27.02.26
Almaniyanın radiolarının birində çalışan bir jurnalist var. Azərbaycanda səfərdədi. İdman jurnalisti olmasa da, 3 gün əvvəl onu “Qarabağ”ın oyununa aparmağımı xahiş etdi. Marağımı gördükdə dedi ki, Çempionlar Liqasında “Atletiko” ilə matçlardan sonra bu komanda diqqətimi çəkib və istəyirəm, burdaykən gedib oyununa canlı da baxam. Dünən “Qəbələ” ilə matçı birgə seyr etdik. “Azərsun Arena”nı bəyəndiyini dedi, amma turun mərkəzi oyununa bu qədər az adamın gəlməsinə təəccüblənib soruşdu ki, nə məsələdi?
***
AFFA-nın nümayəndəsinin rəsmi protokoldakı qeydlərinə inansaq, “Qarabağ”la “Qəbələ” arasındakı dünənki çempionat oyununu cəmi 1500 azarkeş izləyib. Matça “Azərsun Arena”da canlı baxanlar isə təsdiq edə bilərlər ki, istənilən ölkədə derbi üçün gülünc sayılacaq bu azarkeş sayı belə şişirdilib. Amma rəqəmin 1000, yaxud 1500 olması heç nəyi dəyişmir. Bu, bir daha göstərir ki, elə həmin “Qarabağ”ın Çempionlar Liqasındakı görüşlərinə stadionda baxan onminlərlə azərbaycanlıya daxili çempionatda “Qəbələ”, yaxud “Neftçi” ilə oyunlar qətiyyən maraqlı deyil.
Hərçənd bu yerdə bizdəki məşhur el sözü yada düşür: balıq başdan iylənər. Bakıda Azərbaycan insanı ölkə çempionatının oyununu arzu olunanın heç 10 faizi səviyyəsində də izləmir ki, bu da normaldı. Çünki Premyer Liqa adlanan bu yarış, kobud səslənsə də, it günündədi və 5-10 nəfəri çıxmaqla kimsəni maraqlandırmır. Amma dərd orasındadı ki, çempionatdakı bu eybəcərlik hətta birbaşa vəzifə borcu futbolu düzəltmək olan AFFA rəhbərliyinin də vecinə deyil. Rövnəq Abdullayev oyunlara gəlmir. Həmişə də əlində bəhanəsi var: SOCAR-da işləri çoxdu. Elşad Nəsirov da oyunlara gəlmir. Onun da bəhanəsi eynidi. Rauf Əliyev Premyer Liqa nədi, onu yaddan çıxarıb. Çünki o, Milli Məclisdə insanların problemlərinin həlli ilə məşğuldu (bu yerdə oxucunun dodağı qaçır). Onlar, sıralamayla qeyd etsək, AFFA-nın prezidenti və vitse-prezidentləridi. Bu adamlardan sonra AFFA-da hüquqi statusuna görə dördüncü şəxs, amma faktiki olaraq federasiyanı idarə edənsə Elxan Məmmədovdu. Elxan müəllimin işi isə birbaşa futbola bağlıdı. Amma o da oyunlara gəlmir. Və nə vaxta qədər ki, çempionatı keçirən adam Ramin Musayevdi, yaxud çempionat E.Məmmədovun nəzarətində deyil, o, ən yaxşı halda komandaların mükafatlandırıldığı oyunlarda görünəcək (yeri gəlmişkən, hər nə qədər gülməli görünsə də, bir ara hətta çempionatın təşkilatçısı Ramin Musayev özü də oyunlara stadionlarda yox, isti kabinetində baxırdı). Çünki üzdə olmasa da, arxada bir-birini didməklə məşğuldular. O bunu xoşlamır, bu da onu. Ona görə də AFFA-nın binası olub futbolumuzun evi yox, intriqa yuvası. Bunun da çempionata, milli komandaya, bölgə futboluna vurduğu ağır zərbəsinin nəticələrini hamımız görürük.
İndi gəl, futbol rəhbərlərinin laqeyd münasibətindən, bütün bu həngamədən sonra alman jurnalisti başa sal ki, niyə derbi oyununda tribunalar bom-boş qalıb?
Aydın BAĞIROV
[email protected]
ÇL matçına çıxmamaq cəzasından son anda xilas oldu
La Liqanın ən bahalı futbolçuları kimlərdir?
“Şəki Siti”nin əzmkar geridönüş qələbəsi - Video
MLS rəhbərliyi çempionat təqvimində dəyişiklik edir
"Barselona"dan yeni rekord
"Bavariya"dan "Real"a keçə bilər
"Çelsi"nin kapitanı sıradan çıxdı
Rəhim Həsənov hakimlərin qərarını təsdiqlədi - Video
Çempionlar Liqası finalının bilet qiymətləri bəlli oldu
Millidən qayıtdıqdan sonra qol vura bilmir
Milliyə kimlər çağırıldı?
Qvardiola ÇL matçından öncə komandasını istirahətə göndərdi
"Barselona"nın qapıları Messinin üzünə açıqdır"
"Çelsi"yə transfer qadağası qoyuldu
“D” lisenziyalı məşqçi kursları keçiriləcək
"Şəki Siti"dən möhtəşəm geridönüş, "Şirvan"dan qələbə
“Neftçi” adının ağırlığını ortaya qoymalıyıq" - Kenan Piriç
AFFA-dan 500 min avroluq maaş iddialarına münasibət
"Barselona" baş məşqçisi ilə müqaviləni uzadır
"Ayın qolu"nun müəllifi mükafatlandırıldı
Rui Jorjenin köməkçiləri açıqlandı
"Kütləvi şəkildə milliləşdirmə olmayacaq" - Sərxan Hacıyev
"Barselona" prezidentliyinə namizəd: "Nəticə utancvericidir"
"Liverpul" - "Qalatasaray" matçının hakimləri bilindi
Misli Premyer Liqasında 6 oyunun saatı məlum oldu
Tite istefaya göndərildi
Yarımfinalda ilk oyunların vaxtı açıqlandı
"Şamaxı" üçün ikiqat yubiley
16 yaşında Premyer Liqa rekordu qırdı
Emin Mahmudov "Neftçi"nin tarixinə belə düşdü
Musa “100”ə çatdı
Eşli Koul baş məşqçisi təyin edildi
Mirbağır İsayevə yeni vəzifə verildi
Azərbaycan çempionatları tarixində 9-cu
Kökçüdən möhtəşəm qol - Video
