nəzərə alanda ki, Azərbaycan hələ də normal futbol ölkəsi olmağı bacarmayıb, onda ortaya sual çıxır: bizim klubların oyununu hansı ağıllı öz cibinin pulu ilə klublardan alacaq?
Xaricdə telekanal klubdan oyunun yayımını ona görə alır ki, onun izləyicisi çox olur, telekanal futbol matçının yayımından təkcə reytinq deyil, həm də pul qazanır. 1992-ci ildən üzü bəri, düz 22 ildir keçirilən milli çempionatlarımızın tarixində isə indiyədək hələ heç bir kanal bir qəpik pul verərək yayımı almayıb. Əmin olun ki, bu gedişlə qarşıdakı on ildə də almayacaq! Görəsən, Klublar Komitəsində bu təklifi irəli sürən adam(lar) normal olaraq fikirləşib ki, məsələn, özəl kanalda düşük aparacının mağar toyunu xatırladan bir proqramını izləyənlərin sayı onların bütün mövsümboyu – 8-9 ay ərzində tamaşa edənlərdən çoxdur? Uzağa getməyə nə gərək, elə o təklifi irəli sürən və dəstəkləyən klubların əksəriyyəti öz günahları ucbatından Premyer Liqadakı oyunları zamanı bomboş qalmış tribunalara baxsınlar. Adamdan soruşarlar, sən öz azarkeşinə 1 manata bilet satıb stadiona gətirə bilmirsən (hətta çox vaxt pulsuz da!), oyunun yayımını telekanala 50-100 minə necə satacaqsan və o oyun kimin üçün göstəriləcək?
Çempionatı bir kənara qoyaq, indiyədək Avropa kuboklarında oynamış klublarımızdan hansı (qrupa vəsiqə qazanan “Neftçi” və “Qarabağ”ın UEFA-dan yayıma görə əldə etdiyi gəlir xaric) təsnifat mərhələsində oyunlarını kanallara sata biliblər?
Təbii ki, heç biri. Bu klublar indi yeri gəlsə hələ “İdman Azərbaycan”a və çempionatın sponsoru “Topaz”a sağ ol deməlidilər ki, heç olmasa hər tur 1-2 oyunu təmənnasız göstərirlər. Kimsə yayımlanan oyunların azlığından şikayət edə bilər. Amma gerçəklikləri də nəzərə alaq. Məsələn, elə klub var, hələ də sadəlövhcəsinə inanır ki, dövlət televiziyası və ya başqa bir kanal pul verib yayımı alacaq. Amma normal olaraq fikirləşmir ki, sənə kütləvi maraq varmı? Varsa, niyə stadionun tribunalarını ağzınadək demirik, heç yarıyadək doldura bilmir?
Klublar Komitəsi birinci belə suallara cavab tapmalıdır. Amma nə qədər ki, o suallar açıq qalıb, problemlər həllini tapmayıb, kluba da, oyunlarına da heç bir kanal yaxın durmayacaq.
Aydın BAĞIROV
"Yuventus" baş məşqçi ilə bağlı qərarını verdi
"Avrokubok üçün əlimizdən gələni edəcəyik" - Rəşad Sadıqov
"Tam özümüzə gəlməmişik" - Qurban Qurbanov
"Qarabağ"ın vacib qələbəsindən - Video
Qavi geri dönür
Qırmızı vərəqələr, ləğv edilən qollar, hərəyə 1 xal
"Sabah" "İmişli"yə, "Qarabağ" "Zirə"yə qalib gəldi
"Fənərbaxça" futbolçuları təhdid edilir
"Qalatasaray"lı Osimhen "Real"a gedir?
"İnter" qələbəni son anda əldən verdi
"Tottenhem"də ciddi itkilər var
Futbolçular meydandan təxliyə olundu
"Onlar öz güclü tərəflərini bizə göstəriblər"
"Sabah"ın böyükhesablı qələbəsindən - Video
“Araz-Naxçıvan” da ev oyunlarını Sumqayıtda keçirəcək
"Bizi dəstəkləmələri çox vacibdir" - "Sabah"ın futbolçusu
"Zirə" - "Qarabağ": Heyətlər
"Səhvlərimizdən maksimum yararlandılar" - Jorj Kaşkilya
Ronaldonun oğlu baş məşqçiyə əsəbləşdi - Video
Ülviyyə Fətəliyeva beynəlxalq turnirin qalibi oldu
Neymar: "Aman Tanrım, özüm olmaq necə də çətindir"
Azərbaycanda federasiyalar birləşdirildi
"FİFA DÇ-2026-ya ev sahibliyini ABŞ-dan almalıdır"
"İmişli" - "Sabah": Heyətlər
Azərbaycanın millisi Çempionlar Kubokunun yarımfinalında
Arbeloa: "Tənqidlər məni narahat etmir"
"Liverpul" "Real"ın iki futbolçusunu transfer edə bilər
"Atletiko"da itki
"Sona qədər avrokuboklar uğrunda mübarizə aparacağıq"
Ayxan Abbasov klub rəhbərlərini belə tənqid etdi - Video
“İndiki boksçuları heç kim tanımır” - Mayk Tayson
Messi, yoxsa Ronaldo? - Hazard seçdi
“Qarabağ”dan ayrılan Krisdən açıqlama
Nəriman yeni klubunun stadionunu ziyarət etdi - Video
Renat oynadı, komandası qalib gəldi
“Fənərbaxça”nın mövsümdəki ilk məğlubiyyəti - Video
Ruzanna Məmmədova Avropa ikincisi oldu
“Qələbə qazana bilməməyimizin səbəbini bilmirəm” - Saşa İliç
"Şamaxı" "Sumqayıt"a belə qalib gəldi - Video
“Bir çox klub rəhbəri artıq getməlidir” - Ayxan Abbasov
"Fənərbaxça"dan şok məğlubiyyət
"Neftçi" - "Qarabağ" matçının vaxtı açıqlandı
"Araz-Naxçıvan"ın qələbəsi - Video
"Getdikdə daha yaxşı oynayırıq" - Andrey Demçenko
